அனுமதியின்றி விளம்பர பதாகை வைத்தால் கடும் நடவடிக்கை'

திருவாரூர் மாவட்டத்தில் உரிய அனுமதியின்றி விளம்பர பதாகைகள் வைக்கக் கூடாது என்றார் ஆட்சியர் எம். மதிவாணன்.


ஆட்சியரகத்தில் செவ்வாய்க்கிழமை நடைபெற்ற நகராட்சி, பேரூராட்சி பகுதிகளில் விளம்பர பதாகை வைக்க அனுமதி வழங்குவது குறித்த அனைத்துக் கட்சியினர் பங்கேற்ற ஆலோசனைக் கூட்டத்துக்கு தலைமை வகித்து மேலும் அவர் பேசியது:


நகராட்சி, பேரூராட்சிப் பகுதிகளில் டிஜிட்டல் பிளக்ஸ் போர்டு, பேனர், தட்டி போர்டுகள் ஆகியவை தனியார் மற்றும் பொது இடங்களில் வைக்க கோட்டாட்சியரிடம் அனுமதி பெற வேண்டும்.  தனிநபர், அரசு இடம் அல்லது கட்டடத்திலோ டிஜிட்டல் விளம்பர பதாகை, பேனர்கள் வைக்க 15 தினங்களுக்கு முன்பே வைக்கப்படும் இடத்தின் வரைபடம், வைக்க உத்தேசித்துள்ள தேதி எத்தனை தினங்கள் என்பதை குறிப்பிட்டு உரிய படிவத்தில் விண்ணப்பிக்க வேண்டும்.


விண்ணப்பத்துடன் பேனர், விளம்பரத் தட்டிகள் வைக்கப்படும் இடம் தனி நபர் இடமாக இருந்தால் சம்பந்தப்பட்ட நபரிடம் சம்மதக் கடிதம் பெற்று இணைக்க வேண்டும். அரசு இடமாக இருந்தால் பேரூராட்சி, நகராட்சி உதவி செயற் பொறியாளர்களிடம் தடையில்லாச் சான்று பெற்று இணைக்க வேண்டும்.
சம்பந்தப்பட்ட காவல் நிலைய பொறுப்பு அலுவலரிடம் 15 தினங்களுக்கு முன்பு தடையில்லாச் சான்று பெற்று விண்ணப்பத்துடன் இணைக்க வேண்டும். சாலைகளை மறித்து பேனர் வைக்கக் கூடாது. ஒரு பேனருக்கும் மற்றொன்றிற்கும் 10 மீட்டர் இடைவெளி இருக்க வேண்டும். கல்வி நிலையங்கள், வழிபாட்டுத் தலங்கள், மருத்துவமனைகள், தெருக்கள், சாலை சந்திப்பு, சாலை ரவுண்டானாக்கள், முக்கிய சிலைகள், புராதன சின்னங்கள், சுற்றுலாத் தலங்கள் ஆகிய இடங்களில் பேனர்கள் வைப்பதற்கு அனுமதி இல்லை.


அனுமதி இல்லாமல் வைக்கும் பேனர்களை அகற்ற ஆகும் செலவினத்தை சம்பந்தப்பட்ட நபர்களிடம் பிடித்தம் செய்ய கோட்டாட்சியருக்கு அதிகாரம் வழங்கப்பட்டுள்ளது. அனுமதி பெற்று வைக்கப்படும் பேனர்கள் விதிமுறைகளுக்கு உட்படாமல் இருந்தால் அனுமதி ரத்து செய்யப்படுவதுடன் சட்ட நடவடிக்கை மேற்கொள்ளப்படும். அனுமதி பெறாமல் வைத்தால் சம்பந்தப்பட்ட நபர்கள் மீது சட்டபூர்வமான  நடவடிக்கைகள் மேற்கொள்ளப்படும் என்றார் மதிவாணன்.


 கூட்டத்தில் மாவட்ட வருவாய் அலுவலர் த. மோகன்ராஜ், மாவட்டக் காவல் கண்காணிப்பாளர் த. ஜெயச்சந்திரன் உள்ளிட்டோர் பங்கேற்றனர்.

திருவாரூர் அருகே ரயில் தண்டவாளத்தில் இரும்புத் துண்டுகள்: கவிழ்க்க சதியா?

திருவாரூர் ரயில் நிலையம் அருகே தண்டவாளத்தில் இரும்புத் துண்டுகள் வைக்கப்பட்டிருந்தது செவ்வாய்க்கிழமை கண்டறியப்பட்டதையடுத்து, ரயிலை கவிழ்க்க சதி செய்யப்பட்டதா என போலீஸார் விசாரணை மேற்கொண்டுள்ளனர்.

தஞ்சாவூரிலிருந்து காரைக்கால் செல்லும் பயணிகள் ரயில் செவ்வாய்க்கிழமை காலை 7 மணிக்கு திருவாரூர் நோக்கி வந்தது. திருவாரூர் ரயில் நிலையம் அருகே ரயில் வந்தபோது தண்டவாளத்தில் இரும்புத் துண்டுகள் அடுக்கி வைக்கப்பட்டிருந்ததை ஓட்டுநர் ஜானகிராமன் பார்த்துள்ளார்.


இதனால் அதிர்ச்சியடைந்த அவர், ரயிலை உடனடியாக நிறுத்திவிட்டு, தண்டவாளத்தில் வைக்கப்பட்டிருந்த இரும்புத் துண்டுகளை அப்புறப்படுத்தினார். பிறகு, இதுகுறித்த தகவலை திருச்சி ரயில்வே கட்டுபாட்டு அலுவலகத்துக்கு தெரிவித்தார்.


இதையடுத்து, ரயில்வே முதுநிலை பிரிவு பொறியாளாó பிரபாகரன் திருவாரூர் ரயில்வே காவல் நிலையத்துக்கு தகவல் தெரிவித்ததையடுத்து, சார்பு ஆய்வாளர்கள் செந்தாமரை, கைலாசம், தலைமைக் காவலர் ஜவான் ஆகியோர் சம்பவ இடத்துக்குச் சென்று தண்டவாளத்தில் வைக்கப்பட்டிருந்த இரும்பு தண்டவாளத்துண்டு, போல்ட் ஆகியவற்றை கைப்பற்றினாó.அவற்றை யார் வைத்தது  என்பது தெரியவில்லை. ரயிலை கவிழ்க்க யாரேனும் சதி செய்தார்களா? அல்லது வேறு ஏதேனும் அசம்பாவித செயல்களில் ஈடுபட முயற்சி மேற்கொள்ளப்பட்டதா என்ற கோணத்தில் போலீஸார் விசாரணை மேற்கொண்டுள்ளனர். ரயில் ஓட்டுநர் சாமர்த்தியமாக ரயிலை நிறுத்தி இரும்புத் துண்டுகளை அப்புறப்படுத்தியதால், நிகழவிருந்த விபத்து தவிர்க்கப்பட்டது

நாடு முழுவதும் 100 ஸ்மார்ட் நகரங்கள் அமைப்பதற்கு மத்திய அமைச்சரவை ஒப்புதல்

நாடு முழுவதும் சுமார் 100 ஸ்மார்ட் நகரங்களை அமைப்பதற்கு மத்திய அமைச்சரவை ஒப்புதல் அளித்துள்ளது. டெல்லியில் பிரதமர் நரேந்திர மோடி தலைமையில் நடந்த அமைச்சரவை கூட்டத்தில் இதற்கான ஒப்புதல் தரப்பட்டிருக்கிறது.

கடந்த 2014-ஆம் ஆண்டு ஜூலையில் தாக்கல் செய்யப்பட்ட பட்ஜெட்டில், இத்திட்டம் குறித்த முறையான அறிவிப்பு வெளியிடப்பட்டது. அதனை தொடர்ந்து நாடு முழுவதும், 100 இடங்களில், ஸ்மார்ட் நகரங்கள் அமைக்கப்படும் என அறிவிக்கப்பட்டது.

இதற்கான திட்டம் குறித்து அடுத்த மாதம் தொடங்கபடும் என்று மத்திய மந்திரி வெங்கைய்யா நாயுடு தெரிவித்துள்ளார்.

 ஸ்மார்ட் நகரங்களை அமைப்பதால் வெளிநாட்டு நிறுவனங்கள் நிறைய ஆர்வம் காட்டும். தற்போது மத்திய அரசு அந்நிய நேரடி முதலீடுகளுக்கு அனுமதி அளித்துள்ளது.

ஸ்மார்ட் நகரத்தில் வெளிநாடுகளில் உள்ளது போல, அடிப்படை வசதிகள் மட்டுமின்றி, நவீன வசதிகளும் இதில் செய்யப்ப்டும்.

நாடு முழுவதும் ஸ்மார்ட் நகரங்களை உருவாக்க வேண்டும் என்று பிரதமர் மோடியின் கனவு என்று மத்திய மந்திரி வெங்கையா நாயுடு குறிப்பிட்டார்.

திருவாரூர் மாவட்டத்தில் 4-வது நாளாக மழை நன்னிலத்தில் அதிகபட்சமாக 15 மி.மீட்டர் பதிவானது

திருவாரூர் மாவட்ட பகுதியில் 4-வது நாளாக பரவலாக மழை பெய்தது. நன்னிலத்தில்அதிக பட்சமாக 15 மி.மீட்டர் பதிவானது.

கோடை வெயில்

வழக்கத்துக்கு மாறாக இந்த ஆண்டு கோடை வெயில் மார்ச் மாதத்திலேயே வாட்டி வதைக்க தொடங்கி விட்டது. இதனால் அக்னி வெயிலை சமாளிக்க முடியுமா? என்ற அச்சத்தில் பொதுமக்கள் இருந்தனர். இந்த நிலையில் மேலடுக்கு சுழற்சி மற்றும் வெப்ப சலனம் காரணமாக தமிழகம் முழுவதும் மழை பெய்யும் என சென்னை வானிலை ஆய்வு மையம் கடந்த சில நாட்களுக்கு முன்பு அறிவித்தது. அதன்படி திரு வாரூர் மாவட்டத்தில் கடந்த வெள்ளிக்கிழமை இரவு முழு வதும் பலத்த மழை பெய்தது. இதைதொடர்ந்து ஒவ்வொரு நாளும் மாவட்டத்தில் ஆங் காங்கே சாரல் மழை பெய்தது வந்தது. இதனால் மாவட் டத்தில் வெயில் அளவு குறைந் தது.

4-வது நாளாக மழை

இந்த நிலையில் நேற்று தொடர்ந்து 4-வது நாளாக திருவாரூர் மாவட்ட பகுதி களில் பரவலாக மழை பெய் தது. திருவாரூரில் நேற்று வெயிலே இல்லை. காலை 8 மணி அளவில் பலத்த மழை பெய்தது. அதைதொடர்ந்து வானம் விட்டு விட்டு தூறியது. இதேபோல மாவட்டம் முழு வதும் பரவலாக மழை பெய்தது.

நேற்று காலை 8.30 மணி நிலவரப்படி நன்னிலத்தில் அதிகபட்சமாக 15 மில்லி மீட்டர் மழை பெய்தது. மாவட்டத்தின் மற்ற இடங் களில் பதிவான மழை அளவு விவரம் (மில்லி மீட்டரில்) வருமாறு:-

மன்னார்குடி-14, திருத் துறைப்பூண்டி-4, முத்துப் பேட்டை -3, நீடா மங்கலம்-1. மாவட்டம் முழுவதும் மொத்தம் 37 மில்லி மீட்டர் மழை பெய்தது. கடந்த 24 மணி நேரத்தில் மாவட்டத் தின் சராசரி மழை அளவு 4 மில்லி மீட்டர் ஆகும்.

பருத்தி வயலில் தண்ணீர்

கடந்த 4 நாட்களாக தொடர்ந்து மழை பெய்ததால் பருத்தி வயல்களில் தண்ணீர் தேங்கி உள்ளது.

இதனால் பருத்தி சாகுபடி செய்த விவ சாயிகள் கவலை அடைந்து உள்ளனர். 

கை மணிக்கட்டில் புற்றுநோயால் பாதிக்கப்பட்ட பெண்ணுக்கு அறுவை சிகிச்சை திருவாரூர் மருத்துவ கல்லூரி டாக்டர்கள் சாதனை

கை மணிக்கட்டில் புற்று நோயால் பாதிக்கப்பட்ட பெண்ணுக்கு அறுவை சிகிச்சையை வெற்றிகரமாக செய்து திருவாரூர் மருத்துவ கல்லூரி டாக்டர்கள் சாதனை புரிந்துள்ளனர்.

கை மணிக்கட்டில் புற்றுநோய்

திருவாரூர் மாவட்டம் தேவர்கண்டநல்லூர் உச்சி மேடு பகுதியை சேர்ந்தவர் திருநாவுக்கரசு. விவசாய தொழிலாளி. இவருடைய மனைவி தேவிகா (வயது24). இவருடைய கை மணிக்கட்டில் கட்டி வளர்ந்து இருந்தது. இதன் காரணமாக கடந்த 1½ ஆண்டுகளாக அவதிப்பட்டு வந்த தேவிகா, கடந்த மாதம் (மார்ச்) 7-ந் தேதி திருவாரூரில் பெண்களுக்கான மார்பக புற்றுநோய் பரிசோதனை முகாமிற்கு வந்து இருந்தார்.

முகாமில் அவரை பரி சோதித்த டாக்டர்கள் மணிக் கட்டில் உள்ள கட்டியை அறுவை சிகிச்சை மூலமாக அகற்ற வேண்டும் என டாக் டர்கள் தெரிவித்தனர். இதை தொடர்ந்து உணவு மற்றும் இந்து சமய அறநிலையத்துறை அமைச்சர் ஆர்.காமராஜ், தேவிகாவுக்கு தேவைப்படும் சிறப்பு சிகிச்சையை அளிக்கு மாறு திருவாரூர் மருத்துவ கல்லூரி முதல்வர் மீனாட்சி சுந்தரத்தை அறிவுறுத்தி னார்.

அதன்படி கடந்த 11-ந் தேதி திருவாரூர் மருத்துவ கல்லூரி யில் சிறப்பு மருத்துவ குழுவி னர் தேவிகாவை பரிசோதனை செய்தனர். பரிசோதனையில் அவருக்கு கை எலும்பில் புற்றுநோய் இருப்பதும், அதன் காரணமாக கட்டி வளர்ந்து இருப்பதும் கண்டுபிடிக்கப்பட் டது.

அறுவை சிகிச்சை

இதை தொடர்ந்து மருத்துவ கல்லூரி முதல்வர் மீனாட்சி சுந்தரம் மேற்பார்வையில், டாக்டர்கள் அப்துல் அமீது அன்சாரி தலைமையில், டாக்டர்கள் கோகுல்நாத், அக்னிராஜ், குமரன், லெனின் ஆகியோரை கொண்ட மருத் துவ குழுவினர் தேவிகாவுக்கு அறுவை சிகிச்சை செய்து புற்றுநோய் பாதிப்புக்கு உள் ளான கை மணிக்கட்டில் இருந்த எலும்பு பகுதியை அகற்றினர். இதையடுத்து காலில் இருந்து வேறொரு எலும்பை எடுத்து தேவிகாவின் கை மணிக்கட்டு பகுதியில் பொருத்தினர். அறுவை சிகிச்சைக்கு பின்னர் தேவிகா குணம் அடைந்தார். அவரை நேற்று மருத்துவ கல்லூரி முதல்வர் மீனாட்சிசுந்தரம் நேரில் சந்தித்து நலம் விசாரித்தார். 

