.வெல்கம் 2014............

தேர்தல் ஆண்டே வருக நிலையான ஆட்சி தருக

2014 ம் ஆண்டு இன்று பிறந்து உள்ளது .இந்தியாவின் அடுத்த 5 ஆண்டு காலம் ஆட்சி பொறுப்பில் யாரை அமர்த்த போகிறோம் என்பதை தீர்மானிக்கும் ஆண்டு பிறந்து உள்ளது.

இப்பொழுது ஆளும் காங்கிரஸ் தலைமையிலான ஐக்கிய முற்போக்கு கூட்டணி அரசின் தலைமை அமைச்சர் மன்மோகன் சிங் அவர்களின் செயல்பாட்டுக்கு ஏற்ப மீண்டும் ஆள முடியுமா அல்லது பாரதீய ஜனதா கட்சி யின் பிரதமர் வேட்பாளர் நரேந்திரபாய் மோடி தலைமையில் தேசிய ஜனநாயக கூட்டணி ஆட்சி மலருமா அல்லது தமிழக முதல்வர் ஜெயலலிதா ,முலாயம் சிங், மாயாவதி, கருணாநிதி தலைவர்களின்  மூன்றாம் அணி ஆட்சி கனவு பலிக்குமா என்பதை மக்கள் வரும் ஏப்ரல் அல்லது மே மாதங்களில் வாக்கு பதிவு இயத்திரத்தில் முடிவு செய்வார்கள் .இனி வரும் ஆறு மாதம் காலம் முழுவதும் மக்கள் நிறைய காட்சிகளை கண்டு களிக்காலம்.கட்சிகள் நடத்தும் மாநாடுகள் ,சமுதாய அமைப்புகள் ,அரசு சார்ந்த சங்கங்கள்  கோரிக்கைகள் கொண்டு மக்களை திரட்டும் போராட்டம் ,தேர்தல் புறக்கணிப்பு, நோட்டா வில் வோட்டை பதிவுசெய்ய வேண்டுகோள்  என பரபரப்புக்கு பஞ்சம் இருக்காது .இவைகள் எல்லாம் நாடு முழுவதும் காணும் நிகழ்வுதான் .ஆனால் வோட்டுக்கு எவ்வளது பணம் கிடைக்கும் அதுவும் கட்சிகாரர்கள் கமிஷன் வெட்டாமல் கிடைக்குமா எது மக்களின் எதிர்பார்ப்பு .வளர்ச்சி திட்டம் எல்லாம் இந்த 500 ருபாய்  அப்பறம் தான்.

 

தேர்தல் முலமாக நிலையான அரசு அமைய வாய்ப்பு குறைவுதான் .காங்கிரஸ் முலமாக கடந்த 10 ஆண்டுகளாக பயன் அடைத்த பெரும் பணக்காரர்கள் இப்போது மோடிக்கு ஊடகம் முலமாக பிரசாரம் செய்கிறார்கள் .

2014 ம் ஆண்டு வரலாற்றில் முக்கிய பங்கு வகிக்கும் என்பதில் ஐயம் இல்லை என் என்றால் தமிழக கட்சிகள் தற்போதிய நிலைகள் மாறிவரும் சூழ்நிலைகள் அதிரடிகள் எல்லாம் வரும் நாட்களில் காணலாம் . பேஸ்புக் முக்கியமாக இடத்தில இருந்து தேர்தல் முடிவுகளை தீர்மானிக்கும்

.வெல்கம் 2014

Kodikkalpalayam- Thiruvarur திருவாரூர் விஜயபுரம் ஜமாஅத் சார்பாக கட்டப்பட்டுள்ள பஸ் ஸ்டாண்ட் அருகே உள்ள புதிய பள்ளிவாசல்

"காரைக்காலில் அடுத்த 15 மாதத்தில் விமான தளம் அமையும்'

 

காரைக்காலில் 1.8 கி.மீ. நீளமுள்ள ஓடுபாதையுடன் அடுத்த 15 மாதத்தில் விமான தளம் அமையும் என, காரைக்கால் ஏர்போர்ட் நிறுவனத் தலைவர் ஜே.வி. சௌத்திரி நம்பிக்கை தெரிவித்தார்.

காரைக்கால் மாவட்டம், பொன்பேத்தி, புத்தக்குடி கிராமத்தில் விமான நிலையம் அமைப்பதற்குத் தேவையான அனுமதியை காரைக்கால் ஏர்போர்ட் நிறுவனம் பெற்றுவிட்டது.

இதுகுறித்து அந்த நிறுவனத்தின் தலைவர் ஜே.வி. சௌத்திரி புதன்கிழமை தெரிவித்தது:

காரைக்காலில் விமான தளம் அமைவதற்கு சுற்றுச்சூழல் துறையைத் தவிர எல்லா துறையின் அனுமதியும் கிடைத்துவிட்டது. கட்டுமானப் பணியின்போதே சுற்றுச்சூழல் துறை ஆய்வு மேற்கொண்டு அனுமதி அளிக்கும். காரைக்காலில் 1.8 கிலோ மீட்டர் ஓடுபாதை கொண்ட தளம் அமைக்க, சிவில் ஏவியேஷன் ஸ்டியரிங் கமிட்டி அறிவுறுத்தியுள்ளது.
இந்த திட்டத்திற்கு ரூ. 116 கோடி செலவாகும். இதற்கு நாட்டின் பல்வேறு பகுதியிலிருந்தும் ஷேர் ஹோல்டர்ஸ் முன் வருகிறார்கள். நிறுவனத்திடம் நிலையம் அமைக்க 180 ஏக்கர் நிலம் தயாராக உள்ளது. சிறிதளவு நிலம் மட்டுமே கூடுதலாக கிடைக்க வேண்டும். இது நீதிமன்ற வழக்கில் உள்ளது. வழக்கை விரைவாக முடிக்க உதவுமாறு மாவட்ட நிர்வாகத்திடம் பேசியுள்ளோம். முதல்வர் அடிக்கல் நாட்டிவிட்டால், அடுத்த 15 மாதத்தில் ஓடுபாதை மற்றும் விமான தளத்துக்கு அவசியமான கட்டடங்கள் கட்டி முடிக்கப்படும்.

பி7, பி37, ஏ320 ஆகிய 150 முதல் 190 இருக்கைகள் கொண்ட விமானமும், கியூ400, ஏடிஆர் 72 என்ற 60 முதல் 70 இருக்கைகள் கொண்ட விமானமும் காரைக்கால் நிலையத்தில் இருந்து இயக்க முடியும். தவிர, ஐ.எல்.76 டிடி90 என்ற கார்கோ விமானமும் இயக்க முடியும் என்றார் சௌத்திரி.

விரைவில் செயல்பாட்டுக்கு வந்தால் காரைக்காலை சுற்றி இருக்கும் வழிபட்டு தலகலும் மேலும் வெளிநாட்டு சென்று வருபவர்களும் பயன் அடைவார்கள் .மத்திய அரசும் புதுவை அரசும் விரைந்து செயல்படவேண்டும் என்பது மக்களின் ஆவல் ! செயல்படுமா ?
 

