வாக்காளர் பட்டியலில் பெயர் சேர்க்க விண்ணப்பிக்கலாம்

வாக்காளர் பட்டியலில் பெயர் சேர்த்தல், நீக்கல் மற்றும் திருத்தம் செய்ய விண்ணப்பிக்கலாம்.

இதுகுறித்து திருவாரூர் மாவட்ட ஆட்சியர் எம். மதிவாணன் வெளியிட்ட செய்திக்குறிப்பு:
வாக்காளர் பட்டியல் திருத்தும் பணி தற்போது நடைபெற்று வருகிறது. பட்டியலில் பெயர் சேர்க்க விரும்பும் தகுதியுள்ளவர்கள் படிவம் 6-ல் உரிய ஆதாரங்களுடன் விண்ணப்பிக்கலாம்.
விண்ணப்பங்களை உதவி வாக்காளர் பதிவு அலுவலர்களின் அலுவலகங்களில் ( வ ட்டாட்சியர், கோட்டாட்சியர்கள் அலுவலகங்கள், நகராட்சிகள்) கொடுக்கலாம். 18 முதல் 24 வயதுக்குள்பட்டவர்கள் விண்ணப்பத்துடன் வயதுக்கான சான்றிதழ் இணைக்க வேண்டும்.
விண்ணப்பங்கள் சரிபார்க்கப்பட்டு பட்டியலில் பெயர் சேர்க்கப்பட்டவர்களுக்கு வாக்காளர் புகைப்பட அடையாள அட்டை வழங்கப்படும். இதேபோல பெயர்
நீக்கலுக்கு படிவம் 7, பெயர், விவரங்களில் திருத்தம செய்ய படிவம் 8, சட்டப்பேரவைத் தொகுதிக்குள் பாகம் மாறியவர்கள் படிவம் 8ஏ ஆகியவற்றை பூர்த்தி செய்து விண்ணப்பிக்க வேண்டும். மேலும் வாக்காளர் பட்டியலில் பெயர் சேர்த்தல், நீக்கல், திருத்தம் செய்ய இடமாற்றம் செய்ய www.elections.tn.gov.in  என்ற இணையதளத்தில் சென்று விண்ணப்பிக்கலாம்.