நேபாளத்தில் சிக்கி தவிக்கும் 311 தமிழர்கள் நாடு திரும்ப நடவடிக்கை தமிழக அரசு அறிவிப்பு

நேபாளத்தில் சிக்கி தவிக்கும் 311 தமிழர்கள் நாடு திரும்ப நடவடிக்கை எடுக்கப்பட்டுள்ளதாகவும், உறவினர்கள் கவலை அடைய தேவையில்லை என்றும் தமிழக அரசு தெரிவித்துள்ளது.

இது தொடர்பாக, தமிழக அரசு சார்பில் நேற்று வெளியிடப்பட்ட செய்திக்குறிப்பில் கூறப்பட்டுள்ளதாவது:-

நிலநடுக்கம்

25-4-2015 அன்று காலை 11.41 மணிக்கு நேபாளத்தில் கடுமையான நிலஅதிர்வு ஏற்பட்டு கட்டிடங்கள் இடிந்து விழுந்து நூற்றுக்கணக்கான மக்கள் உயிரிழந்துள்ளனர். நிலநடுக்கம் குறித்த தகவல் கிடைக்கப் பெற்றவுடன் தமிழ்நாட்டைச் சார்ந்த எவரேனும் இதில் சிக்கியிருந்தால் அவர்களை மீட்பதற்கான நடவடிக்கையை தமிழக அரசு உடனே எடுத்தது.

தமிழக அரசின் கூடுதல் தலைமைச் செயலாளர் மற்றும் வருவாய் நிர்வாக ஆணையர், மாநில துயர் தணிப்பு ஆணையர், மாநில அவசரகால செயலாக்க மைய அலுவலகத்தை உடனடியாக தயார் நிலையில் இருக்கச் செய்தார்.

311 தமிழர்கள்

டெல்லியில் உள்ள தமிழ்நாடு இல்லத்தில் ஒரு கட்டுப்பாட்டு அறை தயார் நிலைக்கு கொண்டுவரப்பட்டது. மேலும் மாவட்ட கலெக்டர் அலுவலகங்களில் உள்ள கட்டுப்பாட்டு அறைகளும் தயார் நிலையில் வைக்கப்பட்டு நேபாளத்தில் சிக்கி உள்ள தமிழர்களின் பெயர், நேபாளத்தில் தங்கியுள்ள இடம் மற்றும் அவர்களது தொலைபேசி எண் ஆகியவற்றை அவர்களின் உறவினர்களிடம் இருந்து பெற அறிவுறுத்தப்பட்டது.

26-4-2015 அன்று பிற்பகல் வரை தமிழ்நாட்டில் இருந்து நேபாளம் சென்ற யாத்திரிகர்கள் மற்றும் சுற்றுலாப் பயணிகளின் உறவினர்களிடம் இருந்து 15 தொலைபேசி அழைப்புகள் பெறப்பட்டன. இதன்மூலம் தமிழ்நாட்டைச் சார்ந்த 311 பயணிகள் மற்றும் யாத்ரிகர்கள் நேபாளத்தில் சிக்கி தவிப்பதாக தகவல்கள் பெறப்பட்டுள்ளன.

தேவையான ஏற்பாடு

இது குறித்து தேவையான மேல் நடவடிக்கை மேற்கொள்ளுமாறு டெல்லியில் உள்ள தமிழ்நாடு இல்ல அலுவலர்களுக்கு தெரிவிக்கப்பட்டுள்ளது. வெளியுறவுத்துறை அமைச்சகத்திற்கு இத்தகவல்களை அளிக்கவும், நேபாளத்தில் இருந்து திரும்பிவரும் தமிழர்கள் குறித்த தகவல்கள் பெறவும் தமிழ்நாடு இல்ல அலுவலர் ஒருங்கிணைப்பாளராக வெளியுறவுத்துறை அமைச்சக அலுவலகத்தில் பணிகளை மேற்கொண்டுவருகிறார்.

டெல்லி விமான நிலையத்தில் நேபாளத்தில் இருந்து திரும்பிவரும் தமிழர்களை தமிழ்நாடு இல்லத்திற்கு அழைத்து வரவும் அவர்கள் தமிழகத்தில் தத்தம் இடங்களுக்கு திரும்பிச் செல்ல தேவையான ஏற்பாடுகளை செய்யவும் இரு அலுவலர்கள் டெல்லி விமான நிலையத்தில் பணியமர்த்தப்பட்டுள்ளனர். நேபாளத்தில் சிக்கி தவிக்கும் தமிழகத்தைச் சார்ந்தவர்களை மீட்க தக்க ஏற்பாடுகள் செய்யப்பட்டுள்ளன.

தமிழகம் திரும்ப உதவி

அவர்கள் டெல்லி வந்தவுடன் தமிழ்நாடு இல்லத்தில் தங்குவதற்கு ஏற்பாடுகள் செய்யப்பட்டுள்ளன. அத்துடன் டெல்லியில் இருந்து தமிழ்நாடு வருவதற்கும் ஏற்பாடுகள் செய்யப்பட்டுள்ளன. இதுதொடர்பாக, உறவினர்கள் நேபாளத்தில் தங்கியிருக்கும் பயணிகள் குறித்த தகவல் அறிந்து கொள்ள தமிழ்நாடு இல்லத்தில் அமைக்கப்பெற்றுள்ள உதவி மையத்தினை 011-24193460 மற்றும் 011-24193456 என்ற எண்களில் தொடர்பு கொள்ளலாம்.

சென்னையிலுள்ள நிவாரண ஆணையர் அலுவலகத்தில் கட்டணமில்லா தொலைபேசி எண் 1070 மற்றும் மாவட்டங்களில் உள்ள கட்டுப்பாட்டு அறை தொலைபேசி எண் 1077 மூலம் தொடர்பு கொள்ளலாம்.

நேபாளத்தில் சிக்கி தவிக்கும் தமிழகத்தைச் சேர்ந்தவர்கள் பாதுகாப்பாக உள்ளனர். அவர்கள் தமிழகம் திரும்புவதற்கான அனைத்து உதவிகளையும் தமிழக அரசு மேற்கொண்டுவருகிறது. இதுகுறித்து பாதிக்கப்பட்டோரின் உறவினர்கள் எவ்வித கவலையும் கொள்ளத் தேவையில்லை.

இவ்வாறு அதில் கூறப்பட்டுள்ளது

சரக்கு - சேவை வரி (GST) மசோதா தாக்கல்

• 
   மத்திய நிதியமைச்சர் அருண் ஜேட்லி.

சரக்கு - சேவை வரி (ஜிஎஸ்டி) மசோதா, எதிர்க்கட்சிகளின் கடும் எதிர்ப்புக்கு இடையே மக்களவையில் வெள்ளிக்கிழமை தாக்கல் செய்யப்பட்டு விவாதத்துக்கு எடுத்துக் கொள்ளப்பட்டது.

இந்த மசோதாவுக்கு எதிர்ப்பு தெரிவித்து காங்கிரஸ், திரிணமூல் காங்கிரஸ், இடதுசாரிகள், தேசியவாத காங்கிரஸ் ஆகிய கட்சிகள் வெளிநடப்பு செய்தன.

இந்த மசோதாவை தாக்கல் செய்து நிதியமைச்சர் அருண் ஜேட்லி ஆற்றிய அறிமுக உரையில், "மத்திய அரசு, மாநில அரசுகள் அகிய இரு தரப்புக்கும் வெற்றி என்பதே இந்த மசோதாவின் நோக்கம்; இதில் மாநிலங்களுக்கு வருவாய் இழப்பு ஏற்படாது என்பதால் யாரும் அச்சப்படத் தேவையில்லை' என்றார்.

இந்நிலையில், ஜிஎஸ்டி மசோதாவை விவாதத்துக்கு கொண்டு வரும் முன்பாக, அதை நாடாளுமன்ற நிலைக்குழுவின் பரிசீலனைக்கு அனுப்ப வேண்டும் என எதிர்க்கட்சிகள் கோரிக்கை விடுத்தன. அரசு இதை ஏற்கவில்லை. நாடாளுமன்ற ஜனநாயகத்தை இடித்துத் தள்ளிவிட்டு, அரசு துரித கதியில் மசோதாவைக் கொண்டு வருவதாக எதிர்க்கட்சிகள் குற்றம்சாட்டின.

இதையடுத்து, காங்கிரஸ் தலைவர் சோனியா காந்தி தலைமையில் அக்கட்சி எம்.பி.க்கள் அவையில் இருந்து வெளிநடப்பு செய்தனர். திரிணமூல் காங்கிரஸ், இடதுசாரிகள், தேசியவாத காங்கிரஸ் ஆகிய கட்சிகளின் உறுப்பினர்களும் வெளிநடப்பு செய்தனர்.

ஜிஎஸ்டி மசோதாவை நாடாளுமன்ற நிலைக்குழுவின் பரிசீலனைக்கு அனுப்ப வேண்டும் என அதிமுகவும், பிஜு ஜனதா தளமும் வலியுறுத்தின. ஆனால், அக்கட்சிகள் வெளிநடப்பு செய்யவில்லை.

ஜிஎஸ்டி மசோதா மிக முக்கியமான ஒன்று எனக் கூறி அதை அறிமுகம் செய்ய அனுமதியளித்த அவைத் தலைவர் சுமித்ரா மகாஜன், அந்த மசோதா குறித்து அருண் ஜேட்லி அறிமுக உரையாற்றுவார் என்றும், விரிவான விவாதம் வேறொரு நாளில் நடத்தப்படும் என்றும் தெரிவித்தார்.

இதையடுத்து, மசோதாவை அறிமுகம் செய்து வைத்து அருண் ஜேட்லி பேசியதாவது:

மத்திய அரசுக்கும், மாநில அரசுகளுக்கும் வெற்றி என்பதை மையமாகக் கொண்டது ஜிஎஸ்டி மசோதா. இது நிறைவேறினால், சரக்கு மற்றும் சேவைகள் மீது மத்திய, மாநில அரசுகள் ஒரே நேரத்தில் வரி விதிப்பதற்கு அதிகாரம் கிடைக்கும்.

ஜிஎஸ்டி மசோதா நிறைவேற்றப்பட்டால் மாநிலங்களுக்கு வருவாய் இழப்பு ஏற்படக் கூடும் எனக் கூறுவது தவறு. இந்த மசோதா நிறைவேறினால், முதல் 3 ஆண்டுகளுக்கு மாநிலங்களுக்கு 100 சதவீத இழப்பீடு வழங்கப்படும்.

அதற்கு அடுத்த ஆண்டு 75 சதவீதம், 5-ஆவது ஆண்டில் 50 சதவீதம் இழப்பீடாக வழங்கப்படும். அதற்கு அடுத்த ஆண்டில் இருந்து அனைவருக்கும் வருவாய் கிடைக்க ஆரம்பித்தவுடன் யாருக்கும் இழப்பீடு தேவைப்படாது.

மதிப்புக் கூட்டு வரிச் சட்டம் அமல்படுத்தப்பட்ட போது, இதேபோன்று முதல் 5 ஆண்டுகளுக்கு மாநிலங்களுக்கு இழப்பீடு வழங்கப்பட்டது. பின்னர் வருவாய் கிடைக்கத் தொடங்கியவுடன் எந்த மாநிலமும் இழப்பீடு கோரவில்லை.

காங்கிரஸ் ஆதரவளிக்க வேண்டும்: முந்தைய ஐக்கிய முற்போக்குக் கூட்டணி அரசால் முன்னெடுக்கப்பட்ட ஜிஎஸ்டி மசோதாவை பாஜக அரசு தாக்கல் செய்திருப்பது குறித்து காங்கிரஸ் மகிழ்ச்சி அடைய வேண்டும். ஆனால், அந்த மசோதாவை நிறைவேற்றவிடாமல் காங்கிரஸ் ஏன் தாமதிக்கச் செய்கிறது? இந்த முரண்பாட்டைப் புரிந்து கொள்ள இயலவில்லை. தாங்கள் முன்னெடுத்த மசோதாக்களுக்கு ஐக்கிய முற்போக்குக் கூட்டணி ஆதரவளிக்க வேண்டும்.

மாநிலங்களுக்கு அதிகாரம்: ஜிஎஸ்டி குழு அமைக்கப்பட்டால், அதில் மூன்றில் இரண்டு பங்கு பெரும்பான்மை என்ற அளவில் மாநிலங்கள் இடம்பெறும். இதனால், நிராகரிப்புக்கான வீட்டோ அதிகாரம் மாநிலங்களுக்குக் கிடைக்கும். ஜிஎஸ்டி குழுவில், அனைத்து மாநிலங்களும் ஒன்றுபட்டால் மத்திய அரசின் முடிவுகளைக்கூட தடுக்க முடியும் என்றார் ஜேட்லி.

ஜிஎஸ்டி மசோதா நிறைவேறினால் தமிழகத்துக்கு ரூ.16,000 கோடி வருவாய் இழப்பு ஏற்படும் என்று மக்களவை துணைத் தலைவரும், அதிமுக உறுப்பினருமான தம்பிதுரை தெரிவித்தார். ஆனால், ஒரு ரூபாய்கூட வருவாய் இழப்பு ஏற்படாது என்று ஜேட்லி கூறினார்.

முன்னதாக, ஜிஎஸ்டி மசோதா மக்களவையில் கடந்த டிசம்பர் மாதம் தாக்கல் செய்யப்பட்டது. அப்போது, அதில் இடம் பெற்றிருந்த பெரும்பாலான அம்சங்களுக்கு எதிர்க்கட்சிகள் ஆட்சேபம் தெரிவித்தன. இதையெடுத்து, மீண்டும் அந்த மசோதா குறித்து அதிகாரம் அளிக்கப்பட்ட மாநில நிதியமைச்சர்கள் குழு ஆய்வு செய்தது.

இதன் தொடர்சியாக, ஜிஸ்டி அமலாக்கத்துக்கு வகை செய்யும் அரசியலமைப்பின் 122-ஆவது திருத்த மசோதாவை அருண் ஜேட்லி வெள்ளிக்கிழமை தாக்கல் செய்தார்.

சிங்கப்பூரில் குழந்தையின் உயிரை காப்பாற்றிய 2 தமிழர்களுக்கு விருது

சிங்கப்பூரில் அடுக்குமாடி குடியிருப்பில் இருந்து தவறி விழுந்து தொங்கிய குழந்தையின் உயிரை 2 தமிழர்கள் காப்பாற்றினர். அவர்களுக்கு சிங்கப்பூர் சிவில் பாதுகாப்பு படை விருது வழங்கி கவுரவித்தது.