Kodikkalpalayam Nikkah -பள்ளிவாசல் சான்றிதழ்களை திருமணப் பதிவாக ஏற்று பாஸ்போர்ட் வழங்க வேண்டும் நாடாளுமன்றத்தில் எம்.அப்துல் ரஹ்மான் எம்.பி. வலியுறுத்தல்

பள்ளிவாசல், கோவில், தேவாலயங்களின் சான்றிதழ்களை திருமணப் பதிவாக ஏற்று பாஸ்போர்ட் வழங்க வேண்டும் நாடாளுமன்றத்தில் எம்.அப்துல் ரஹ்மான் எம்.பி. வலியுறுத்தல்

 

புது...டெல்லி, டிச.18-

 

பள்ளிவாசல், கோவில், தேவாலயங்களில் நடை பெறும் திருமணங்களின் பதிவுச் சான்றுகளை ஏற்று பாஸ்போர்ட் வழங்க விதி களை தளர்த்தி ஆணை பிறப்பிக்க வேண்டும் என எம். அப்துல் ரஹ்மான் எம்.பி. கோரிக்கை விடுத்துள்ளார். உச்சநீதிமன்றம் மத்திய -மாநில அரசுகளுக்கு வலியுறுத் தியவாறு சில மாநிலங்களில் திருமணப் பதிவு கட்டாயமாக் கப்பட்டுள்ளது.

 

இதனால் தமிழ் நாடு உள்ளிட்ட பல மாநிலங் களில் பாஸ்போர்ட் பெறுவதில் நடைமுறைச் சிக்கல் ஏற்பட்டு லட்சக்கணக்கானவர்கள் பாஸ்போர்ட் பெற முடியாதவாறு பாதிக்கப்பட்டு வருகின்றனர். காயிதெ மில்லத் பேரவை சர்வதேச ஒருங்கிணைப்பாளர் எம். அப்துல் ரஹ்மான் எம்.பி., மத்திய வெளியுறவுத் துறை அமைச்சகத்திற்கு இது தொடர் பாக பல முறை முயற்சி மேற் கொண்டு வலியுறுத்தி வந்துள் ளார்.

 

இதனைத் தொடர்ந்து மத்திய வெளியுறவுத் துறை இணையமைச்சர் இ. அஹமது சாஹிப் வெளியுறவுத் துறையின் பாஸ்போர்ட் பிரிவு உயர் அதி காரிகளை அழைத்து பேச்சு வார்த்தை நடத்தி உத்தர வுகள் பிறப்பித்தும் இன்னமும் அதற்கு தீர்வு காணப்படவில்லை. தமிழ்நாடு உள்ளிட்ட பல மாநிலங்களில் பாஸ்போர்ட் கேட்டு விண்ணப்பிக்கும் போது பாரம்பரிய அடிப்படையில் உள்ளூர் திருமண சான்றிதழ் களை இணைத்திருந்தாலும், திருமணப்பதிவாக சார்பதிவா ளர் அலுவலக சான்றையே கேட் கின்றனர். இல்லையேல், பாஸ் போர்ட் வழங்காமல் விண்ணப் பத்தை நிராகரித்து விடுகின்ற னர். இப்பிரச்சினையை நேற்று (டிசம்பர் 17) நாடாளுமன்ற மக்களவையில் எம்.அப்துல் ரஹ்மான் எம்.பி., எழுப்பினார்.

 

விதி எண். 377-ன் கீழ் அவர் முன்வைத்த கோரிக்கை வருமாறு-திருமண கட்டாய பதிவுச் சட்டம் உச்சநீதிமன்ற வழிகாட்டுதல் அடிப்படையில், தமிழகத்தில் 2009-ஆம் ஆண்டு திருமண கட்டாய பதிவுச் சட்டம் கொண்டு வரப்பட்டது.ஆனால், மக்கள் மத்தியில் இச் சட்டம் பற்றிய போதிய விழிப்புணர்வு இன்னமும் ஏற்படவில்லை. இதனால் இச் சட்டத்தின் கீழ் திருமணத்தைப் பதிவு செய்யாதோர் மீது அரசு நடவடிக்கை ஏதும் எடுப்ப தில்லை. வெளிநாடுகளுக்குச் செல்வதற்காக பாஸ்போர்ட் கேட்டு பொது மக்கள் விண் ணப்பிக்கும் போது இந்த சட்டத்தை சுட்டிக்காட்டி பெரும் சிக்கலை பாஸ்போர்ட் அதிகாரி கள் ஏற்படுத்தி வருகின்றனர். இதனால் ஏராளமான பொது மக்கள் பாதிக்கப்பட்டு வருகின் றனர்.

 

இதுபோன்று புதிய பாஸ்போர்ட் கோரியோ அல்லது தங்களது பாஸ்போர்ட்டை புதுப்பிக்கவோ விரும்பி விண் ணப்பிப்போர், தங்களின் தொடர்புடைய கோயில்கள், மஸ்ஜித்கள், தேவாலயங்கள் ஆகியவற்றின் உள்ளூர் நிர்வா கத்திடமிருந்து பெறப்பட்ட பாரம்பரிய திருமணச் சான்றி தழை விண்ணப்பத்துடன் இணைத்திருந்தாலும், சார்பதிவாளரிடமிருந்து சான் றிதழ் பெறப்படவில்லை எனக் காரணம் கூறி விண்ணப்பத்தை சம்பந்தப்பட்ட பாஸ்போர்ட் அலுவலகத்தினர் நிராகரித்து விடுகின்றனர்.பாஸ்போர்ட் அதிகாரிகளின் நிர்பந்தத்தின் பேரில் சார்பதி வாளர் அலுவலகங்களில் திரு மணங்களை பதிவு செய்ய முன் வருகின்றபோது, திருமணமாகி 90 நாட்களுக்குள் மட்டுமே பதிவு செய்ய முடியும். இல்லையேல் பதிவு செய்ய முடியாது என கூறி விடுகின்றனர்.

 

தமிழகம் உள்ளிட்ட சில மாநிலங்களில் சார்பதிவாளர் அலுவலகங்களில் பதிவு செய்யாமல் பாரம்பரிய நடை முறைப்படி திரும ணங்கள் செய் துள்ளோர் புதிய பாஸ்போர்ட் பெற விண்ணப்பிக்கும்போது இதுபோன்ற சிரமத்தை எதிர்கொண்டு வருகின்றனர்.திருமண கட்டாய பதிவுச் சட்டத்தை மாநில அரசே தண்டனைக்குரிய குற்றமாக கருதாமல் இருக்கும்போது , பாஸ்போர்ட் விண்ணப்பங்களை நிராகரிப்பதன் மூலம் பாஸ் போர்ட் நிர்வாகத்தால் தாங்கள் தண்டிக்கப்படுவதாக மக்கள் கருதுகின்றனர்.

 

எனவே, நடைமுறை சாத்திய மாக தமிழ்நாட்டில் அனைத்து சமூகத்தினரிடமிருந்தும் இருந்து வரக்கூடிய வழக்கமான மஸ்ஜித், கோயில், தேவாலயங் களில் நடைபெறும் திருமணங் களில் அந்தந்த நிர்வாகங்கள் தரக்கூடிய திருமண பதிவுச் சான்றை ஆதாரமாக கொண்டு பாஸ்போர்ட் வழங்க வேண்டும். அல்லது பாஸ்போர்ட் விதி முறைகளில் ஒன்றான கணவன் - மனைவி புகைப்படம் ஒட்டப் பட்ட உறுதி மொழி பத்திரத்தை (அபிடவிட்) ஏற்று பாஸ்போர்ட் வழங்க வேண்டும். திருமண சான்று பிரச் சினையால் பாஸ்போர்ட் கிடைக் காமல் பாதிக்கப்படுகின்றோர் எண்ணிக்கை பெருமளவில் உயர்ந்து கொண்டிருக்கும் சூழ் நிலையை கருத்தில் கொண்டு அரசு இனியும் காலம் தாழ்த்தா மல் பாஸ்போர்ட் வழங்கும் நட வடிக்கைகளில் விதிமுறை களை தளர்த்தி இதுதொடர்பாக உரிய உத்தரவை விரைந்து பிறப்பிக்க மத்திய வெளியுறவு விவாகரங்களுக்கான அமைச் சகத்தை வேண்டுகிறேன். இவ்வாறு எம்.அப்துல் ரஹ்மான் எம்.பி. கூறினார்.