தமிழர்கள்

சிங்கப்பூரில் ஜூராங் கிழக்கு எஸ்டேட் பகுதியில் ஒரு புதிய கட்டிடம் கட்டும் திட்டத்தில் இணைந்து வேலை செய்து வந்தவர்கள், சுப்பிரமணியன் சண்முகநாதன் (வயது 35), பொன்னன் முத்துகுமார் (24). இவர்கள் இருவரும் தமிழர்கள்.

அவர்கள் வேலை செய்து கொண்டிருந்த இடத்திற்கு அருகே ஒரு அடுக்கு மாடி குடியிருப்பு உள்ளது. அந்த அடுக்கு மாடி குடியிருப்பில் ஒரு குழந்தையின் அழுகுரலை, சம்பவத்தன்று இருவரும் கேட்டனர்.

தவறி விழுந்து தொங்கியது

அவர்கள் அங்கு ஏறிட்டு பார்த்தபோது, ஒரு பெண் குழந்தை, 2-வது மாடியில் அமைந்துள்ள ஒரு வீட்டின் வெளியே துணிகளை காயப்போடுவதற்காக அமைக்கப்பட்டுள்ள மாடத்தில் இருந்து தவறி விழுந்து, தொங்கிக்கொண்டிருப்பதை கண்டார்கள். இது குறித்து அவர்கள் உடனடியாக சிங்கப்பூர் சிவில் பாதுகாப்பு படையினருக்கு தகவல் கொடுத்தனர்.

ஆனால், விரும்பத்தகாத சம்பவம் ஏதும் நடந்து விடக்கூடாது என கருதிய அவர்கள், சிங்கப்பூர் சிவில் பாதுகாப்பு படையினர் வரும்வரையில் காத்திருக்காமல் தாங்களே களத்தில் இறங்கினர்.

குழந்தையை மீட்டனர்

சண்முகநாதன் உயிரைப் பணயம் வைத்து, இரண்டாவது மாடியில் முதலில் ஏறினார். அவரை தொடர்ந்து முத்துகுமார் ஏறினார். இருவரும் சேர்ந்து குழந்தையை பத்திரமாக மீட்டு கீழே கொண்டு வந்தார்கள்.

அவர்கள் குழந்தையை மீட்டு கொண்டு வந்து விட்ட நிலையில், சிங்கப்பூர் சிவில் பாதுகாப்பு படையினர் வந்து சேர்ந்தனர். அவர்கள் சண்முகநாதனையும், முத்துகுமாரையும் பாராட்டினர். அந்தக் குழந்தை ‘ஐ பாட்’ வைத்து கேம்ஸ் விளையாடியபோது தவறி விழுந்துவிட்டதாக தெரியவந்தது.

விருது

குழந்தையின் உயிரை தீரமுடன் செயல்பட்டு காப்பாற்றிய சண்முகநாதனுக்கும், முத்து குமாருக்கும் சிங்கப்பூர் சிவில் பாதுகாப்பு படை விருது வழங்கி சிறப்பித்தது.

இந்த நிகழ்ச்சியில் சிங்கப்பூர் சிவில் பாதுகாப்பு படையின் 4-வது பிரிவு துணை கமாண்டர் மைக்கேல் சுவா, சண்முகநாதனையும், முத்துகுமாரையும் வெகுவாக பாராட்டி விருது வழங்கி நன்றி தெரிவித்தார். அப்போது உள்ளூர் எம்.பி., ஆங் வெய் நெங்கும் உடனிருந்தார்.

விருது பெற்ற முத்துகுமார் இதுபற்றி கூறுகையில், “இந்த விருது கிடைத்தது மகிழ்ச்சி தருகிறது. இதுபோன்ற வீர தீர செயலை பலரும் முன்வந்து செய்ய இது உந்துதலாக அமையும். இப்படி செய்கிறபோது, நாளை என் பிள்ளைக்கு ஒரு அபாயகரமான நிலையில், மற்றவர்கள் உதவுவார்கள்” என நெகிழ்ச்சியுடன் குறிப்பிட்டார்.

பிளஸ்-2 மற்றும் எஸ்.எஸ்.எல்.சி. தேர்வு முடிவு தேதிகள் அதிகாரபூர்வ அறிவிப்பு

பள்ளிக்கூட மாணவர்களின் எதிர்காலத்தை நிர்ணயிக்கக்கூடியதாக பிளஸ்-2 தேர்வுகருதப்படுகிறது. 

பிளஸ்-2 தேர்வு

தமிழ்நாடு மற்றும் புதுச்சேரியில் இந்த ஆண்டு பிளஸ்-2 தேர்வு கடந்த மார்ச் மாதம் 5-ந்தேதி தொடங்கி 31-ந்தேதி முடிவடைந்தது. இந்த தேர்வை 8 லட்சத்து 86 ஆயிரத்து 27 மாணவ-மாணவிகள் எழுதினார்கள்.

பிளஸ்-2 தேர்வு விடைத்தாள் திருத்தும் பணி கடந்த 18-ந்தேதி முடிவடைந்தது. தற்போது டேட்டா சென்டரில் மதிப்பெண் பதிவு செய்யப்பட்டு வருகிறது. 

இதேபோல் எஸ்.எஸ். எல்.சி. தேர்வு மார்ச் 19-ந்தேதி முதல் ஏப்ரல் 10-ந்தேதி வரை நடைபெற்றது. இந்த தேர்வை தமிழ்நாடு மற்றும் புதுச்சேரியில் 10 லட்சத்து 72 ஆயிரத்து 691 பேர் எழுதினார்கள். விடைத்தாள் திருத்தும் பணி கடந்த 20&ந்தேதி தொடங்கியது.

மே 7-ந்தேதி முடிவு

இந்தநிலையில் பிளஸ்-2 தேர்வு முடிவு மே 7-ந்தேதியும், எஸ்.எஸ்.எல்.சி. தேர்வு முடிவு மே 21-ந்தேதியும் வெளியாகிறது. இதுபற்றிய அதிகாரபூர்வ அறிவிப்பு நேற்று வெளியிடப்பட்டது.

இதுகுறித்து பள்ளி கல்வித்துறை முதன்மை செயலாளர் த.சபீதா
உத்தரவின்படி அரசு தேர்வுகள் இயக்குனர் கு.தேவராஜன் வெளியிட்டுள்ள செய்திக்குறிப்பில் கூறப்பட்டு இருப்பதாவது:

கடந்த மார்ச் 5-ந்தேதி முதல் மார்ச் 31&ந்தேதி வரை நடைபெற்ற பிளஸ்-2 தேர்வு முடிவுகள் மே மாதம் 7-ந்தேதி காலை 10 மணிக்கு வெளியிடப்படுகிறது.

மே 21-ல்எஸ்.எஸ்.எல்.சி. முடிவு

கடந்த மார்ச் 19-ந்தேதி முதல் ஏப்ரல் 10-ந்தேதி வரை நடைபெற்ற எஸ்.எஸ்.எல்.சி. தேர்வு முடிவுகள் மே மாதம் 21-ந்தேதி காலை 10 மணிக்கு வெளியிடப்படுகிறது.

மாணவ-மாணவிகள் தங்களது பதிவெண் மற்றும் பிறந்த தேதி, மாதம், வருடத்தினை பதிவு செய்து, தேர்வு முடிவுகளை மதிப்பெண்களுடன் கீழ்குறிப்பிட்டுள்ள இணையதளங்கள் மூலம் அறிந்து கொள்ளலாம்.

www.tnr-esults.nic.in
www.dge1.tn.nic.in
www.dge2.tn.nic.in
www.dge3.tn.nic.in
 
கலெக்டர் அலுவலகங்கள்

மேலும் ஒவ்வொரு மாவட்டத்திலும் மாவட்ட கலெக்டர் அலுவலகங்களில் இயங்கும் தேசிய தகவல் மையங்களிலும், அனைத்து மைய மற்றும் கிளை நூலகங்களிலும் கட்டணம் இன்றி தேர்வு முடிவுகளை அறிந்து கொள்ளலாம்.
பள்ளிக்கூட மாணவர்கள் தாங்கள் படித்த பள்ளிக்கூடங்களிலும் மதிப்பெண்களுடன் கூடிய தேர்வு முடிவை அறிந்து கொள்ளலாம்.

இவ்வாறு கு.தேவராஜன் தனது அறிக்கையில் குறிப்பிட்டுள்ளார்.

தேர்வு முடிவு வெளியான பிறகு விரைவில் தற்காலிக சான்று (புரவிஷனல் சர்டிபிகேட்) இணையதளத்தில் வெளியிடப்பட உள்ளது.

இந்த ஆண்டில் பிளஸ்-2 தேர்வு முடிவும், எஸ்.எஸ்.எல்.சி. தேர்வு முடிவும் கடந்த ஆண்டை விட 2 நாட்களுக்கு முன்னதாக வெளியாகின்றன.

அரசினர் மேல்நிலைப்பள்ளி நூலகத்துக்கு கொடிநகர் கத்தார் வாசிகள் குழு முலமாக இரும்பு பீரோ

நமதூர் அரசினர் மேல்நிலைப்பள்ளியில் நூலகத்துக்கு தேவையான புத்தகம் வைக்க இரும்பு பீரோ மற்றும் தேவையான பொருட்களை கொடிநகர் கத்தார் வாசிகள் குழு முலமாக பள்ளி தலைமை ஆசிரியர் ஹாஜா அலாவுதீன் அவர்களிடம் வழங்கப்பட்டது .

பெரம்பலூர் மாவட்ட ஆட்சியருக்கு விருது

தில்லியில் செவ்வாய்க்கிழமை நடைபெற்ற நிகழ்ச்சியில் பெரம்பலூர் மாவட்ட ஆட்சியர் தரேஷ் அகமதுவுக்கு விருது வழங்கிக் கெளரவிக்கிறார் பிரதமர் நரேந்திர மோடி.

பெண் குழந்தைகள் பாதுகாப்புக்காக பல்வேறு நடவடிக்கைகளை மேற்கொண்டதற்காக, பெரம்பலூர் மாவட்ட ஆட்சியர் டாக்டர் தரேஸ் அகமதுக்கு பிரதமர் நரேந்திர மோடி தில்லியில் செவ்வாய்க்கிழமை விருது வழங்கிக் கெளரவித்தார்.

நம் நாட்டில் 2006-ஆம் ஆண்டு முதல் "குடிமைப் பணி' (சிவில் சர்வீஸஸ்) நாளாக ஏப்ரல் 21-ஆம் தேதி கடைப்பிடிக்கப்பட்டு வருகிறது. இதையொட்டி, இந்த ஆண்டு குடிமைப் பணி நாளைக் கொண்டாடும் வகையில், 2012-13, 2013-14 ஆகிய ஆண்டுகளில் சிறப்பாகப் பணியாற்றிய குடிமைப் பணி அதிகாரிகளுக்கு விருது வழங்கும் நிகழ்ச்சி தில்லி விஞ்ஞான் பவனில் செவ்வாய்க்கிழமை நடைபெற்றது.

இதில் பிரதமர் நரேந்திர மோடி பங்கேற்று, பல்வேறு குடிமைப் பணி அதிகாரிகளுக்கு விருதுகள் வழங்கிக் கெளரவித்தார்.

இதில் பெண் குழந்தைகள் பாதுகாப்புக்கு பல்வேறு நடவடிக்கைகளை மேற்கொண்ட பெரம்பலூர் மாவட்ட ஆட்சித் தலைவர் டாக்டர் தரேஸ் அகமதுக்கு பதக்கம், ரூ.1 லட்சம் பரிசுத் தொகை ஆகியவற்றை வழங்கிப் பாராட்டினார்.

பெரம்பலூர் மாவட்டத்தில் பெண் சிசுக் கொலை, கருக்கலைப்பு உள்ளிட்ட காரணங்களால் பெண் குழந்தைகளின் பிறப்பு விகிதம் குறைவாக இருந்து வந்தது. இதைத் தடுக்கும் வகையில், மாவட்ட ஆட்சித் தலைவர் டாக்டர் தரேஸ் அகமதுவின் உத்தரவின் பேரில் கிராம செவிலியர்கள் மற்றும் அங்கன்வாடிப் பணியாளர்கள் மூலமாக கிராமப்பகுதிகளில் உள்ள கர்ப்பிணிப் பெண்கள் முறையாக சிகிச்சை எடுத்துக் கொள்கிறார்களா? கருக்கலைப்பு உள்ளிட்ட செயல்களில் ஈடுபடுகிறார்களா? என்பது முழுமையாகக் கண்காணிக்கப்பட்டு அவர்களுக்குத் தேவையான அறிவுரைகள் வழங்கப்பட்டு வந்தன.

மேலும், கருவில் இருக்கும் குழந்தை ஆணா, பெண்ணா என்று சட்டத்துக்குப் புறம்பாக அறிவிக்கும் ஸ்கேன் சென்டர்கள் மீது சட்டப்படி நடவடிக்கை எடுத்தல் என்பது உள்பட பல்வேறு நடவடிக்கைகள் மூலமாக பெண் குழந்தைகளின் பிறப்பு விகிதமும் அதிகரித்தது.

பெரம்பலூர் மாவட்டத்தில் 2011-12-இல் 1,000 ஆண் குழந்தைகளுக்கு 861 பெண் குழந்தைகள் என்று இருந்த நிலை மாறி, 2012-13-இல் 1,000 ஆண் குழந்தைகளுக்கு 1,016 பெண் குழந்தைகள் எனப் பிறப்பு விகிதம் அதிகரித்தது.

ஏற்கெனவே, பெண் குழந்தைகள் பிறப்பு விகிதத்தை உயர்த்துவதற்காக பல்வேறு நடவடிக்கைகளை மேற்கொண்ட மாவட்ட ஆட்சியர் டாக்டர் தரேஸ் அகமதுக்கு 2013-ஆம் ஆண்டு நடைபெற்ற சுதந்திர தின விழாவில் தமிழக அரசு சார்பில் ரூ.2 லட்சம் பரிசுத் தொகை, பாராட்டுச் சான்றிதழ் வழங்கப்பட்டது குறிப்பிடத்தக்கது

மே முதல் வாரத்தில் வெளியாகிறது பிளஸ் 2 தேர்வு முடிவுகள்

 

• 

பிளஸ் 2 விடைத்தாள்கள் திருத்தும் பணி நிறைவடைந்துள்ளதையடுத்து மே முதல் வாரத்தில் வெளியிடப்படும் என தகவல்கள் தெரிவிக்கின்றன.

தமிழகம் மற்றும் புதுச்சேரியில் 2377 மையங்களில் 8 லட்சத்துக்கும் மேற்பட்ட மாணவர்கள் பிளஸ் 2 தேர்வை எழுதினர். இதற்கான விடைத்தாள்களை திருத்தும் பணி மார்ச் 16-ம் தேதி தொடங்கியது. மொத்தம் 40 ஆயிரம் ஆசிரியர்கள் விடைத்தாள் திருத்தும் பணியில் ஈடுபடுத்தப்பட்டனர்.