சமையல் எரிவாயு மானியத்தை வங்கி கணக்கில் பெறும் வழிமுறை :

1.முதலில் தமது வங்கி கணக்கில் ஆதார் எண்ணை இணைக்க வங்கிக்கு செல்ல வேண்டும்
2.பின்னர் கேஸ் விநியோகஸ்ரரிடம் சென்று ஆதார் எண்ணை அளிக்க வேண்டும்

ஆதார் வராமல் அல்லது எடுக்காதவர் நிலை என்ன ? கேஸ் நுகர்வோர் வெளிநாட்டில் இருந்தால் நிலை என்ன ? குழப்பம் இல்லாமல் இல்லை அரசு தெளிவு படுத்த வேண்டும் செய்வார்களா?

இந்த ஆண்டும் ஸ்மார்ட் கார்டு இல்லை... உள்தாள்தான்: தமிழக அரசு உத்தரவு

சென்னை: ரேசன் கார்டில் 2014ம் ஆண்டிற்கும் உள்தாளின் மூலம் பொருட்களை பெற்றுக்கொள்ளலாம் என தமிழக அரசு அறிவித்துள்ளது.உணவு துறை அமைச்சர் காமராஜ் வெள்ளிக்கிழமை அதிகாரிகளுடன...் நடந்த கலந்தாய்வு கூட்டத்தில் பேசியதாவது:

31.12.2013 அன்றுடன் முடிவடைய உள்ள புழக்கத்தில் உள்ள ரேஷன் கார்டுகளின் செல்லத்தக்க காலத்தை 1.1.2014 முதல் 31.12.2014 வரை மேலும் ஒரு ஆண்டுக்கு நீடித்து முதல் அமைச்சர் ஜெயலலிதா உத்தரவிட்டுள்ளார் என்றார்.2014ம் ஆண்டிற்கு ஏற்கனவே உள்தாள் ஒட்டப் பட்டுள்ளதால் இதனையே பயன்படுத்தி ரேஷன் கடைகளில் பொருட்களை பெற்றுக்கொள்ளலாம் என்றும் தெரிவித்தார்.

9 ஆண்டுகளாக பயன்பாட்டில் இருக்கும் ரேஷன் அட்டை பலரிடம் கிழிந்து கந்தலாகிவிட்டது. வரும் ஆண்டிலாவது புதிய அட்டை கிடைக்கும் என்று எண்ணியிருந்த மக்களுக்கு தமிழக அரசின் அறிவிப்பு அதிருப்தியை ஏற்படுத்தியுள்ளது.

கடந்த 2012-ல் ஸ்மார்ட் ரேஷன் அட்டை வழங்கப்படும் என அறிவிக்கப்பட்டு இதுவரை அதற்கான எந்த பணியும் தொடங்கப்படாமலே உள்ளது. ஸ்மார்ட் அட்டை கிடைக்கும் என்ற மக்களின் எதிர்பார்ப்பு கண்டுகொள்ளப்படாமலே உள்ளது.

2014 நாடாளுமன்ற தேர்தலை எதிர் நோக்கி

5 மாநில தேர்தல் முடித்து வரும் 2014 ஏப்ரல் -மேயில் நடைபெற உள்ள நாடாளுமன்ற தேர்தலை எதிர் நோக்கி மக்களை மீடியாக்கள் கொண்டு செல்ல தயார் ஆகி வருகிறார்கள் .

 

 

அதை விட பிஜேபி -காங்கிரஸ் கட்சிகள் தங்கள் தேர்தல்அறிக்கைகளை பொது மக்கள் நேரடியாக பங்குகொள...்ள தங்களின் இணைய தளங்களின் வாய்ப்புகள் வழங்கப்பட்டு உள்ளன .

 

இதை பயன்படுத்தி இந்த கட்சிகளில் ஒருவர் 2014 ஆட்சி அமைக்க வாய்ப்பு உள்ளதால் உங்கள் எண்ணங்களை தெரிவிக்காலமே உங்கள் பார்வைக்கு இந்த தளங்களின் சென்றால்...

 

http://www.bjp.org/,

 

 

 http://aicc.org.in/.

கேஸ் வாடிக்கையாளர்கள் கவனத்திற்கு இந்திய அரசு அறிவிப்பு

 வரும் 2014 ஜனவரி 1 முதல் திருவாரூர் மாவட்டத்தில் மார்க்கெட் விலையில் கேஸ் கிடைக்கும் என்றும் மானிய விலையில் வாங்க ஆதார் அட்டை எண்ணை கொடுத்து அதனை வங்கி கணக்கு எண்ணுடன் இணைக்க வேண்...டும் என்பது அறிவிப்பு .

மார்க்கெட் விலை என்றால் ரூபாய் 1100 வரை இருக்குமே அதனை சாதாரணமான ஏழை நடுத்தர மக்களால் வாங்கமுடியுமா அதைவிட வங்கியில் எப்போது மானிய தொகை வரும் எண்பதும் கேள்விகுறி .

ஆதார் அட்டை கட்டாயம் இல்லை என்று உச்ச நீதி மன்றம் தீர்ப்பு சொல்லி இருக்கும் இவ்வேளையில் ஆதார் எண் இல்லாமல் இருக்கும் மக்கள் நிலை என்ன ?

பாவம் மக்கள் எப்படி எதிர்கொள்ள போகிறார்கள் ?

பல கோடி மோசடி வழக்கில் தேடப்பட்ட ஆசிரியர் பிடிபட்டார்

நாகையில்

பல கோடி மோசடி வழக்கில் தேடப்பட்ட ஆசிரியர் பிடிபட்டார்

பாதிக்கப்பட்டவர்கள் போலீஸ் நிலையம் முன்பு திரண்டதால் பரபரப்பு

திருவாரூர், டிச.4-

நாகையில் பல கோடி மோசடி வழக்கில் தேடப்பட்ட ஆசிரியரை போலீசார் பிடித்தனர். பாதிக்கப்பட்டவர்கள் திருவாரூர் போலீஸ் நிலையம் முன்பு திரண்டதால் அங்கு பரபரப்பு ஏற்பட்டது.