முதற்கட்டமாக மொழிப்பாடங்கள், ஆங்கில பாடத் தேர்வு விடைத்தாள்கள் திருத்தப்பட்டன. கடந்த 2 வாரங்களில் இந்த விடைத்தாள்கள் முழுவதும் திருத்தப்பட்டதாக தகவல்கள் தெரிவித்தன.

தற்போது விடைத்தாள்களை திருத்தும் பணி முடிவடைந் துள்ளது. விடைத்தாள்களின் மதிப்பெண்கள் சிடி மூலம் அரசு தேர்வுகள் இயக்ககத்துக்கு அனுப்பப்படும். அதன் பிறகு பாட வாரியாக ஒவ்வொரு மாணவரின்

மதிப்பெண் பட்டியல் தயாரிக்கப்படும்.

மதிப்பெண் பட்டியலை தயாரிக்க தேர்வுத் துறைக்கு குறைந்தது இரண்டு வாரங்கள் தேவைப்படும் என்றும் மே முதல் வாரத்தில் தேர்வு முடிவுகள் வெளியிடப்படலாம் என்றும் தேர்வுத் துறை வட்டாரங்கள் தெரிவித்தன.

பெயிலானால் தற்கொலை முடிவுக்கு போகாதீர்கள் மாணவ-மாணவிகளுக்கு பெண் போலீசார் விழிப்புணர்வு

சென்னையில் 10-வது வகுப்பு, பிளஸ்-2 பரீட்சை எழுதிய மாணவ, மாணவிகளுக்கு பெண் போலீசார் விழிப்புணர்வு பிரசாரம் மூலம் அறிவுரை வழங்கி வருகிறார்கள். பெயிலானால் தற்கொலை முடிவுக்கு போகாதீர்கள் என்று அறிவுறுத்தி வருகிறார்கள்.

பெண் போலீசார் பிரசாரம்

சென்னையில் போலீஸ் கமிஷனர் ஜார்ஜ் உத்தரவின் பேரில், அனைத்து பெண் போலீஸ் இன்ஸ்பெக்டர்களும் தங்கள் போலீஸ் நிலையங்களில் வேலைபார்க்கும் பெண் போலீசாருடன், தெரு, தெருவாக சென்று விழிப்புணர்வு பிரசாரத்தில் ஈடுபட்டுள்ளனர். 10-வது வகுப்பு, பிளஸ்-2 பரீட்சை எழுதிய மாணவ-மாணவிகளை பள்ளிகளுக்கும் வரவழைத்து விழிப்புணர்வு பிரசார கூட்டங்களை நடத்துகிறார்கள். இந்த கூட்டங்களுக்கு பெற்றோர்களும் வரவழைக்கப்படுகிறார்கள்.

விழிப்புணர்வு பிரசார கூட்டங்களில் விரைவில் 10-வது வகுப்பு, பிளஸ்-2 தேர்வு முடிவுகள் வெளிவரப்போகிறது. தேர்வு முடிவில் பெயிலாகும் மாணவ, மாணவிகள் மனம் உடைந்து தற்கொலை முடிவுக்கு போகக்கூடாது என்றும், பெயிலான பாடங்களில் அடுத்த ஒருமாதத்தில் மீண்டும் பரீட்சை எழுதி பாஸ் செய்துவிடலாம் என்றும் விழிப்புணர்வு அறிவுரைகள் சொல்லப்படுகிறது.

கண்டிக்கக்கூடாது...

பெற்றோர்களுக்கும் பெண் போலீசார் அறிவுரை வழங்கி வருகிறார்கள். பெயிலாகும் தங்கள் பிள்ளைகள் மனசு உடையும் வகையில் தகாத வார்த்தைகளால் பேசி திட்டக்கூடாது என்றும், பெயிலாகும் தங்கள் பிள்ளைகளுக்கு தைரியம் கொடுத்து ஆறுதல் சொல்ல வேண்டும் என்றும் கேட்டுக்கொண்டுள்ளனர்.

தோல்வி என்பது வெற்றியின் படிக்கட்டுதான். அதற்காக மனம் துவண்டுபோய் தற்கொலை மூலம் உயிரைவிடாமல், மீண்டும் பரீட்சை எழுதி பாஸ் செய்து வெற்றிக்கொடி நாட்ட வேண்டும் என்றும் பெண் போலீசார் பிரசாரத்தில் ஈடுபட்டுள்ளனர். சென்னை வேப்பேரி பெண் போலீஸ் இன்ஸ்பெக்டர் ஜமுனா ராணி, சப்-இன்ஸ்பெக்டர்கள் ஜெயலாலி, விஜயசந்திரிகா ஆகியோர் புரசைவாக்கம், வேப்பேரி, சூளை ஆகிய பகுதிகளில் கடந்த 3 நாட்களாக இந்த பிரசாரத்தில் ஈடுபட்டுள்ளனர். சென்னையில் மற்ற பகுதி பெண் போலீஸ் இன்ஸ்பெக்டர்களும் இதுபோல் பிரசாரம் செய்து வருகிறார்கள். 

மத்திய பல்கலைக்கழக கட்டிட விபத்து: 3 அதிகாரிகள் பணியிடை நீக்கம்

திருவாரூர் மத்திய பல்கலைக்கழகம் திருவாரூரை அடுத்த நீலக்குடி கிராமத்தில் இயங்கி வருகிறது. இந்த பல்கலைக்கழக ஊழியர்களுக்கான குடியிருப்பு வளாகம் நாகக்குடி கிராமத்தில் கட்டப்பட்டு வருகிறது. இங்கு கட்டப்பட்டு வரும் கட்டிடங்களுள் ஒன்று கடந்த மாதம் (மார்ச்) 29–ந்தேதி இடிந்து விழுந்தது. இதில் வெளிமாநில தொழிலாளர்கள் 3 பேர் உள்பட 5 பேர் பரிதாபமாக இறந்தனர். 16 பேருக்கு படுகாயம் ஏற்பட்டது. கட்டிடம் இடிந்து விழுந்தது ஏன்? என்பது பற்றி சி.பி.ஐ. அதிகாரிகள் விசாரணை நடத்தி வருகிறார்கள்.

இந்த நிலையில் திருவாரூர் மத்திய பல்கலைக்கழகத்தில் கட்டுமான பணிகளை மேற்கொண்டு வந்த மத்திய பொதுப்பணித்துறையின் தலைமை பொறியாளரும், திட்ட மேலாளருமான தங்கமுத்து, நிர்வாக பொறியாளர் சந்திரன், உதவி பொறியாளர் செல்லப்பன் ஆகிய 3 அதிகாரிகள் பணியிடை நீக்கம் செய்யப்பட்டுள்ளதாக பல்கலைக்கழக வட்டாரங்கள் தெரிவிக்கின்றன

திருவாரூர் மத்தியப் பல்கலை.யில் சேர ஜூன் 6-ல் நுழைவுத் தேர்வு

 திருவாரூர் மத்தியப் பல்கலைக்கழகத்தில் 2015-ம் கல்வியாண்டுக்கான சேர்க்கைக்கு ஜூன் 6,7-ம் தேதிகளில் நுழைவுத் தேர்வு நடைபெறவுள்ளது.

இதுகுறித்து பல்கலைக்கழகப் பதிவாளர் பொன். ரவீந்திரன் வெளியிட்ட செய்திக்குறிப்பு:

தமிழகம், கேரளம், ஜார்க்கண்ட், கர்நாடகம் உள்ளிட்ட மாநிலங்களில் செயல்படும் 8 மத்திய பல்கலைக்கழகங்கள் இணைந்து, இந்த பொது நுழைவுத் தேர்வை நடத்துகின்றன. ஜூன் 6,7 -ல் சென்னை, மதுரை, திருச்சி, கோவை, திருவாரூர் உள்ளிட்ட இந்தியாவில் 39 மையங்களில் பொது நுழைவுத் தேர்வு நடைபெறவுள்ளது. இதற்கு மாணவர்கள் இணையதளம் மூலம் விண்ணப்பிக்கலாம். மே 5-ம் தேதி விண்ணப்பிக்க கடைசி நாளாகும். விண்ணப்பிப்பவர்கள் தங்களின் மின்னஞ்சல் முகவரி, ஸ்கேன் செய்த புகைப்படம் மற்றும் கையெழுத்து, மாணவரின் மதிப்பெண் விழுக்காடு ஆகியவற்றை இணையத்தில் விண்ணப்பிக்கும் போது அளிக்க வேண்டும். விண்ணப்ப கட்டணத்தை இணையதளம் மூலம் மட்டுமே செலுத்த வேண்டும்.

திருவாரூர் மத்திய பல்கலைக்கழகத்தில் பிளஸ் 2 முடித்தவர்கள் ஒருங்கிணைந்த 5 ஆண்டு படிப்பு எம்எஸ்சி இயற்பியல், வேதியியல், கணிதம், பொருளாதாரம், வாழ்க்கை அறிவியல் பாட பிரிவுகளிலும், இளநிலை முடித்தவர்கள் முதுநிலை ஆங்கிலம், செம்மொழி தமிழ், ஹிந்தி, சமூகப் பணி, ஊடகம் மற்றும் தொடர்பியல் பாடப் பிரிவுகளிலும் சேரலாம். நிகழாண்டு எம்.டெக் மெட்டீரியல் அறிவியல் மற்றும் நானோ தொழில்நுட்பம், எனர்ஜி மற்றும் சுற்றுச்சூழல் தொழில்நுட்பப் படிப்புகள் அறிமுகப்படுத்தப்பட்டுள்ளன. மேலும் விவரங்களை என்ற இணையதளத்தில் அறிந்து கொள்ளலாம். அல்லது பல்கலைக்கழக துணைப் பதிவாளரை 04366-277261, 9489054270 தொலைபேசியில் தொடர்பு கொள்ளலாம்.

தமிழகத்தில் இதுவரை 3.7 லட்சம் போலி குடும்ப அட்டைகள் ரத்து

 தமிழகத்தில் இதுவரை 3.7 லட்சம் போலி குடும்ப அட்டைகள் ரத்து செய்யப்பட்டுள்ளதாக மாநில அரசு தெரிவித்துள்ளது.

உணவுப் பொருள் வழங்கல் துறையின் செயல்பாடுகள் குறித்து, அதிகாரிகள், அலுவலர்களுடன் சென்னையில் வெள்ளிக்கிழமை ஆலோசனை நடத்தினார், அந்தத் துறையின் அமைச்சர் ஆர்.காமராஜ். அப்போது அவர் பேசியது:

பொது விநியோகத் திட்டத்தில் காணப்படும் குறைபாடுகளைக் களைவதற்கு, உணவுப் பொருள் வழங்கல், நுகர்வோர் பாதுகாப்புத் துறை மூலமாக மாதந்தோறும் இரண்டாவது சனிக்கிழமைகளில் குறைதீர் முகாம்கள் நடத்தப்படுகின்றன.

இந்த மாதம் வரை, 3 லட்சத்து 53 ஆயிரத்து 914 மனுக்கள் பெறப்பட்டு, அவற்றில் 3 லட்சத்து 37 ஆயிரத்து 661 மனுக்கள் அன்றைய தினத்திலேயே தீர்வு செய்யப்பட்டுள்ளன. மீதமுள்ள 16 ஆயிரத்து 253 மனுக்கள் பின்னரும் தீர்வு செய்யப்பட்டுள்ளன.

இன்று வரை 11 லட்சத்து 10 ஆயிரத்து 871 புதிய குடும்ப அட்டைகள் வழங்கப்பட்டுள்ளன. மேலும், 24 ஆயிரத்து 626 புதிய குடும்ப அட்டைகள் மனுதாரர்களுக்கு வழங்குவதற்குத் தயாராக உள்ளன.

இன்று வரை 3 லட்சத்து 70 ஆயிரத்து 538 போலி அட்டைகள் கண்டுபிடிக்கப்பட்டு ரத்து செய்யப்பட்டுள்ளன என்றார் அமைச்சர் ஆர்.காமராஜ்.

நமதூர் மௌத் அறிவிப்பு 17/04/2015

நமதூர் சூபி நகர் நடுத்தெரு  பண்டாரி சுல்தான் அவர்களின் மனைவி சுல்தானி அம்மாள் அவர்கள்  வஃபாத் ஆகிவிட்டார்கள்.





   இன்னாலில்லாஹி வ இன்னா இலைஹி ராஜிஊன்




அன்னாரின் ஜனாசா 17/4/2015  அன்று இரவு 9  மணிக்கு நமது முஹ்யித்தீன் ஆண்டவர்கள் பள்ளிவாசல் அடக்கஸ்தலத்தில் நல்லடக்கம் செய்யப்படும்

தமிழ்நாடு எழுதுபொருள் மற்றும் அச்சுத்துறையில் பணி வாய்ப்புகள்

 

• 
• 
  

தமிழ்நாடு எழுதுபொருள் மற்றும் அச்சுத்துறையில் சென்னை, மதுரை, திருச்சி, புதுக்கோட்டை, சேலம், விருதுநகர் உள்ளிட்ட கிளைகளில் ஏற்பட்டுள்ள காலியிடங்களை நிரப்ப தகுதியும் விருப்பமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.
Dir.No.B2-15737-2014


தேதி: 15.04.2015

பணி: Machine Minder
சம்பளம்: மாதம் ரூ.5,200 - 20,200 + தர ஊதியம் ரூ.2,000
காலியிடங்கள்: 16
தகுதி: பத்தாம் வகுப்பு தேர்ச்சியுடன் Letter press Machine Minder அல்லது Litho Offset Machine Minder-ல் ஐடிஐ முடித்திருக்க வேண்டும் அல்லது அப்ரண்டிஸ் பயிற்சி பெற்றிருக்க வேண்டும்.

பணி: Junior Book Binder
சம்பளம்: மாதம் ரூ.5,200 - 20,200 + தர ஊதியம் ரூ.2,400
காலியிடங்கள்: 33
தகுதி: பத்தாம் வகுப்பு தேர்ச்சியுடன் சம்மந்தப்பட்ட துறையில் ஐடிஐ முடித்திருக்க வேண்டும்.

பணி: Junior Mechanic
சம்பளம்: மாதம் ரூ.5,200 - 20,200 + தர ஊதியம் ரூ.1,900
காலியிடங்கள்: 37
தகுதி: பத்தாம் வகுப்பு தேர்ச்சியுடன் மெக்கானிக்கல் அல்லது எலக்ட்ரானிக் மெக்கானிக் அல்லது மெக்கானிக் மெஷின்ரூல் மெயின்டடென்ஸ் துறையில் ஐடிஐ முடித்திருக்க வேண்டும்.

பணி: Junior Electrician
காலியிடங்கள்: 16
சம்பளம்: மாதம் ரூ.5,200 - 20,200 + தர ஊதியம் ரூ.2,000
தகுதி: பத்தாம் வகுப்பு தேர்ச்சியுடன் சம்மந்தப்பட்ட துறையில் ஐடிஐ முடித்திருக்க வேண்டும்.

பணி: Assistant web Offset Technician
காலியிடங்கள்: 13
சம்பளம்: மாதம் ரூ.5,200 - 20,200 + தர ஊதியம் ரூ.2,400
தகுதி: பத்தாம் வகுப்பு தேர்ச்சியுடன் பிரிண்டிங் டெக்னாலஜியில் டிப்ளமோ முடித்திருக்க வேண்டும். மேலும் Offset and web offset Machine இல் பெரிய நிறுவனங்களில் 3 வருட பணி அனுபவம் பெற்றிருக்க வேண்டும்.

பணி: Offset Machine Technician
சம்பளம்: மாதம் ரூ.5,200 - 20,200 + தர ஊதியம் ரூ.2,400
காலியிடங்கள்: 05
தகுதி: பத்தாம் வகுப்பு தேர்ச்சியுடன் பிரிண்டிங் டெக்னாலஜியில் டிப்ளமோ முடித்திருக்க வேண்டும்.

பணி: Assistant Offset Machine Technician
சம்பளம்: மாதம் ரூ.5,200 - 20,200 + தர ஊதியம் ரூ.2,200
காலியிடங்கள்: 05
தகுதி: பத்தாம் வகுப்பு தேர்ச்சியுடன் பிரிண்டிங் டெக்னாலஜியில் டிப்ளமோ அல்லது லித்தோ ஆஃப்செட் மெஷினில் பிரிவில் சான்றிதழ் பெற்றிருக்க வேண்டும்.

பணி: Special Language D.T.P. Operator
காலியிடங்கள்: 01
சம்பளம்: மாதம் ரூ.9,300 - 34,800 + தர ஊதியம் ரூ.4,300
தகுதி: பிசிஏ அல்லது கணினி அறிவியல், தகவல் தொழில்நுட்பப் பிரிவில் பி.எஸ்சி பட்டத்துடன் கணினி அப்ளிகேசனில் முதுகலை டிப்ளமோ முடித்திருக்க வேண்டும். மேலும் ஆங்கிலம் மற்றும் தமிழ் தட்டச்சில் முதுநிலை கிரேடு மற்றும் DTP சான்றிதழ் பெற்றிருக்க வேண்டும்.

பணி:Telephone Operator
சம்பளம்: மாதம் ரூ.5,200 - 20,200 + தர ஊதியம் ரூ.2,400
காலியிடங்கள்: 01
தகுதி: பத்தாம் வகுப்பு தேர்ச்சியுடன் தொலைதொடர்பு துறையால் வழங்கப்படும் சான்றிதழ் படிப்பு அல்லது தொலைபேசி கழகத்தால் வழங்கப்படும் பயிற்சி பெற்றிருக்க வேண்டும்.

பணி: Office Assistant
சம்பளம்: மாதம் ரூ.4,800 - 10,000 + தர ஊதியம் ரூ.1,300
காலியிடங்கள்: 10
தகுதி: எட்டாம் வகுப்பு தேர்ச்சி பெற்றிருக்க வேண்டும்.
 
பணி: Junior Despatching Attendant
காலியிடங்கள்: 10
சம்பளம்: மாதம் ரூ.4,800 - 10,000 + தர ஊதியம் ரூ.1,300
தகுதி: எட்டாம் வகுப்பு தேர்ச்சி பெற்றிருக்க வேண்டும்.


வயதுவரம்பு: 01.07.2013 தேதியின்படி 30க்குள் இருக்க வேண்டும். அனைத்து விரிவினருக்கும் அரசு விதிகளின்படி வயதுவரம்பில் தளர்வு அளிக்கப்படும்.
தேர்ந்தெடுக்கப்படும் முறை: சான்றிதழ் சரிபார்ப்பு மற்றும் நேர்முகத் தேர்வின் அடிப்படையில் தகுதியானவர்கள் தேர்வு செய்யப்படுவார்கள். தேவை ஏற்படும் நிலையில் எழுத்துத் தேர்வு நடத்தப்படும்.


விண்ணப்பிக்கும் முறை: http://www.stationeryprinting.tn.gov.in என்ற இணையதளத்தில் கொடுக்கப்பட்டுள்ள விண்ணப்பத்தை பதிவிறக்கம் செய்து தெளிவாக பூர்த்தி செய்து விண்ணப்பிக்க வேண்டும்.


பூர்த்தி செய்யப்பட்ட விண்ணப்பங்களை அனுப்ப வேண்டிய அஞ்சல் முகவரி: The Director, Directorate of Stationery and Printing, 110, Annasalai, Chennai - 02
மேலும் விண்ணப்பத்தாரர்களின் சந்தேகங்களுக்கு முழுமையான விவரங்கள் அறிய http://www.stationeryprinting.tn.gov.in/DirectRecruitment_2015.pdf என்ற இணையதளத்தை பார்க்கவும்.

பாதுகாப்பு சேவை நிறுவனங்களில் வேலைவாய்ப்பு பெற இலவச பயிற்சி

 தனியார் துறைகளில் பாதுகாப்பு சேவை நிறுவனங்களில் வேலைவாய்ப்பு பெற இலவச திறன் எய்தும் பயிற்சி திட்டத்தில் சேர்ந்து பயன்பெற திருவாரூர்  மாவட்டத்தினர் விண்ணப்பிக்கலாம்.

இதுகுறித்து திருவாரூர் மாவட்ட ஆட்சியர் எம். மதிவாணன், வெளியிட்ட செய்திக் குறிப்பு:

தமிழக அரசு தமிழ்நாடு திறன் மேம்பாட்டுக் கழகம் மூலம் இளைஞர்கள் தனியார் துறையில் வேலைவாய்ப்பு பெறும் வகையில் பாதுகாப்பு சேவை பணிகள் குறித்து 21 நாள்கள் திறன் எய்தும் பயிற்சியை தமிழ்நாடு காவல்துறையுடன் இணைந்து வழங்குகிறது.

இந்த பயிற்சி திருவாரூர் மாவட்ட காவல்துறை ஆயுதப்படை மைதானங்களில் 21 நாள்கள் தினமும் காலை 9.00 முதல் மாலை 5.30 வரை இலவசமாக நடத்தப்படுகிறது.

பயிற்சியின் முடிவில் சான்றிதழ் வழங்கப்படும். மேலும் பயிற்சி நாள்களில் தேநீர், மதிய உணவு ஆகியவை இலவசமாக வழங்கப்படும். குறைந்தபட்சமாக 8-ம் வகுப்பு தேர்ச்சி பெற்றிருக்க வேண்டும். நல்ல உடல் ஆரோக்கியமாக இருக்க வேண்டும். 18 வயது முதல் 45 வயதுக்குள் இருக்க வேண்டும். பயிற்சி பெற விருப்பமுள்ள இளைஞர்கள் அசல் கல்விச் சான்றிதழ், சாதி சான்றிதழ், இருப்பிட முகவரி சான்றிதழ், குடும்ப அடையாள அட்டை அசல், 3 புகைப்படங்கள் உள்ளிட்டவைகளுடன் பயிற்சி நிலையத்தில் அளிக்கப்படும் விண்ணப்பதை பூர்த்தி செய்து வழங்க வேண்டும்.

எனவே, விருப்பமுள்ள இளைஞர்கள் ஏப். 20, 21 ஆகிய தேதிகளில் திருவாரூர் மாவட்ட ஆயுதப்படை பயிற்சி மைதானங்களில் உள்ள காவல்துறையை அணுகி பயன்பெறலாம்.

KEIA முலமாக அரசினர் மேல்நிலைப்பள்ளி சுற்றுசுவர் அமைக்கும் பணி துவக்கம் .

 நமதூர் அரசினர் மேல்நிலைப்பள்ளி சுற்றுசுவர் பெரும் பகுதியில் இல்லாமல் இருந்தது  நாம் அறிந்ததே .  இது குறித்து மக்கள் பிரதிநிதிகளுக்கு பலமுறை மனுக்கள் கொடுத்தும் பலன் இல்லை .இந்த நிலையில் கொடிக்கால் பாளையம் எமிரேட்ஸ் இஸ்லாமிக் அசோஷியேஷன் (KEIA -UAE) சார்பாக இறைவன் பெரும் கருணை கொண்டு சுற்றுசுவர் அமைக்கும் பணி துவங்கி உள்ளது .

இன்ஷா அல்லாஹ் KEIA வின் பணிகள் மேன்மேலும் தொடர வல்ல இறைவன் துணை புரிய பிராத்திக்கிறோம் ......

தமிழகத்தில் கனமழை பெய்யும் வானிலை ஆராய்ச்சி மையம் தகவல்

லட்சத்தீவு கடல் பகுதியில் மேலடுக்கு சுழற்சி காரணமாக, தமிழகத்தில் அடுத்த 24 மணி நேரத்திற்கு கனமழை பெய்யும் என வானிலை ஆராய்ச்சி மையம் தெரிவித்துள்ளது.

கோடை மழை

தமிழகத்தில் கோடை வெயில் வறுத்து எடுத்து வந்த நிலையில், கடந்த சில நாட்களாக பல்வேறு பகுதிகளில் பரவலாக மழை பெய்து வருகிறது. இது கோடை வெயிலில் தவித்த மக்களின் உடல் மற்றும் உள்ளத்தை குளிர்விக்கும் வகையில் உள்ளது.

இந்த நிலையில், சென்னையிலும் நேற்று கோடை மழை பெய்து சென்னை மக்களின் வெப்பத்தையும் தணித்தது. மேலும், இன்று மழைக்கான வாய்ப்பு எப்படி உள்ளது என்பது குறித்து, சென்னை மண்டல வானிலை ஆராய்ச்சி மையத்தின் இயக்குனர் எஸ்.ஆர்.ரமணன் கூறியதாவது:–

‘‘லட்சத்தீவின் கடல் பகுதியில் ஏற்பட்டுள்ள மேலடுக்கு சுழற்சி காரணமாக அடுத்த 24 மணி நேரத்திற்கு தமிழகம் மற்றும் புதுச்சேரியில் ஓரிரு இடங்களில் கனமழை பெய்யும். மேலும், தமிழகத்தின் பெரும்பாலான பகுதிகளில் மழை பெய்யும் வாய்ப்பு உள்ளது.

சென்னையை பொறுத்தவரை வானம் மேகமூட்டத்துடன் காணப்படும். ஒரு சில இடங்களில் இடியுடன் கூடிய கனமழை பெய்யக்கூடும். அதிகபட்சம் 28 டிகிரி செல்சியஸ் வெப்பமும், குறைந்தபட்சம் 24 டிகிரி வெப்பமும் நிலவும்’’ என்று தெரிவித்தார்.

9 சென்டி மீட்டர் மழை

தமிழகத்தில் நேற்று காலை 8.30 மணியுடன் முடிந்த 24 மணி நேரத்தில் பெய்த மழையளவு விவரம் வருமாறு:–

திருப்பூர் மாவட்டம் தர்மபுரம், ராமநாதபுரம் மாவட்டம் ராமேஸ்வரம் ஆகிய பகுதிகளில் தலா 9 சென்டி மீட்டர் மழையும், காரைக்கால், ராமநாதபுரம் மாவட்டம் ராம்நாடு ஆகிய இடங்களில் தலா 7 சென்டி மீட்டர் மழையும், புதுக்கோட்டை மாவட்டம் மணமேல்குடியில் 6 சென்டி மீட்டர் மழையும், பாம்பன், தொண்டி, அறந்தாங்கி, நாகப்பட்டினம் ஆகிய இடங்களில் தலா 5 சென்டி மீட்டர் மழையும் பதிவாகி உள்ளது.

ராமநாதபுரம், வேதாரண்யம், திருமயம், அதிராமபட்டினம், செங்கோட்டை, ஆகிய இடங்களில் தலா 4 சென்டி மீட்டர் மழையும், அறிமளம், திருபுவனம், புதுச்சேரி, தர்மபுரி, பரமத்திவேலூர், திருவாரூர், பெருந்துறை, நெல்லை மாவட்டம் பாபநாசம் ஆகிய மாவட்டங்களில் தலா 3 சென்டி மீட்டர் மழையும் பெய்தது

நமதூர் மௌத் அறிவிப்பு 15/04/2015

நமதூர் தெற்குத்தெரு  மிளகா கார வீட்டு மர்ஹும் ஷேக் அலாவுதீன் அவர்களின் மனைவி முத்துக்கனி அவர்கள் மௌத் .






   இன்னாலில்லாஹி வ இன்னா இலைஹி ராஜிஊன்

கோடைகால விளையாட்டு பயிற்சி முகாம்

திருவாரூர் மாவட்ட விளையாட்டு மைதானத்தில் ஏப். 23-ம் தேதி முதல் கோடைகால விளையாட்டு பயிற்சி முகாம் மற்றும் நீச்சல் பயிற்சிகள் நடைபெறவுள்ளது.

இதுகுறித்து மாவட்ட ஆட்சியர் எம். மதிவாணன் வெளியிட்ட செய்திக்குறிப்பு: பள்ளியில் படிக்கும் 16 வயதுகுட்பட்ட மாணவர்கள் முகாமில் பங்கேற்கலாம். தடகளம், கால்பந்து, வாலிபால், ஹாக்கி, கூடைப்பந்து மற்றும் நீச்சல் பயிற்சியளிக்கப்படும். மேலும் விவரங்களுக்கு 04366-227158 என்ற எண்ணில் தொடர்பு கொள்ளலாம்

திருவாரூரில் கோடை மழை

திருவாரூரில் செவ்வாய்க்கிழமை மதியம் கோடை வெயிலின் தாக்கத்தை குறைக்கும் வகையில் சுமார் அரை மணி நேரம் மழை பெய்தது.

கடந்த 15 நாள்களுக்கும் மேலாக கோடை வெயிலின் தாக்கம் சுமார் 100 டிகிரியை தாண்டிய நிலையில், திங்கள்கிழமை சற்று குறைந்து மழை பெய்வது போன்ற சூழல் நிலவியது. மாவட்டத்தில் பரவலாக லேசான மழை பெய்தது. திங்கள்கிழமை இரவு வரை நீடித்த குளிர்ந்த நிலை செவ்வாய்க்கிழமை காலை வெயிலோடு தொடங்கியது.


எனினும், அவ்வப்போது கருமேகம் சூழ்ந்து வெயிலின் தாக்கத்தை குறைத்துக்கொண்டிருந்தது. பிற்பகல் 2 மணியளவில் திடீரென மழை பெய்யத் தொடங்கியது. சுமார் அரை மணி நேரம் மிதமான மழை பெய்தது. திடீர் கோடை மழையால் வெயிலின் தாக்கம் குறைந்து குளிர்ந்த சூழல் ஏற்பட்டது. நகரில் பல இடங்களில் தண்ணீர் தேங்கியது. இருந்தாலும், பல நாள்களாக வறண்டு கிடந்த பூமி மழைநீரை சிறிது நேரத்தில் உறிஞ்சிவிட்டது.

திருமண நாளன்று தாமதமாக வரும் மணமகனுக்கு அபராதம்: நேர நிர்வாகத்துக்கு வழிகாட்டும் ஜமாத்

திருச்சி அருகேயுள்ள துவாக்குடிமலை ஜூம் ஆ பள்ளிவாசலின் முகப்புத் தோற்றம். (உள்படம்) பள்ளிவாசல் ஜமாத் செயலாளர் எம்.ஏ.ஜெய்னுதீன் ஆலிம்.