இதுபற்றி போலீசார் தரப்பில் கூறப்படுவதாவது:-

ஆசிரியர்

நாகை மாவட்டம் ஏனங்குடி கேதாரிமங்கலம் பள்ளிவாசல் தெருவை சேர்ந்தவர் தாவூத்கான் மகன் அக்பர்அலி(வயது34). இவர் ஏனங்குடி பள்ளியில் ஆசிரியராக பணியாற்றி வந்தார். இவர் ஒரு நிறுவனம் ஒன்றை தொடங்கி அதில் பணம் கட்டுபவர்களுக்கு இணையதளம் மூலமாக பணத்தை இரட்டிப்பு செய்து தருவதாகவும், அந்த பணத்திற்கு அதிக வட்டி தருவதாகவும் கூறி இருந்தார். இதை நம்பி கேதாரிமங்கலம், ஏனங்குடி உள்ளிட்ட சுற்றுவட்டார பகுதிகளை சேர்ந்த 500-க்கும் மேற்பட்டவர்கள் அவரிடம் பணம் கட்டி இருந்தனர். இந்த நிலையில் பணம் கட்டியவர்களுக்கு அவர் பணத்தை இரட்டிப்பு செய்து கொடுக்கவில்லை, பணத்துக்கான வட்டியும் கொடுக்கவில்லை. இதுதொடர்பாக அவரிடம் பணம் கொடுத்தவர்கள் கேட்டனர். ஆனால் பணத்தை கொடுக்காமல் அக்பர்அலி தலைமறைவாகி விட்டார். அவர் ஆசிரியராக வேலை பார்த்த பள்ளியில் பாதிக்கப்பட்டவர்கள் விசாரித்தபோது அவர் வேலைக்கும் செல்லவில்லை என்பது தெரியவந்தது. இதையடுத்து பாதிக்கப்பட்டவர்கள் நாகை மாவட்ட குற்றப்பிரிவு போலீசாரிடம் புகார் அளித்தனர். அதன்பேரில் நாகை மாவட்ட குற்றப்பிரிவு போலீசார் வழக்குப்பதிவு செய்து விசாரித்து வந்தனர்.

கடத்த முயற்சி

இந்த நிலையில் அக்பர்அலியை நேற்று சிலர் காரில் கடத்தி செல்வதாக போலீசாருக்கு தகவல் கிடைத்தது. தகவலின்படி நாகை, திருவாரூர் பகுதிகளில் போலீசார் தீவிர தேடுதல் வேட்டையில் ஈடுபட்டிருந்தனர். அப்போது திருவாரூர் நோக்கி வாழவாய்க்கால் அருகே 2 கார்கள் வேகமாக சென்று கொண்டிருந்தன. அதை சுற்றிவளைத்து பிடித்த போலீசார், காரில் இருந்தவர்களிடம் விசாரித்தனர். இதில் அவர்கள் முன்னுக்குப்பின் முரணாக பேசியதை தொடர்ந்து போலீசார் அந்த கார்களில் இருந்த அனைவரையும் திருவாரூர் டவுன் போலீஸ் நிலையத்திற்கு கொண்டு சென்று விசாரித்தனர்.

ரூ.45 கோடி மோசடி?

விசாரணையில் அக்பர்அலியை, நாகூர்கனி, காதர்நிஜாமுதீன், முகமதுயூசப், முகமதுநஜீம், பஜ்ருதீன் உள்பட 7 பேர் கடத்தி செல்ல முயன்றதும், அந்த 7 பேரும் அக்பர்அலியிடம் பணம் கொடுத்து ஏமாந்தவர்கள் என்பதும் தெரியவந்தது. இதுதொடர்பாக போலீசார் தொடர்ந்து விசாரணை நடத்தி வருகிறார்கள். திருவாரூர் போலீசாரிடம் பிடிபட்ட அக்பர்அலி, நாகை மாவட்ட குற்றப்பிரிவு போலீசாரிடம் இன்று (புதன்கிழமை) ஒப்படைக்கப்படுகிறார். அவர் ரூ.45 கோடி மோசடி செய்ததாக பாதிக்கப்பட்டவர்கள் நாகை மாவட்ட குற்றப்பிரிவு போலீசாரிடம் புகார் தெரிவித்துள்ளனர். இதுதொடர்பாக நாகை மாவட்ட குற்றப்பிரிவு போலீசார் விசாரிக்க உள்ளனர்.

இந்த நிலையில் பணம் மோசடி செய்ததாக தேடப்பட்ட அக்பர்அலி பிடிபட்டது தொடர்பாக தகவல் கிடைத்ததை அடுத்து பாதிக்கப்பட்டவர்கள் திருவாரூர் டவுன் போலீஸ் நிலையம் முன்பு திரண்டதால் அங்கு பரபரப்பு ஏற்பட்டது
DAILYTHANTHI DATED 4/12/2013.

பருவமழை: தமிழகம் முழுவதும் இன்று மின்வெட்டு இல்லை

பருவமழை காரணமாக தமிழகத்தில் செவ்வாய்க்கிழமை (டிச.3) மின்வெட்டு அமல்படுத்தப்படவில்லை என மின்வாரிய அதிகாரிகள் தெரிவித்தனர்.
கடந்த 2 வாரங்களுக்குப் பிறகு தமிழகத்தில் மின் உற்பத்திக்கும், மின் தேவைக்கும் இடையே இடைவெளியில்லாமல் இருந்தது. எனவே, தமிழகத்தில் நகர்ப்புறங்களில் மட்டுமில்லாமல் கிராமப் பகுதிகளிலும் கூட செவ்வாய்க்கிழமை மின்வெட்டு செய்யப்படவில்லை என அதிகாரிகள் தெரிவித்தனர்.

பருவமழை பெய்யாதது, பராமரிப்புப் பணிகள் மற்றும் போதிய நிலக்கரி இல்லாதது போன்ற காரணங்களால் தமிழகத்தில் 2 ஆயிரம் மெகாவாட்டுக்கும் அதிகமாக மின் பற்றாக்குறை ஏற்பட்டது.
இதனால், நவம்பர் 2-வது வாரத்திலிருந்து சென்னையைத் தவிர பிற இடங்களில் 6 மணி நேரத்துக்கும் அதிகமாக மின்வெட்டு இருந்தது. இந்த நிலையில், மின்வெட்டைக் குறைப்பதற்காக சென்னையில் திங்கள்கிழமை (டிச.2) முதல் சுழற்சி முறையில் 2 மணி நேரம் மின்வெட்டு அமல்செய்யப்படும் என அறிவித்தது.

இந்த நிலையில், தமிழகம் முழுவதும் கடந்த 2 நாள்களாக பரவலாக மழை பெய்துவருவதால் மின் பயன்பாடு குறைந்தது. இதனால், கடந்த 2 நாள்களாகவே மின் நிலைமை மேம்பட்டுள்ளது.

சென்னையில் அறிவிக்கப்பட்ட மின்வெட்டு பல இடங்களில் திங்கள்கிழமை மேற்கொள்ளப்படவில்லை. ஆனால், செவ்வாய்க்கிழமை மின்வெட்டு செய்ய வேண்டிய அவசியமே எழவில்லை என அதிகாரிகள் தெரிவித்தனர்.

இது தொடர்பாக, அவர்கள் மேலும் கூறியது:
மின்வெட்டு இல்லாத நிலைமைக்கு பருவமழையே முக்கிய காரணம். மழை நீடித்தால் மின்வெட்டு இருக்காது.
அதோடு, வல்லூர், வடசென்னை, மேட்டூர் ஆகிய இடங்களில் புதிதாகத் தொடங்கப்பட்டுள்ள 4 யூனிட்டுகளிலும் மின் உற்பத்தி நன்றாக உள்ளது. இந்த யூனிட்டுகளில் மட்டும் 1,350 மெகாவாட் மின்சாரம் செவ்வாய்க்கிழமை உற்பத்தி செய்யப்பட்டது.

இதனால், மின் உற்பத்தி 10 ஆயிரம் மெகாவாட்டுக்கும் அதிகமாக உயர்ந்துள்ளது. வடசென்னை இரண்டாவது ஸ்டேஜில் உள்ள 2-வது யூனிட்டில் கிறிஸ்துமஸýக்குப் பிறகு மின் உற்பத்தி மீண்டும் தொடங்கப்படும் என எதிர்பார்க்கப்படுகிறது.

கூடங்குளம் அணு மின் நிலையத்தில் முதலாவது உலையில் பராமரிப்புப் பணிகள் காரணமாக மின் உற்பத்தி திங்கள்கிழமை நிறுத்தப்பட்டுள்ளது. இந்த இரண்டு யூனிட்டுகளிலும் மின் உற்பத்தி மீண்டும் தொடங்கினால் தமிழகத்தின் மின் பற்றாக்குறையை வெகுவாகக் குறையும் என அவர்கள் தெரிவித்தனர்

கொடிநகர் ஜனாசா 28/11/2013

நமதூர் தெற்கு தெரு சூபி வீட்டு அப்துல் மஜீத் அவர்களின் மகனார் நூருல் அமீனின் கைக்குழந்தை நடு கொத்த தெருவில் மௌத் .

ஜனாசா நல்லடக்கம் அசார் தொழுகைக்கு பிறகு மாலை 4:45 மணிக்கு    

மேலதெரு பள்ளிவாசல்



இன்னாலில்லாஹி வ இன்னா இலைஹி ராஜிவூன்

நகரசபை கூட்டத்தில் கோரிக்கை

திருவாரூரில்

கோமாரி நோயை கட்டுப்படுத்த நடவடிக்கை எடுக்க வேண்டும்

நகரசபை கூட்டத்தில் கோரிக்கை

திருவாரூர், நவ.26-

திருவாரூரில் கோமாரி நோயை கட்டுப்படுத்த நடவடிக்கை எடுக்க வேண்டும் என்று நகர சபை கூட்டத்தில் கோரிக்கை விடுக்கப்பட்டது.

நகரசபை கூட்டம்

திருவாரூர் நகராட்சி கூட் டம் நடந்தது. கூட்டத்திற்கு நகர சபை தலைவர் ரவிச்சந் திரன் தலைமை தாங்கினார். துணைத்தலைவர் செந்தில், நகராட்சி ஆணையர் தர்ம லிங்கம் ஆகியோர் முன்னிலை வகித்தனர்.

கூட்டத்தில் நகர சபை உறுப்பினர்களிடையே நடந்த விவாதம் வருமாறு:-

ஜாகீர்உசேன்(காங்கிரஸ்):-

கொடிக்கால்பாளையம் பள்ளிக்கூடம், அங்கன்வாடி கட்டிடம் கட்டுவதற்கு டெண் டர் விடப்பட்டும் பணிகளை தொடங்கவில்லை.

ஆர்.டி.மூர்த்தி (அ.தி. மு.க.):- திருவாரூர் நகரில் கொசு தொல்லை அதிகமாக உள்ளது. அதற்கு அனைத்து வார்டு களிலும் கொசு மருந்து அடிக்க வேண்டும்.

மடப்புரம் சம்பத் (காங்கி ரஸ்):- திருவாரூர் பேட்டையில் குடியிருக்கும் துப்பரவு பணி யார்களுக்கு கழிவறை வசதி ஏற்படுத்த வேண்டும்.

கோமாரி நோய்

செந்தில் (துணைத்தலை வர்):- நாய் தொல்லை அதிக மாக உள்ளது. வெறி நாயால் பாதிப்பு ஏற்படுவதற்கு முன் பாக நகராட்சி நிர்வாகம் உரிய நடவடிக்கை எடுக்க வேண் டும்.

ஜமால்முகமது(தி.மு.க.):-

கோமாரி நோயால் மாடுகள் பாதிக்கபட்டு வருகின்றன. கோமாரி நோயை கட்டுப் படுத்த உரிய நடவடிக்கைகளை எடுக்க வேண்டும்.

வரதராஜன்(சுயேச்சை):- ராமநாதன் நகரில் சாலை மிகவும் பழதடைந்து உள்ளது. இதை சீரமைக்க நடவடிக்கை எடுக்க வேண்டும்.

அசோகன் (தி.மு.க.):- கிடாரங்கொண்டான் பை-பாஸ் சாலையை மேடு, பள்ளங்கள் இன்றி சீரமைக்க வேண்டும். திருவாரூர் பகுதிகளில் மழை வெள்ளம் வடிந்தோடும் வகையில் வடிக்கால்களை சீரமைக்க நடவடிக்கை எடுக்க வேண் டும்.

ரவிச்சந்திரன் (தலைவர்):-

திருவாரூர் நகரில் 15 நாட் களில் ஆக்கிரமிப்புகள் அகற் றப்படும். உறுப்பினர் களின் கோரிக்கைகள் அனைத்தை யும் நிறைவேற்ற நட வடிக்கை எடுக்கப்படும்.

இவ்வாறு விவாதம் நடந்தது.

Kodikkalpalayam - பைத்துல் மால் அமைப்பது தொடர்பாக கூட்டம்

முஹையதீன் ஆண்டவர்கள் பள்ளிவாசல் மகாஸும் மகாலில் பைத்துல் மால் அமைப்பது தொடர்பாக கூட்டம் ஜமாஅத் தலைவர் ரபியுதீன் தலைமையில் 24/11/2013 அன்று நடைபெற்றது ,இதில் பள்ளிவாசல் இமாம் அப்துல் நாசர் அவர்கள் துவக்க உரை ஆற்றினர்.தலைவராக பஜில் முஹம்மது அவர்களும் செயலாளராக முத்தார் ஹுசைன் அவர்களும் பொருளாளராக பஷீர் அஹமது ,ஹாஜா அலாவுதீன் அவர்களும் மற்றும் 15 நிருவாக குழு உறுப்பினர்களும் தேர்தேடுக்கபட்டனர்,இதில் பொது மக்கள் ஏரளமானவர்கள் கலந்து கொண்டார்கள்

பைக் மூலம் நீர் இறைக்கும் பம்ப் செட்!

மின்சாரத்தின் உதவியின்றி, 'பைக்' மூலம் நீர் இறைக்கும், 'பம்ப் செட்'டை உருவாக்கிய கல்லூரி மாணவன், ஷேக் அமினுதீன்: நான், நாகப்பட்டினத்தில் உள்ள, இ.ஜி.எஸ்., பொறியியல் கல்லூரி மாணவன். கடந்த சில ஆண்டுகளாக, பருவ மழை இல்லாததால், விவசாயிகள் கிணற்றுப் பாசனத்திற்கு மாறினர். ஆனால், கடுமையான மின்வெட்டு காரணமாக, சரிவர நீர் இறைக்க முடியாமல் பயிர்கள் கருகியதால், பல ஏழை விவசாயிகளின் வாழ்வாதாரம் கடுமையாக பாதித்தது.ஓரளவு வசதியுள்ள விவசாயிகள், டீசல் மோட்டார் மூலம் நீர் இறைத்து, விவசாயம் செய்து வரும் நிலையில், டீசலின் விலையும் அதிகரித்ததால், இப்பிரச்னைக்கு தீ்ர்வு காண முயற்சித்தேன். இதன் பயனாக, மின்சார மோட்டாருக்கு மாற்றாக, இருசக்கர மோட்டார் சைக்கிள் உதவியுடன், நீர் இறைக்கும் பம்ப் செட்டை, நண்பர்கள் உதவியுடன் கண்டுபிடித்தேன்.நீர் இறைக்க வேண்டிய இடத்தில், பைக்குடன், பம்ப் செட்டையும் இணைத்தால், 40 முதல், 50 அடி ஆழத்தில் உள்ள தண்ணீரை இறைக்கலாம். 10 நிமிடத்திலேயே பைக்கையும், பம்ப் செட்டையும் எளிதில் இணைக்கும் வகையில் உருவாக்கியுள்ளதால், கூடுதல் இணைப்பை கழற்றி, மாட்டுவதில் பிரச்னை இருக்காது.பைக்கில் உள்ள, 'செயின் ஸ்பிராக்கெட்'டுடன் கூடுதலாக மற்றொரு செயின் ஸ்பிராக்கெட் இணைக்கப்பட்டுள்ளதால், பைக்கை இயக்குவதில் எவ்வித சிக்கலும் இருக்காது. மேலும், குறைந்த சுழற்சியில் அதிக அளவு தண்ணீரை இறைக்கும் வகையில், பம்ப் ஒன்றும் இணைக்கப்பட்டுள்ளது.இந்த பம்ப்பை, மாற்றம் செய்யப்பட்ட பைக்குடன் இணைத்து, பைக்கை ஸ்டார்ட் செய்தால், பம்ப் செட் நீர் இறைக்க துவங்கும். இந்த பம்ப் செட்டின் மொத்த எடை, 10 கிலோ என்பதால், எளிதில் எங்கும் தூக்கி செல்லலாம். 1 லிட்டர் பெட்ரோல் மூலம், 2 மணி நேரத்தில், 72 ஆயிரம் லிட்டர் தண்ணீரை இறைக்கலாம். ஆனால், டீசல் மோட்டரில், 2 மணி நேரத்தில், 60 ஆயிரம் லிட்டர் தண்ணீரை மட்டுமே இறைக்க முடியும். இக்கண்டுபிடிப்பின் மூலம் விவசாயிகள் தாங்கள் ஓட்டும் பைக்கை இனி, 'டூ இன் ஒன்னாக' பயன்படுத்தலாம். தொடர்புக்கு: 98943 54438