திருச்சி மாவட்டம், துவாக்குடிமலைப் பகுதியில் வசிக்கும் இஸ்லாமிய குடும்பங்களில் நடைபெறும் திருமணங்களுக்கு தாமதமாக வரும் மணமகனுக்கு அபராதம் விதிக்கும் நடைமுறை 20 ஆண்டுகளுக்கு மேலாக கடைப்பிடிக்கப்பட்டு வருகிறது.

திருச்சி-தஞ்சாவூர் தேசிய நெடுஞ்சாலையில் துவாக்குடி அருகேயுள்ளது துவாக்குடிமலை. இங்கு இந்துக்கள் பெரும்பான்மையாக வசித்தாலும், 300-க்கும் மேற்பட்ட இஸ்லாமிய குடும்பத்தினர் பல ஆண்டுகளாக கடைகள், வர்த்தக நிறுவனங்களை நடத்தி வாழ்ந்து வருகின்றனர்.

இங்குள்ள பழமையான ஜூம் ஆ பள்ளிவாசல், இப்பகுதி இஸ்லாமியர்களின் பிரதான வழிபாட்டு தலமாக உள்ளது. இந்த ஊரைச் சேர்ந்த பெண்களை மணமுடிக்கும் வெளியூரைச் சேர்ந்த மணமகன்கள் திருமணத்துக்கு தாமதமாக வருவதால், விழாவுக்கு வரும் உறவினர்களும், நண்பர்களும் நீண்டநேரம் காத்திருக்க வேண்டியிருந்தது. திருமணம் குறித்த நேரத்தில் நடைபெற வேண்டும் என்பதை வரைமுறைப்படுத்த வேண்டும் என்ற நோக்கில், தாமதமாக வரும் மணமகனுக்கு அபராதம் விதிக்க 20 ஆண்டுகளுக்கு முன்னர் பள்ளிவாசல் ஜமாத் தலைவராக இருந்த கே.எல்.கே.அப்துல் ரஹீம் முடிவு செய்து, அதை நடைமுறைப்படுத்தியுள்ளார்.

இதுகுறித்து தற்போது ஜமாத் செயலாளராக உள்ள எம்.ஏ.ஜெய்னுதீன் ஆலிம் ‘தி இந்து’விடம் கூறியது: துவாக்குடிமலையின் அருகே பெல் நிறுவனம் மற்றும் ஏராளமான தொழில் நிறுவனங்கள் உள்ளன. இங்கு பணிபுரிவோர் திருமணத்தில் பங்கேற்பதற்காக ஒரு மணி நேரம் அனுமதி பெற்றுவருவர்.

வெளியூர்களிலிருந்து வரும் மணமகன்கள் மற்றும் அவர்களது உறவினர்கள், சில நேரங்களில், ஒரு மணி நேரம் கூட தாமதமாக திருமணத்துக்கு வருவார்கள். இதனால் அனைவருக்கும் பெரும் தர்மசங்கடமான நிலை ஏற்பட்டது. இதனால்தான் அபராதம் விதிக்கும் நடைமுறையே கொண்டு வரப்பட்டது.

அதிகபட்சமாக 5 நிமிடம் தாமதமாக வந்தால் ரூ.100 அபராதமும், அதற்குமேல் தாமதமாக வந்தால் ஜமாத் நிர்ணயிக்கும் அபராதத்தையும் செலுத்தவேண்டும் என்ற நடைமுறை பின்பற்றப்படுகிறது. எனினும், இதுவரை யாரும் ரூ.100-க்கு மேல் அபராதம் செலுத்தியதில்லை.

ரூ.100 என்பது பெரிய தொகை இல்லை என்றபோதிலும், பள்ளிவாசல் வரவு-செலவுக் கணக்கில் சேர்க்கப்பட்டு, ரம்ஜான் அன்று அந்தக் கணக்கு அனைவரின் முன்பும் பள்ளிவாசலில் படிக்கப்படும். மேலும், நோட்டீஸாக அச்சிட்டும் வழங்குவோம். திருமணத்துக்கு தாமதமாக வந்த குடும்பத்தாரிடமிருந்து வசூலித்த அபராதத் தொகை எனக் குறிப்பிடுவதால், இதைத் தவிர்ப்பதற்காகவே குறித்த நேரத்தில் திருமணத்துக்கு வந்து விடுகின்றனர்.

துவாக்குடிமலைக்கு மணமகன் வீட்டார் நிச்சயதார்த்ததுக்கு வரும்போதே திருமணத்துக்கு குறித்த நேரத்தில் கண்டிப்பாக வந்துவிட வேண்டுமெனத் தெரிவித்து விடுவோம். கடந்த 5 ஆண்டுகளாக எந்தத் திருமணமும் தாமதமாக நடக்கவில்லை. யாருக்கும் அபராதம் விதிக்கப்படவில்லை என்பது குறிப்பிடத்தக்கது.

நாங்கள் வெளியூர்களில் நடைபெறும் திருமணத்துக்குச் செல்லும்போது, அங்கு மணமகன் வருவதற்கு தாமதமானால் “துவாக்குடிமலை போல இங்கும் அபராதம் விதித்தால் தான் குறித்த நேரத்தில் திருமணம் நடைபெறும்” என பிற ஜமாத்தார்கள் கூறுவர்.

நேர நிர்வாகத்தை முறையாகக் கடைப்பிடிக்க வேண்டும் என்ற நோக்கம், அபராத நடைமுறையின் மூலம் நிறைவேறிவருவது பெருமையளிக்கிறது என்றார்.

செய்தி

படங்கள்: எஸ்.கல்யாணசுந்தரம் 

தமிழக அரசின் தமிழ் புத்தாண்டு விருதுகள் அறிவிப்பு

2014, 2015-ம் ஆண்டிற்கான தமிழ் புத்தாண்டு விருதுகள் பெறுபவர்கள் விவரங்களை தமிழக அரசு அறிவித்துள்ளது. டாக்டர் சுதா சேசையனுக்கு சொல்லின் செல்வர் விருது அறிவிக்கப்பட்டுள்ளது. விருது பெறுகிறவர்களுக்கு தலா ரூ.1 லட்சம் ரொக்கப்பரிசும், ஒரு சவரன் தங்கப்பதக்கமும் வழங்கப்படுகிறது.

இது குறித்து தமிழக அரசு நேற்று வெளியிட்டுள்ள அறிவிப்பில் கூறப்பட்டுள்ளதாவது:-

தமிழ் புத்தாண்டு

கல்தோன்றி மண்தோன்றா காலத்தே, முன்தோன்றிய மூத்த மொழி தமிழ்மொழி. இத்தகைய பழமையுடைய, இலக்கிய வளம் நிறைந்த தமிழ் மொழியைப் பேசுபவர்கள் 2,000 ஆண்டுகளுக்கும் மேலாக மரபுவழி பெருமை படைத்த சித்திரை முதல் நாளையே தமிழ்ப்புத்தாண்டாக கொண்டாடி வருகிறார்கள்.

ஒட்டுமொத்த தமிழர்களின் உணர்வுகளுக்கு மதிப்பு அளிக்கும் வகையில் சித்திரை முதல் நாளே தமிழ்ப் புத்தாண்டு என அரசால் அறிவிக்கப்பட்டு, 2012-ம் ஆண்டு முதல் அந்நாள் அரசு விழாவாக தமிழ் வளர்ச்சித்துறை சார்பில் கொண்டாடப்பட்டு வருகிறது.

சித்திரைத் தமிழ்ப்புத்தாண்டையொட்டி தமிழுக்கு தொண்டாற்றும் தமிழறிஞர்களுக்கும் தமிழ் வளர்க்கும் சிறந்த அமைப்பிற்கும் சிறந்த தமிழ் மென்பொருளை உருவாக்குபவர்களுக்கும் ஆண்டுதோறும் விருதுகளும் தங்கப்பதக்கங்களும் வழங்குவதென அப்போதைய முதல்-அமைச்சர் ஜெயலலிதாவால் அறிவிக்கப்பட்டு 2012-ம் ஆண்டு முதல் வழங்கப்பட்டு வருகின்றன.

2014-ம் ஆண்டு விருதுகள்

2014-ம் ஆண்டிற்கான தமிழ்த்தாய் விருது சிறந்த தமிழ் அமைப்பான நவி மும்பை தமிழ்ச்சங்கத்திற்கு வழங்க தமிழக அரசால் தெரிவு செய்யப்பட்டுள்ளது. இந்த அமைப்பிற்கு விருதுத்தொகையாக ரூபாய் 5 லட்சமும், கேடயம் மற்றும் பாராட்டுச்சான்றிதழும் வழங்கப்படும். 2014-ம் ஆண்டுக்கான சித்திரைத் தமிழ்ப்புத்தாண்டு விருதுகளுக்கு கீழ்க்காண்போர் அரசால் தெரிவு செய்யப்பட்டுள்ளனர்.

கபிலர் விருது-

அ.லலிதா சுந்தரம்.

உ.வே.சா. விருது-

மருது அழகு ராஜ்

கம்பர் விருது-

செ.வை.சண்முகம்

சொல்லின்செல்வர் விருது-

டாக்டர் சுதா சேசையன்

ஜி.யு.போப் விருது-

ஜெ. நாராயணசாமி

உமறுப்புலவர் விருது-

சே.மு. முகம்மதலி

இத்துடன் 2013-ம் ஆண்டின் முதல்-அமைச்சர் கணினித்தமிழ் விருதுக்கு ந.தெய்வசுந்தரம் தெரிவு செய்யப்பட்டுள்ளார். மேற்கூறிய விருதுகளைப் பெறுபவர்கள் ஒவ்வொருவருக்கும் பரிசுத்தொகையாக ரூபாய் 1 லட்சமும், 1 சவரன் தங்கப்பதக்கமும், தகுதிச்சான்று மற்றும் பொன்னாடையும் வழங்கப்படும்.

கவிஞர் பிறைசூடனுக்கு விருது

2015-ம் ஆண்டிற்கான தமிழ்த்தாய் விருது சிறந்த தமிழ் அமைப்பான திருவனந்தபுரம் தமிழ்ச் சங்கத்திற்கு வழங்க தமிழக அரசால் தெரிவு செய்யப்பட்டுள்ளது. இந்த அமைப்பிற்கு விருதுத் தொகையாக ரூபாய் 5 லட்சமும், கேடயம் மற்றும் பாராட்டுச்சான்றிதழும் வழங்கப்படும்.

மேலும் 2015-ம் ஆண்டுக்கான சித்திரைத் தமிழ்ப்புத்தாண்டு விருதுகளுக்கு கீழ்க்காண்போர் அரசால் தெரிவு செய்யப்பட்டுள்ளனர்.

கபிலர் விருது-

கவிஞர் பிறைசூடன்

உ.வே.சா. விருது-குடவாயில் பாலசுப்பிரமணியன்

கம்பர்?விருது-கோ.செல்வம்

சொல்லின் செல்வர் விருது- சோ.சத்தியசீலன்

ஜி.யு.போப் விருது-மதுரை இளங்கவின் (எம்.ஆரோக்கியசாமி)

உமறுப்புலவர் விருது-மு.சாய்பு மரைக்காயர்

இளங்கோவடிகள் விருது- நிர்மலா மோகன்

தங்கப்பதக்கம்

2014-ம் ஆண்டின் முதல்-அமைச்சர் கணினித்தமிழ் விருதுக்கு விருபா வளர்தமிழ் நிகண்டு குமரேசன் தெரிவு செய்யப்பட்டுள்ளார். மேற்கூறிய விருதுகளைப் பெறுபவர்கள் ஒவ்வொருவருக்கும் பரிசுத்தொகையாக ரூபாய் 1 லட்சமும், 1 சவரன் தங்கப்பதக்கமும், தகுதிச்சான்று மற்றும் பொன்னாடையும் வழங்கப்படும். மேற்காண் விருதுகள் அனைத்தும் அரசால் பின்னர் வழங்கப்படும்.

இவ்வாறு அந்த செய்திக்குறிப்பில் தெரிவிக்கப்பட்டுள்ளது. 

சிவில் சர்வீசஸ் பணிகளுக்கான மெயின் தேர்வு முடிவு வெளியீடு

சிவில் சர்வீசஸ் மெயின் தேர்வு முடிவு வெளியிடப்பட்டுள்ளது. சைதை துரைசாமியின் மனித நேய மையத்தில் பயிற்சி பெற்றவர்களில் 71 பேர் தேர்வு பெற்றுள்ளனர். நேர்முகத்தேர்வு 27-ந் தேதி தொடங்குகிறது.

ஐ.ஏ.எஸ். மெயின் தேர்வு

அகில இந்திய அளவில் மத்திய தேர்வாணையம் ஆண்டுதோறும் ஐ.ஏ.எஸ்., ஐ.பி.எஸ்., ஐ.ஆர்.எஸ். உள்ளிட்ட 24 வகையான அகில இந்திய பணிகளுக்கான தேர்வை நடத்துகிறது. முதலில் முதல்நிலை தேர்வு நடத்தப்பட்டு அதில் தேர்ச்சி பெற்றவர்கள் மெயின் தேர்வுக்கு அனுமதிக்கப்படுவார்கள். மெயின் தேர்வில் தேர்வு பெற்றவர்கள் நேர்முகத்தேர்வுக்கு அழைக்கப்படுவார்கள். மெயின் தேர்விலும், நேர்முகத்தேர்விலும் அதிக மதிப்பெண் பெற்றவர்கள் தேர்ந்து எடுக்கப்பட்டு இறுதியாக அறிவிக்கப்படுவார்கள்.

அதன்படி 1300 பணியிடங்களுக்கு கடந்த ஆண்டு ஆகஸ்டு மாதம் 24-ந் தேதி முதல் நிலை தேர்வு நடத்தப்பட்டது. இந்த தேர்வை 9 லட்சம் பேர் எழுதினார்கள். முடிவு அக்டோபர் மாதம் 14-ந் தேதி வெளியிடப்பட்டது. அதில் 17 ஆயிரம் பேர் தேர்வு செய்யப்பட்டனர். மெயின் தேர்வு கடந்த டிசம்பர் மாதம் 14-ந் தேதி முதல் 20-ந் தேதி வரை நடந்தது. இதை 17 ஆயிரம் பேர் எழுதினார்கள். மெயின் தேர்வு முடிவு வெளியிடப்பட்டது. 3 ஆயிரத்து 293 பேர் தேர்வு பெற்றுள்ளனர். மெயின் தேர்வில் வெற்றி பெற்ற அனைவரும் வருகிற 27-ந் தேதி முதல் டெல்லியில் நடைபெற உள்ள நேர்முகத்தேர்வுக்கு செல்ல இருக்கிறார்கள். நேர்முகத்தேர்வு முடிந்த பின்னர் இறுதியாக தேர்ந்து எடுக்கப்பட்டோர் பட்டியல் வெளியிடப்படும்.