கொடிநகர் ஜனாசா அறிவிப்பு –23/11/2013

நமதூர் வடக்குத்தெரு மு அப்துல் வாஹிது அவர்களின் மனைவியும் AMS கேப்ஸ் முஹம்மது ஷாஜஹான் அவர்களின் தாயாருமான முத்தாச்சி என்கிற பாத்தமுத்து ஜொகாரன் அவர்கள் மௌத் .

இன்னாலில்லாஹி வஇன்னா இலைஹி ராஜிவூன்.

அன்னாரின்  ஜனாஸா  கொடிக்கால்பாளையம் முஹையதீன் ஆண்டவர்கள் பள்ளிவாசல் அடக்கஸ்தலத்தில் நல்லடக்கம் செய்யப்படுகிறது

நமதூர் உள்ளூர் மற்றும் வெளிநாட்டு வாழ் அன்பர்கள் கவனத்திற்கு ..

...

இன்ஷா அல்லாஹ் வரும் 24/11/2013 அன்று பைத்துல் மால் அமைக்க சிறப்பு கூட்டம் நடைபெற உள்ளது .தங்களின் வருகையை உறுதி செய்து ஜாகத், சதக்க மற்றும் நன்கொடைகளை அளிக்குமாறு கேட்டு கொள்கிறோம் .

அப்துல் கலாம் மருத்துவமனையில் அனுமதிக்கப்பட்டார்

முன்னாள் இந்திய ஜனாதிபதி அப்துல் கலாம் உடல் நலக் குறைவு காரணமாக புது டெல்லியில் உள்ள இராணுவ மருத்துவமனயில் அனுமதிக்கப்பட்டுள்ளார்

அன்புடன் வரவேற்கிறது

நமதூரில் இருந்து இந்த ஆண்டு தமிழ் நாடு ஹஜ் கமிட்டி மூலமாக ஹஜ் பயணம் சென்ற புனித பயணிகள் இன்ஷாஅல்லாஹ் 13/11/2013 அன்று தாயகம் திரும்புகிறார்கள் . தங்களின் இறுதி கடமையை நிறைவேற்றி விட்டு வரும் ஹாஜிகளை அன்புடன் வரவேற்கிறது கொடிநகர் டைம்ஸ் ...

தமிழக அரசு அறிவிப்பு

 முஹர்ரம் 10 ம் நாள் வரும் வெள்ளிக்கிழமை 15/11/2013 அன்று விடுமுறை யாக மற்ற பட்டுள்ளது .முன்னர் வியாழன் 14/11/2013 விடுமுறையாக இருந்தது

கொடிநகர் ஜனாசா அறிவிப்பு 12/11/2013.

                              நமதூர் கணக்குபிள்ளை வீட்டு மர்ஹும் இஷாக் அவர்களின் மகனாரும் குத்புதீன் ,நஜுபுதீன், சர்புதீன் இவர்களின் தகப்பனாரும் ,  நமதுரின் சிறப்புகளை சொல்லும் ' சிரார் கொடிநகர்' நூலின் ஆசிரியரும் , நமதுரின் முதல் வணிகவியல் பட்டதாரியுமான இ . இலியாஸ் அவர்கள்  புதுமனைத்தெருவில் மௌத் .                                                                                   

இன்னாலில்லாஹி வ இன்னா இலைஹி ராஜி ஊன்.                                        

அன்னாரின் ஜனாசா 12/11/2013 செவ்வாய்கிழமை முற்பகல் 11:30 மணிக்கு நமதூர் முஹையதீன் ஆண்டவர்கள் பள்ளிவாசல் அடக்கதலத்தில் நல்லடக்கம் செய்யப்படும்

http://www.youtube.com/watch?v=RKwuLJH20DM&feature=youtu.be

Kodikkalpalayam - முஹையதீன் ஆண்டவர்கள் பள்ளிவாசல் ஹஜ் பெருநாள் தொழுகை படங்கள்

Kodikkalpalayam - குர்பானி கொடுக்கும் நமதூர் வாசிகளுக்கு ஓர் அறிவிப்பு

ஹஜ் பெருநாள் தொழுகை

ஹஜ் பெருநாள் தொழுகை இன்ஷா அல்லாஹ் வரும் புதன் கிழமை 16/10/2013 காலை 8:30 மணிக்கு நமது முஹையதீன் ஆண்டவர்கள் பள்ளிவாசல் மற்றும் மேலதெரு ஜாமியுள் மஸ்ஜித் பள்ளிவாசலில் நடைபெறும் . வழக்கம் போல் பெண்களுக்கு தனி இடவசதி செய்யப்பட்டு உள்ளது

 

Kodikkalpalayam - திருவாரூர் நகராட்சியை கண்டித்து மனிதநேய மக்கள் கட்சி சார்பாக மாபெரும் கண்டன ஆர்ப்பாட்டம்

துல் ஹஜ் பிறை 1

வெளி நாடுகளில் இன்று முதல் துவக்குகிறது .
இன்ஷா அல்லாஹ் நாளை 7/10/2013 திங்கள் நமதூரில் துவக்கலாம்

நமதூர் ரேஷன் கடையில் பொருள்களை கால தாமதம்

ரேஷன் கடையில் மாதம் முதல் 6 தேதி ஆகியும் பொருள்கள் வரவில்லை .மக்கள் தினமும் வந்து செல்கிறார்கள் .நகர பகுதியில் இது போல நிலை வேறு எங்கும் இருப்பதாக தெரியவில்லை .இதைபோல நிலைதான் கடந்த மாதமும் நடந்தது

இதை சரிசெய்ய  நமதூர் ரேஷன் கடையில் பொருள்களை கால தாமதம் இல்லாமல் வழங்கவேண்டும் என்பதே எங்கள் மக்களின்   வேண்டுகோள்.

 இதை சரிசெய்ய மாவட்ட ஆட்சியர் நடவடிக்கை எடுப்பாரா ?

Kodikkalpalayam - ஜமாஅத் மஹஜன சபை கூட்டம்

நமதூர் முஹையதீன் ஆண்டவர்கள் பள்ளிவாசல் ஊர் உறவின் முறை ஜமாஅத் மஹஜன சபை கூட்டம் தலைவர் ரபியுதீன் தலைமையில் 06/10/2013 அன்று மஹசூம் மஹாலில் நடைபெற்றது.

இதில் பள்ளிவாசல் பைத்துல் மால் துவக்குவது சம்பந்தமாக ஒப்புதல் அளிப்பது என்றும் அதற்கு தனியாக குழு அமைப்பது என்றும் தீர்மானிக்கபட்டது .

பள்ளிகேணி குளத்தை சுற்றி களைகளை அகற்றி கடைதெரு படித்துறைக்கு கேட் அமைத்து இரவு நேரங்கில் பூட்டுவது எனவும் புதிய ஜமாஅத் உறுப்பினராக 4 விண்ணப்பதை ஏற்று ஒப்புதல் அமைப்பது என்றும் மீன் மறு ஏலம் குத்தகை விடப்பட்டது.

இதில் கலந்து கொண்டவர்களுக்கு குர்பானி விளக்க துண்டு பிரசகம் வழங்கப்பட்டது .

வாக்காளர் பட்டியல் முகாம்

வாக்காளர் பட்டியல் முகாம்  6/10/2013 இன்று  நடைபெற்ற போது நகர மன்ற தலைவர் ரவிச்சந்திரன், நகர அ தி மு க செயலாளர் மூர்த்தி  துவக்க ப்பள்ளி  வாக்குசாவடியில் பார்வை இட்டார்.உடன் முஹம்மது கஜ்ஜாலி ex mc இருந்தார் 

வரும் 2014 நாடாளுமன்ற தேர்தல் முன்னிட்டு வாக்காளர் வரைவு பட்டியல் வெளியீடு

 

திருவாரூர்  மாவட்டத்தில் 4 தொகுதிகளுக்கான புதிய வரைவு வாக்காளர் பட்டியல் 1/10/2013 செவ்வாய்க்கிழமை வெளியிடப்பட்டது.

திருவாரூர் மாவட்டத்தில் 8,92,785 வாக்காளர்கள் உள்ளனர் என்றார் ஆட்சியர் சி. நடராசன்.

திருவாரூரில் செவ்வாய்க்கிழமை திருவாரூர், திருத்துறைப்பூண்டி, மன்னார்குடி, நன் னிலம் சடட்ப்பேரவைத் தொகுதிக்குள்பட்ட வரைவு வாக்காளர் பட்டியலை வெளியிட்டு, அவர் மேலும் பேசியது:

2013, ஜனவரி 10-ம் தேதி வெளியிடப்பட்ட வாக்காளர் பட்டியல்படி மாவட்டத்தில், 4,48 ,920 ஆண் வாக்காளர்கள், 4,42,764 பெண் வாக்காளர்கள், 7 திருநங்கை வாக்காளர்கள் என மொத்தம் 8,91,691 வாக்காளர்கள் இருந்தனர். பின்னர் நடைபெற்ற வாக்காளர் பட்டியல் திருத்தப்பணியில் 2,950 ஆண், 2,148 பெண் வாக்காளர்கள் என 5,098 வாக்காளர்கள் புதிதாக சேர்க்கப்பட்டனர்.

1,511 ஆண், 2,493 பெண் என 4,004 வாக்காளர்களின் பெயர் வாக்காளர் பட்டியலில் இருந்து நீக்கம் செய்யப்பட்டது. தற்போது வெளியிடப்பட்டுள்ள வரைவு வாக்காளர் பட்டியலின்படி திருவாரூர் மாவட்டத்தில் 8,92,785 வாக்காளர்கள் உள்ளனர். இதில் திருத்துறைப்பூண்டி தொகுதியில் 2,07,299, மன்னார்குடி தொகுதியில் 2,19,679, திருவாரூர் தொகுதியில் 2,29,133, நன்னிலம் 2,36,674 என மொத்தம் 8,92,785 வாக்கா ளர்கள் பட்டியலில் இடம்பெற்றுள்ளனர். பட்டியலில் 18 வயது முதல் 19 வயதுடைய 5,938 பேரும், 20 வயது முதல் 24 வயதுடைய 68,504 பேரும் இடம் பெற்றுள்ளனர்.

நிகழ்ச்சியில் அங்கீகரிக்கப்பட்ட அனைத்து அரசியல் கட்சி பிரதிநிதிகள், மாவட்ட வருவாய் அலுவலர் பு. மணிமாறன், ஆட்சியரின் நேர்முக உதவியாளர் எஸ்.மாலா, தேர்தல் பிரிவு வட்டாட்சியர் காமராஜ் உள்ளிட்டோர் பங்கேற்றனர்

 

செய்தி

Kodikkalpalayam - பொது விநியோக அங்காடிகளிலும் நுகர்வோர் விழிப்புணர்வு பொதுத்தகவல் பலகை

திருவாரூர் மாவட்டத்தில் செயல்பட்டுவரும் 695 பொது விநியோக அங்காடிகளிலும் நுகர்வோர் விழிப்புணர்வு பொதுத்தகவல் பலகை பொருத்தப்பட உள்ளது என்று மாவட்ட கலெக்டர் கூறினார்.

விழிப்புணர்வு பொதுத்தகவல் பலகை

திருவாரூர் அருகே எண்கண் ஊராட்சியில் உள்ள கூட்டுறவு நியாய விலை அங்காடியில் நுகர்வோர் விழிப்புணர்வு பெறுவதற்காக தமிழக அரசினால் அமைக்கப்பட்டுள்ள பொதுத்தகவல் பலகை பொருத்தும் நிகழ்ச்சி நடைபெற்றது. நிகழ்ச்சியில் மாவட்ட மாவட்ட கலெக்டர் நடராசன் நுகர்வோர் விழிப்புணர்வு பொதுத்தகவல் பலகையை திறந்து வைத்து பேசினார். அப்போது அவர் கூறியதாவது:–

பொதுமக்கள் தாங்கள் வாங்கும் எந்த ஒரு பொருளுக்கும் தரம் மற்றும் சேவையில் ஏதேனும் குறைகள் தெரிய வந்தால் அதனை உடனடியாக மாவட்ட நிர்வாகத்தின் கவனத்திற்கும், அரசின் கவனத்திற்கும் கொண்டு செல்வதற்கான, விழிப்புணர்வு ஏற்படுத்த தமிழக அரசு உணவுப்பொருள் வழங்கல் மற்றும் நுகர்வோர் பாதுகாப்புத்துறையின் மூலம் அனைத்து கிராமங்களிலும் உள்ள பொதுவிநியோக அங்காடிகளில், தொடர்பு கொள்ள வேண்டிய தொலைபேசி எண்கள் குறித்த தகவல் பலகைகள் அமைத்திட அறிவுறுத்தியுள்ளது.

அதன் அடிப்படையில் இந்த தகவல் பலகையில் தேசிய நுகர்வோர் உதவி மையத்தின் கட்டணமில்லா தொலைபேசி சேவை எண், மாநில நுகர்வோர் உதவி மைய தொலைபேசி எண் மற்றும் மாவட்ட நுகர்வோர் குறைதீர்க்கும் மன்றத்தின் தொலைபேசி எண் ஆகியவை இடம் பெற்றுள்ளன. மேலும் நுகர்வோர் வாங்கும் பொருட்களின் சேவை குறைபாடு, தரம் குறைபாடு குறித்து குறுஞ்செய்தி அனுப்புவதற்கான எண்கள் குறித்தும் தெரிவிக்கப்பட்டுள்ளது.