மனிதநேய மையத்தில் 71 பேர் தேர்வு

சென்னை மாநகராட்சி மேயர் சைதை துரைசாமியின் மனிதநேய பயிற்சி மையத்தில் ஐ.ஏ.எஸ்., ஐ.பி.எஸ். உள்ளிட்ட சிவில் சர்வீசஸ் தேர்வுகளுக்கு இலவச பயிற்சி நடத்தப்படுகிறது. அந்த பயிற்சி மையத்தில் பயிற்சி பெற்ற 71 பட்டதாரிகள் சிவில் சர்வீசஸ் மெயின் தேர்வில் தேர்ச்சி பெற்றுள்ளனர். அவர்களில் 42 பேர் மாணவர்கள். 29 பேர் மாணவிகள்.

இது குறித்து மனிதநேய மையம் வெளியிட்டுள்ள அறிக்கையில், முதன்மை தேர்வில் வெற்றி பெற்றுள்ள அனைத்து மாணவ-மாணவிகளுக்கும் நேர்முகத்தேர்வுக்கான பயிற்சி வகுப்புகள் இலவசமாக நடத்தப்பட உள்ளன. இந்த பயிற்சியில் கலந்துகொள்ள விரும்பும் தேர்ச்சி பெற்ற அனைத்து மாணவ-மாணவிகள் தங்களுடைய பாஸ்போர்ட் அளவு புகைப்படம், எழுத்து தேர்வுக்கான நுழைவுச்சீட்டு ஆகியவற்றுடன் இன்று (செவ்வாய்க்கிழமை) முதல் எமது மையத்தில் நேரில் வந்து பதிவு செய்து கொள்ளலாம்.

இலவச பயிற்சி

அவ்வாறு நேர்முகத்தேர்வுக்கு பதிவு செய்து கொள்ளும் அனைவருக்கும் இலவச பயிற்சி வகுப்புகள் நடத்தப்பட உள்ளன. இந்த நேர்முகத்தேர்வுக்கான பயிற்சி வகுப்பில் கலந்துகொள்ளும் அனைத்து மாணவ-மாணவிகளுக்கும் அனைத்து வசதிகளும் இலவசமாக செய்து தரப்படும் என குறிப்பிடப்பட்டுள்ளது.

பாராளுமன்றத்துக்கு புதிய கட்டிடம் கட்ட திட்டம் தற்போதைய கட்டிடம் அருங்காட்சியகமாக மாறுகிறது

டெல்லியில் பாராளுமன்றத்துக்கு புதிய கட்டிடம் கட்ட திட்டமிடப்பட்டு உள்ளது. தற்போதைய கட்டிடம் அருங்காட்சியகமாக மாறுகிறது.

88 ஆண்டுகள் பழமை

டெல்லியில் உள்ள பாராளுமன்ற கட்டிடம் 6 ஏக்கர் நிலப்பரப்பில் ரூ.83 லட்சம் செலவில் கட்டி முடிக்கப்பட்டு 1927–ம் ஆண்டு ஜனவரி மாதம் தொடங்கிவைக்கப்பட்டது. 560 அடி சுற்றளவும், 8.23 மீட்டர் உயரமும் கொண்ட பாராளுமன்றம் 12 நுழைவு வாயில்களை கொண்டது.
88 ஆண்டுகள் பழமையாகிவிட்ட பாராளுமன்றத்தை பாரம்பரிய நினைவுச் சின்னமாக மாற்றும் விதமாக மத்திய அரசு புதிய பாராளுமன்ற கட்டிடம் ஒன்றை கட்டுவதற்கான தீவிர முயற்சியில் இறங்கி உள்ளது.

பரிந்துரைக்கு முழுவடிவம்

சில மாதங்களுக்கு முன்பு பாராளுமன்ற துணை சபாநாயகர் தம்பிதுரை அடங்கிய பாராளுமன்ற பட்ஜெட் குழு, கே.வி.தாமஸ் தலைமையிலான பொதுக்கணக்கு குழு, முரளிமனோகர் ஜோஷி தலைமையிலான மதிப்பீட்டு குழு மற்றும் அதிகாரிகளின் கூட்டம் டெல்லியில் நடந்தது.
அதில் பாராளுமன்றத்தை புதிய இடத்துக்கு மாற்றுவது தொடர்பான பரிந்துரை பற்றி பரிசீலனை செய்யப்பட்டு அறிக்கை தாக்கல் செய்யப்பட்டு இருப்பதாக தகவல் அறிந்த வட்டாரங்கள் தெரிவிக்கின்றன.
நடப்பு பட்ஜெட் கூட்டத்தொடர் முடிந்த பிறகு பிரதமர் மோடி இந்த பரிந்துரைக்கு முழு வடிவம் கொடுப்பார் என பாராளுமன்ற விவகார மந்திரி முக்தார் அப்பாஸ் நக்வியும் இதனை உறுதி செய்தார்.

கட்டிடத்துக்கு பாதிப்பு

அண்மையில் பாராளுமன்ற கட்டிட கட்டமைப்பின் பாதுகாப்பு குறித்து நடத்தப்பட்ட ஆய்வில், இந்த பாரம்பரிய கட்டிடத்துக்கு பல்வேறு விதமான பாதிப்புகள் ஏற்பட்டு இருப்பது தெரிய வந்துள்ளது.
குறிப்பாக அவ்வப்போது நடைபெறும் புதுப்பிக்கும் பணிகளால் பாராளுமன்றம் கட்டிடம் அதிக அளவில் சேதமடைந்து இருப்பது இந்த ஆய்வில் கண்டறியப்பட்டு இருக்கிறது.
பாராளுமன்ற கட்டிடத்தை பராமரிக்கும் பணியில் அன்றாடம் ஏராளமான ஊழியர்கள் ஈடுபட்டாலும் கூட, அதன் மேற்பகுதியில் இருந்து வெளியேறும் நீர்க்கசிவை முற்றிலுமாக சரி செய்ய முடியவில்லை.

கட்சிகள் வற்புறுத்தல்

தவிர பாராளுமன்ற மேற்கூரையில் இருந்து மண் உதிர்ந்து விழுவதும் தொடர் கதையாக உள்ளது. இதனால் பாரம்பரியமும், வரலாற்று தொன்மையும் மிக்க பாராளுமன்ற கட்டிடத்தை பாதுகாக்கவேண்டிய அவசியம் எழுந்து இருக்கிறது.
இதனால் பாராளுமன்றத்துக்கு புதிய கட்டிடம் கட்டப்பட வேண்டும் என்ற சிந்தனை பிரதமர் மோடியிடம் வலுப்பெற்று உள்ளது.
இது தவிர எம்.பி.க்கள் தங்கும் வகையிலும், அதிக அலுவலகங்கள் செயல்படும் விதமாகவும் பாராளுமன்றத்துக்கு புதிய கட்டிடம் கட்டப்பட வேண்டும் என்று பல்வேறு அரசியல் கட்சிகள் வற்புறுத்தி வருவதும் குறிப்பிடத்தக்கது.

அருங்காட்சியகமாக மாறும்

புதிய பாராளுமன்றம் கட்டும்போது அதன் புற வடிவமைப்பை தற்போதுள்ள தோற்றத்திலேயே உருவாக்கவேண்டும் என பாராளுமன்ற விவகார அமைச்சகம் யோசனை தெரிவித்து உள்ளது.
பாராளுமன்றத்துக்கு புதிய கட்டிடம் கட்டப்பட்டால் பழைய கட்டிடம் அருங்காட்சியகமாக மாற்றப்படும் என்றும் தெரிகிறது.

7 கூரை வீடுகள் தீயில் எரிந்து சாம்பல் ரூ. 5 லட்சம் பொருட்கள் சேதம்

1

திருவாரூரில் 7 கூரை வீடுகள் தீயில் எரிந்து சாம்பலாகின. இதில் ரூ. 5 லட்சம் மதிப்பிலான பொருட்கள் சேதம் அடைந்தன.

தீயில் எரிந்த கூரை வீடுகள்

திருவாரூர் நாலுகால் மண் டபம் பகுதி கூரை வீடுகள் நிறைந்த பகுதி. இப்பகுதியை சேர்ந்தவர் ராஜேஸ்வரி (வயது 50). இவரும் கூரை வீட்டில் வசித்து வருகிறார். நேற்று மதியம் இவருடைய கூரை வீடு திடீரென தீப்பிடித்து எரிந்தது. அப்போது காற்று பலமாக வீசியதால் தீ பிளம்பு பறந்து சென்று அருகே இருந்த வைரம் (70), சுமதி(45) ஆகிய 2 பேரின் கூரை வீடுகளிலும் தீப்பிடித்து கொண்டது. இதுகுறித்து தகவல் அறிந்த திருவாரூர் தீயணைப்பு துறை யினர் சம்பவ இடத்திற்கு விரைந்து சென்று தீயை அணைக்க முயன்றனர். அப்பகுதி பொதுமக்களும் வாளிகளில் தண்ணீர் நிரப்பி, வீடு கள் மீது ஊற்றி தீயை கட்டுக் குள் கொண்டு வர முயன்ற னர். ஆனால் தீ கட்டுக் கடங் காமல் மளமளவென பரவி அதே பகுதியில் அடுத்தடுத்து இருந்த ராஜேந்திரன் (50), மணி கண்டன் (42), கணே சன்(51), பிரபு (28) ஆகிய 4 பேரின் கூரை வீடுகளும் கொளுந்து விட்டு எரிந்தன.

ரூ.5 லட்சம் சேதம்

ஒரே நேரத்தில் 7 வீடுகள் தீயில் எரிந்ததால் நாலுகால் மண்டபம் பகுதியில் பதற்றம் ஏற்பட்டது. உடனடியாக குட வாசல், கூத்தாநல்லூர், நன்னி லம் ஆகிய பகுதிகளில் இருந் தும் தீயணைப்பு வாகனங்கள் வரவழைக்கப்பட்டன. 4 தீயணைப்பு வாகனங்களில் வந்த தீயணைப்பு படை வீரர்கள் 1 மணிநேரம் போராடி தீயை அணைத்தனர். இந்த தீ விபத்தில் மூர்த்தி என்பவர் தனது வீட்டு மாடி யில் கட்டியிருந்த கூரை கொட் டகையும் எரிந்து சாம்பலானது. 7 வீடுகளில் இருந்த டி.வி., துணிமணிகள், வீட்டு உப யோக பொருட்கள் அனைத் தும் தீயில் கருகி சாம்பலாயின. எரிந்து சாம்பலான பொருட் களின் சேத மதிப்பு ரூ.5 லட்சம் இருக்கும் என கூறப்படுகிறது.

ஆறுதல்

தீ விபத்து குறித்து தகவல் அறிந்த மாவட்ட வருவாய் அதிகாரி மோகன்ராஜ், உதவி கலெக்டர் முத்துமீனாட்சி, தாசில்தார் கண்ணன், நகர சபை தலைவர் ரவிச்சந்திரன், கூட்டுறவு சங்க தலைவர்கள் மணிகண்டன், கலியபெரு மாள் ஆகியோர் பாதிக்கப் பட்ட குடும்பங்களை நேரில் சந்தித்து ஆறுதல் கூறினர். மின்கசிவு காரணமாக தீ விபத்து நடந்ததாக கூறப் படுகிறது. இதுகுறித்து திரு வாரூர் டவுன் போலீசார் வழக்குப்பதிவு செய்து விசா ரணை நடத்தி வருகிறார்கள். 

வாக்காளர் பட்டியலுடன் ஆதார் இணைக்கும் பணி: தமிழகம் முழுவதும் நாளை (12/04/2015) சிறப்பு முகாம்

• 
  சென்னை தலைமைச் செயலகத்தில் வாக்காளர் பட்டியலைச் செம்மைப்படுத்தி தகவல்களை உறுதிப்படுத்துவதற்கான திட்டம் குறித்த விழிப்புணர்வு குறும்படம் அடங்கிய குறுந்தகட்டை வெள்ளிக்கிழமை வெளியிடுகிறார் தமிழக தலைமைத் தேர்தல் அதிகாரி சந்தீப் சக்சேனா.

ஆதார் விவரங்களை வாக்காளர் பட்டியலுடன் இணைக்கும் பணி தீவிரமாக நடைபெற்று வருவதாகவும், இதுவரை 35 லட்சம் பேரின் விவரங்கள் பதிவு செய்யப்பட்டுள்ளதாகவும் தமிழகத் தலைமைத் தேர்தல் அதிகாரி சந்தீப் சக்சேனா தெரிவித்தார். மேலும், ஆதாரை இணைப்பது, வாக்காளர் பட்டியலில் திருத்தம் மேற்கொள்வது உள்ளிட்ட பணிகளை மேற்கொள்ள தமிழகத்தில் ஞாயிற்றுக்கிழமை (ஏப். 12) சிறப்பு முகாம் நடைபெறவுள்ளதாக அவர் தெரிவித்தார்.

மாநிலம் முழுவதும் உள்ள அனைத்து வாக்குச் சாவடிகளிலும் இந்த சிறப்பு முகாம்கள் நடத்தப்படும் என சந்தீப் சக்சேனா குறிப்பிட்டார். இது குறித்து, தலைமைச் செயலகத்தில் செய்தியாளர்களுக்கு வெள்ளிக்கிழமை அவர் அளித்த பேட்டி:

வாக்காளர் பட்டியலை செம்மைப்படுத்தி, விவரங்களை உறுதிப்படுத்தும் திட்டமானது, தேர்தல் ஆணையத்தின் உத்தரவுப்படி கடந்த மார்ச் 3-ஆம் தேதி தொடங்கப்பட்டது. இதற்காக வாக்குச் சாவடி அலுவலர்கள், தேர்தல் நடத்தும் அதிகாரிகள், உதவி அதிகாரிகளுக்கு பயிற்சிகள் நடத்தப்பட்டன. அவர்கள் வீடுதோறும் சென்று விவரங்களைச் சேகரித்தனர். இந்தப் பணி கடந்த 2 வாரங்களுக்கும் மேலாக நடந்து வந்தது. தமிழகத்தில் மொத்தம் 5.6 கோடி வாக்காளர்கள் உள்ளனர். அவர்களில் 2 கோடி பேரின் விவரங்கள் சேகரிக்கப்பட்டுள்ளன. சேகரித்த விவரங்களை கணினியில் பதிவு செய்யும் பணியும் தொடர்ச்சியாக மேற்கொள்ளப்படுகிறது.

இதுவரை 35 லட்சம் பேரின் விவரங்கள் பதிவிடப்பட்டுள்ளன. விவரங்களைப் பதிவிடும் பணி தீவிரமாக நடந்து வருகிறது. தேசிய வாக்காளர் சேவை இணையவழித் தடத்திலும் விவரங்களைப் பதிவு செய்யலாம்.

சிறப்பு முகாம்கள்: வாக்காளர் பட்டியலில் திருத்தங்கள் மேற்கொள்ளவும், ஆதார் விவரங்களை இணைக்கவும் தமிழகம் முழுவதும் சிறப்பு முகாம்கள் நடத்தப்பட உள்ளன. ஏப்ரல் மாதத்தில் வரும் 12, 26 ஆகிய தேதிகளிலும், மே மாதத்தில் இரண்டாவது, நான்காவது ஞாயிற்றுக்கிழமைகளிலும், மாநிலம் முழுவதும் உள்ள 66 ஆயிரத்துக்கும் மேற்பட்ட வாக்குச் சாவடிகளில் காலை 10 மணி முதல் மாலை 5.30 மணிவரை முகாம்கள் நடத்தப்பட உள்ளன.

வாக்காளர் பட்டியலை செம்மைப்படுத்தி விவரங்களை உறுதிப்படுத்தும் திட்டத்தைக் கண்காணிக்க 10 ஐ.ஏ.எஸ். அதிகாரிகள் நியமிக்கப்பட்டுள்ளனர். அவர்கள் ஒவ்வொருவருக்கும் மூன்று முதல் நான்கு மாவட்டங்கள் வரை ஒதுக்கப்பட்டுள்ளன. இந்தப் பணியின் போது, தனிநபர்கள் தங்களது தகவல்களைத் தெளிவாக அளிக்க வேண்டும். செல்லிடப்பேசி எண், மின்னஞ்சல் முகவரி ஆகிய விவரங்களை குறிப்பிடுவது முக்கியம்.

மொத்தம் 4.18 கோடி பேர்: தமிழகத்தில் 18 வயது பூர்த்தி அடைந்து வாக்காளர்களாகத் தகுதி பெற்ற 5.62 கோடி பேரில், 4.18 கோடி பேருக்கு ஆதார் அடையாள அட்டைகள் வழங்கப்பட்டுள்ளன. அதாவது, மொத்தமுள்ள வாக்காளர்களில் 82 சதவீதம் பேருக்கு ஆதார் அட்டைகள் உள்ளன.

ஆதார் அடையாள அட்டைகள் இல்லாதவர்களுக்கு, தேசிய வாக்காளர் பதிவேட்டில் பதிவு செய்ததற்கான பதிவெண்ணோ, மக்கள் தொகை கணக்கெடுப்புக்கான டின் எண்ணோ இருக்கும். இந்த எண்கள் பதிவு செய்யப்படும். அதன் பின், அவர்கள் ஆதார் அட்டையைப் பெறும்போது அதற்கான விவரம், தேர்தல் ஆணைய கணினியில் தானாகவே தெரியவரும். அதைக் கொண்டு வாக்காளர் பட்டியலில் ஆதார் விவரங்கள் இணைக்கப்படும். ஆதார் விவரத்தை வாக்காளர் பட்டியலுடன் இணைக்கும் பணியை மே 31-ஆம் தேதிக்குள் இணைக்க முடிவு செய்யப்பட்டுள்ளது.

சிறப்பு கேட்புகள்: தமிழகம் முழுவதும் வரும் 12-ஆம் தேதி நடைபெறும் சிறப்பு முகாமினைத் தொடர்ந்து, சிறப்பு கேட்புகள் ஒவ்வொரு தேர்தல் நடத்தும் அதிகாரி அல்லது உதவி தேர்தல் நடத்தும் அதிகாரி அலுவலகங்களில் நடத்தப்படும்.

இந்த சிறப்பு கேட்புகளுக்கான நேரம், ஒவ்வொரு அலுவலகத்தின் பிற வேலைகளைப் பொருத்து முடிவு செய்யப்படும். வாரத்துக்கு இரண்டு நாள்கள் நடத்தப்படும். வாக்காளர் பட்டியலில் பெயர் சேர்ப்பு, ஆதார் இணைப்பு போன்றவற்றில் பிரச்னை உள்ளவர்கள் இந்த சிறப்பு கேட்புக்கு அழைக்கப்படுவர். அவர்களிடம் முழு விவரங்கள் சேகரிக்கப்பட்டு தகவல்கள் உறுதிப்படுத்தப்படும் என்றார் சந்தீப் சக்சேனா. இந்தச் சந்திப்பின் போது, இணை தலைமை தேர்தல் அதிகாரிகள் (தகவல் தொழில்நுட்பம்) அஜய் யாதவ், சிவஞானம் (தேர்தல் விழிப்புணர்வு) ஆகியோர் உடனிருந்தனர்.

என்னென்ன ஆவணங்கள் தேவை?

சிறப்பு முகாமுக்குச் செல்லும் போது, என்னென்ன ஆவணங்களை எடுத்துச் செல்ல வேண்டும் என்பது குறித்து, தமிழக தலைமைத் தேர்தல் அதிகாரி சந்தீப் சக்சேனா விளக்கமளித்தார். அவர் கூறியது:

வாக்காளர் பட்டியலில் பெயர் சேர்க்க படிவம் 6-ம், பெயரை நீக்க படிவம் 7-ம், வாக்காளர் பட்டியலில் சேர்க்கப்பட்டுள்ள புகைப்படம் உள்ளிட்ட விவரங்களைத் திருத்த படிவம் 8-ம், வாக்காளர் பட்டியலில் பதிவை இடமாற்றம் செய்ய படிவம் 8ஏ-ம், மாற்று வாக்காளர் புகைப்பட அடையாள அட்டையைப் பெற விரும்புவோர் படிவம் 001-ம் பயன்படுத்த வேண்டும்.

இந்தப் படிவத்தைப் பூர்த்தி செய்து அதனுடன் தகுந்த ஆவணங்களை இணைக்க வேண்டும். குறிப்பாக, வாக்காளர் பட்டியலில் பெயரைச் சேர்க்க வேண்டுமானால் சம்பந்தப்பட்டவரின் இருப்பிடச் சான்றையும், அடையாள சான்றுக்கான நகலையும் அளிக்க வேண்டும். இது போன்று ஒவ்வொரு படிவத்துடனும் அதற்கான ஆவணங்களைச் சமர்ப்பிப்பது அவசியம்.

ஆதார் விவரங்களை வாக்காளர் பட்டியலுடன் இணைக்க ஆதார் அட்டையின் நகலை எடுத்து வர வேண்டும். அப்படி நகலைக் கொண்டு வந்தால், இணைக்கும் பணி எளிதாகும். ஒவ்வொரு சிறப்பு முகாமிலும் இரண்டு லேப்-டாப்கள் அளிக்கப்படும். அவற்றின் மூலம் இந்தப் பணி மேற்கொள்ளப்படும் என்றார் சந்தீப் சக்சேனா. குறுந்தகடு வெளியீடு: வாக்காளர் பட்டியலைச் செம்மைப்படுத்தி தகவல்களை உறுதிப்படுத்துவதற்கான திட்டம் குறித்த விழிப்புணர்வு குறும்படம் அடங்கிய குறுந்தகட்டினை சந்தீப் சக்சேனா வெளியிட்டார்.

தோஹாவில் கொடிநகர் கத்தார் வாசிகள் குழு கூட்டம்

நமதுரை சேர்ந்த கத்தார் நாட்டில் வாழும் சகோதர்கள் நற்பணிகள் செய்ய கொடிநகர் கத்தார் வாசிகள் குழு என அமைப்பை நிறுவி கடந்த 12 ஆண்டுகள் ஓடிவிட்டன . அதன் ஆண்டு கூட்டம் 10/4/2015 அன்று தோஹா வில் இனிதே நடைபெற்றது .அல்ஹம்து இல்லாஹ் .

இறைவன் அருளால்  இவர்கள்    செய்யும் நல்ல பணிகள் ஊக்குவிக்கவும் தொடர்த்து நற்பணிகள் செய்யவும் வல்ல அல்லாஹ் துணை புரிவானாக ஆமீன் 

திருவாரூர் அரசு மருத்துவகல்லூரிக்கு இந்திய மருத்துவகழகம் அங்கீகாரம் கல்லூரி முதல்வர் தகவல்

                

திருவாரூர் அரசு மருத்துவகல்லூரிக்கு இந்திய மருத்துவ கழகம் அங்கீகாரம் வழங்கி உள்ளதாக கல்லூரி முதல்வர் மீனாட்சிசுந்தரம் கூறினார்.

மருத்துவகழகத்தின் அங்கீகாரம்

மருத்துவகல்லூரிகளை நடத்துவதற்கு இந்திய மருத்துவகழகத்தின் அங்கீகாரம் அவசியம். புதிதாக தொடங்கப்பட்ட மருத்துவகல்லூரிகளில் முதல் 5 ஆண்டுகள் இந்திய மருத்துவகழகம் தொடர்ந்து ஆய்வு நடத்தி ஒவ்வொரு ஆண்டும் அங்கீகாரம் வழங்குவது நடைமுறையில் உள்ளது. திருவாரூர் மருத்துவகல்லூரியிலும் தொடர்ந்து 4 ஆண்டுகளாக மருத்துவ கழகம் ஆய்வு நடத்தி அங்கீகாரம் வழங்கியது. இந்த ஆண்டு தொடர்ந்து 5–வது முறையாக அங்கீகாரம் வழங்குவது குறித்து இந்திய மருத்துவ கழகம் திருவாரூர் மருத்துவ கல்லூரியில் ஆய்வு நடத்தியது.


மருத்துவகழகத்தின் சார்பில் மேற்குவங்காளம், அரியானா மற்றும் ஐதராபாத்தை சேர்ந்த டாக்டர்கள் தத்தா, ஷாம்சிங்க்லா, பிரிசில்லா ஆகியோர் அடங்கிய குழுவினர் திருவாரூர் மருத்துவ கல்லூரியின் உள்கட்டமைப்பு வசதிகளை கடந்த பிப்ரவரி மாதம் 16–ந் தேதி, 17–ந் தேதி ஆகிய 2 நாட்கள் ஆய்வு செய்தனர். ஆய்வு பணி முடிவடைந்ததை தொடர்ந்து இந்திய மருத்துவ கழகம் திருவாரூர் மருத்துவ கல்லூரிக்கு தற்போது அங்கீகாரம் வழங்கி உள்ளது.
இதுதொடர்பாக திருவாரூர் மருத்துவகல்லூரியின் முதல்வர் மீனாட்சிசுந்தரம் நிருபர்களுக்கு நேற்று பேட்டி அளித்தார். அப்போது அவர் கூறியதாவது:–

முதல் ஆய்வு

திருவாரூர் மருத்துவகல்லூரியில் தொடர்ந்து 5–வது முறையாக கடந்த பிப்ரவரி மாதம் இந்திய மருத்துவகழகம் ஆய்வு நடத்தியது. ஆய்வு குழுவினருக்கு எனது தலைமையிலான மருத்துவர்கள் மருத்துவகல்லூரி புதிதாக உருவாக்கப்பட்டுள்ள உள்கட்டமைப்பு வசதிகளை பற்றி விவரித்தோம். உள்கட்டமைப்பு வசதிகளில் திருப்தி ஏற்பட்டதை தொடர்ந்து மருத்துவகழகம் திருவாரூர் மருத்துவகல்லூரிக்கு அங்கீகாரம் வழங்கி உள்ளது.
கடந்த சில ஆண்டுகளாக நடைபெற்ற ஆய்வின்போது மருத்துவகழகம் சில வசதிகளை செய்ய வேண்டும் என சுட்டி காட்டியது. அந்த வசதிகளை செய்த பின்னர் 2–வது கட்டமாக ஆய்வு நடத்தி அதன் பின்னர் தான் மருத்துவ கழகம் அங்கீகாரம் வழங்கியது. ஆனால் இந்த ஆண்டு முதல் கட்ட ஆய்வின் முடிவிலேயே மருத்துவ கழகம் திருப்தி அடைந்து திருவாரூர் மருத்துவகல்லூரிக்கு அங்கீகாரம் வழங்கி விட்டது குறிப்பிடத்தக்க சாதனை ஆகும். அடுத்ததாக 2020–ம் ஆண்டு தான் மருத்துவகழகம் ஆய்வு நடத்தும்.

நன்றி

இந்த சாதனையை எட்டுவதற்கு உதவி புரிந்த உணவு மற்றும் இந்து சமய அறநிலையத்துறை அமைச்சர் காமராஜ், சுகாதார துறை அமைச்சர் விஜயபாஸ்கர், சுகாதார துறை செயலாளர், மருத்துவ கல்லூரி இயக்குனர், மாவட்ட கலெக்டர் ஆகியோருக்கு நன்றி தெரிவித்து கொள்கிறேன்.


இவ்வாறு அவர் கூறினார்.

நாகூர் அனிபா உடல் சொந்த ஊரில் அடக்கம்

பிரபல இஸ்லாமிய பாடகர் நாகூர் அனிபா உடல் சொந்த ஊரில் அடக்கம் செய்யப்பட்டது. அவரது இறுதி சடங்கில் முக்கிய பிரமுகர்கள் கலந்து கொண்டு அஞ்சலி செலுத்தினர்.

நாகூர் அனிபா

பிரபல இஸ்லாமிய பாடகரும், தி.மு.க. பிரமுகருமான நாகூர் அனிபா சென்னை கோட்டூர் புரம் 3-வது மெயின் ரோட்டில் உள்ள அவரது வீட்டில் வசித்து வந்தார். 96 வயதான நாகூர் அனிபா உடல்நலம் பாதிக்கப்பட்ட நிலையில் நேற்று முன்தினம் உயிரிழந்தார்.

இதையடுத்து நாகூர் அனிபாவின் உடல் அவரது சொந்த ஊரான நாகூர் நூர்சா தைக்கால் தெருவில் உள்ள அவரது இல்லத்திற்கு நேற்று எடுத்து வரப்பட்டது. அங்கு அவரது உடலுக்கு தி.மு.க.வை சேர்ந்த முன்னாள் மத்திய மந்திரி பழனிமாணிக்கம், முன்னாள் எம்.பி. ஏ.கே.எஸ்.விஜயன், முன்னாள் அமைச்சர்கள் பெரியசாமி, மதிவாணன், உபயதுல்லா, தி.மு.க. மாவட்ட செயலாளர்கள் பூண்டிகலைவாணன், குத்தாலம் கல்யாணம், எம்.எல்.ஏ.க்கள் சாக்கோட்டை க.அன்பழகன், ஜவாகிருல்லா, நாகூர் தர்கா மானேஜிங் டிரஸ்டி ஷேக்ஹசன்சாகிபு, தர்கா பரம்பரை டிரஸ்டி காமில்சாகிபு, மஸ்தான் சாகிபு உள்பட ஏராளமானோர் கலந்து கொண்டு அஞ்சலி செலுத்தினர்.

உடல் அடக்கம்

பின்னர் நாகூர் அனிபாவின் உடல் வீட்டில் இருந்து ஊர்வலமாக நாகூர் தர்காவிற்கு எடுத்து செல்லப்பட்டு, அங்கு தொழுகை நடைபெற்றது. பின்னர் அங்குள்ள தர்கா மையவாடியில் அவரது உடல் அடக்கம் செய்யப்பட்டது.

இஸ்லாமிய இசை பாடல்களில் இறைவனிடம் கையேந்துங்கள் அவர் இல்லை என்று சொல்லுவதில்லை உள்ளிட்ட ஆயிரத்துக்கும் மேற்பட்ட பாடல்களை பாடி மக்களின் மனதில் மறக்க முடியாத இடத்தை பிடித்த நாகூர் அனிபாவுக்கு நவுசாத் அலி, நாசர் அலி என 2 மகன்களும், 5 மகள்களும் உள்ளனர்