எனவே பொதுமக்கள் தாங்கள் வாங்கும் எந்த ஒரு பொருளுக்கும் ரசீது பெற்று, தங்களுக்குள்ள நுகர்வோர் உரிமையை பெற வேண்டும். வாங்கிய் பொருட்களில் தரம் குறைவாகவோ, பெறும் சேவையில் குறைபாடுகளோ காணப்பட்டால் தகவல் பலகையில் தெரிவித்துள்ள எண்களை தொடர்பு கொண்டு பயன்பெறலாம்.

இவ்வாறு மாவட்ட கலெக்டர் நடராசன் கூறினார்.

Kodikkalpalayam -வேகத்தடை

கொடிக்கால்பாளையம் மத்லபுல் கைராத் தொடக்க ப்பள்ளி அருகே புதியதாக வேகத்தடை அமைக்கப்பட்டுள்ளது

இந்திய பல்கலைக்கழகங்களின் நிலை வேதனையளிக்கிறது: குடியரசுத் தலைவர்

பழங்காலத்தில் இந்திய பல்கலைக்கழகத்தில்தான் வெளிநாட்டு மாணவர்கள் அதிகளவில் கல்வி பயின்றனர். அப்புகழை மீண்டும் பெறுவோம் என குடியரசுத் தலைவர் பிரணாப் முகர்ஜி நம்பிக்கை தெரிவித்தார்.

புதுச்சேரி மத்தியப் பல்கலைக்கழகத்தின் 23-ம் ஆண்டு பட்டமளிப்பு விழா புதன்கிழமை நடைபெற்றது. குடியரசுத்தலைவராக பொறுப்பேற்ற பிறகு முதல்முறையாக புதுச்சேரி வந்த அவர், மாணவ, மாணவியருக்கு பட்டங்களை வழங்கி நிகழ்த்திய உரை:

பட்டம் பெறுவதோடு நிற்காமல் அறிவை தொடர்ந்து மேம்படுத்துதல் அவசியம். உலகளவில் முதல் 200 இடங்களில் இந்திய பல்கலைக்கழகம் ஒன்றுக்கூட இல்லை. இது வேதனையளிக்கிறது. இதை மாற்றி சிறந்த இடத்தை பெறும் தகுதியும், திறமையும் இந்திய கல்வி நிறுவனங்களுக்கு உண்டு.

கடந்த 6-ஆம் நூற்றாண்டு முதல் 12-ஆம் நூற்றாண்டு வரை இந்தியாவில் இருந்த நாளந்தா, சோமபுரா பல்கலைக்கழகங்களில் உலகளாவிய மாணவர்கள் பயின்றனர். அப்புகழை மீண்டும் பெறுவோம்.

சிறந்தது ஆசிரியர் பணியே. மாணவர்களின் சந்தேகங்களுக்கு பதிலளிப்பது ஆனந்தமளிக்கும். அத்துடன் அவர்களுக்கு வழிகாட்டியாகவும் இருப்பது அவசியம். அறிவை போதிப்பதில் கடமையும், பொறுப்புணர்வும் தேவை.

அரசியல் சட்டப்படி கட்டாயக் கல்வி உரிமைச்சட்டம் நாடாளுமன்றத்தில் நிறைவேறியுள்ளது. தரமான கல்வியை பெறுவது நம் உரிமை.

ஒழுக்கம், கடமை உணர்வு, கடின உழைப்பு, அர்ப்பணிப்புடன் செயல்பட்டால் எந்த கடின சூழலையும் சமாளிக்கலாம் . இந்தியாவை முன்னேற்றுவதில் மாணவ, மாணவியருக்கு பெரும் பங்கு உள்ளது என பேசினார்.

’டெபிட் கார்டு’ மூலம் வாங்கப்படும் பொருட்களுக்கு சேவை வரி வசூலிக்க கூடாது: ரிசர்வ் வங்கி

பாரத ரிசர்வ் வங்கியின் கவர்னர் ரகுராம் ராஜன் நடப்பு நிதி ஆண்டின் இரண்டாவது காலாண்டுக்கான இடைநிலை பணக் கொள்கை ஆய்வு அறிக்கையை சமீபத்தில் வெளியிட்டார். இதில், எதிர்பார்ப்புகளுக்கு மாறாக ‘ரெப்போ ரேட்ஸ்’ எனப்படும் முக்கிய கடன்களுக்கான வட்டி விகிதங்கள் 0.25 சதவீதம் உயர்த்தப்பட்டது. பணவீக்கத்தை கட்டுப்படுத்தும் வகையில் நடவடிக்கை எடுத்துள்ளாக ரகுராம் ராஜன் தெரிவித்தார்.

இந்நிலையில், ’டெபிட் கார்டு’ மூலம் வாங்கப்படும் பொருட்களுக்கு சேவை வரி வசூலிக்க கூடாது என்று பாரத ரிசர்வ வங்கி அறிவித்துள்ளது. மேலும், பொருட்கள் வாங்குவதற்கான 0 சதவீத வட்டி திட்டத்திற்கு தடை விதித்துள்ளது.

வட்டியில்லா கடன்
டெலிவிஷன், பிரிட்ஜ், வாஷிங்மெஷின், செல்போன்கள் உள்பட பல்வேறு வகையான நுகர்வோர் பொருட்கள் விழாக்காலங்களில் 0 சதவீத வட்டியில் அதாவது வட்டியில்லாமல், சுலப தவணை முறையில் விற்பனை செய்வது வழக்கமாக நடைபெற்று வருகிறது.
இதனை அந்த நிறுவனங்களில் முகாமிட்டு இருக்கும் வங்கி ஊழியர்கள் தான் அந்த பொருட்கள் வாங்குவதற்கான தொகையை நுகர்வோர் கடனாக வழங்குவார்கள். வட்டி இல்லை என்று கூறப்பட்டாலும் நடைமுறை கட்டணம் என்று ஒரு குறிப்பிட்ட தொகை வசூலிக்கப்படுவது வழக்கம்.
ரிசர்வ் வங்கி தடை
ரிசர்வ் வங்கி 0 சதவீத வட்டியில் பொருட்கள் விற்பனை செய்வதை தடை விதித்துள்ளது. இதுதொடர்பாக ரிசர்வ் வங்கி வெளியிட்டுள்ள அறிக்கையில் கூறியிருப்பதாவது:–
வங்கிகள் வட்டி விகிதத்தை திரித்துக் கூற எந்த நடைமுறையையும் கையாளக் கூடாது என்பது விதி. இது ஒரு பொருளின் விலை நிர்ணயத்தின் வெளிப்படைத்தன்மையை இழிவுபடுத்தும் செயலாகும். நுகர்வோருக்கு உண்மையான தகவலை தெரிவிக்க வேண்டியது மிகவும் முக்கியம்.
நடைமுறை கட்டணம்
நேர்மையான நடைமுறைக்கு, செயல்முறை கட்டணம், வட்டி விகிதம் ஆகியவை ஒரே மாதிரியாக இருக்க வேண்டியது மிகவும் அவசியம். இதனை பொருட்படுத்தாதவர்கள் தான் பலவீனமான நுகர்வோர்களை கவர்ச்சியான, சுரண்டுகிற மாதிரியான இந்த திட்டங்களை செயல்படுத்துவார்கள்.
கடன் அட்டைகள் மூலம் 0 சதவீத வட்டியில் சுலப தவணையில் பொருட்கள் விற்பனை அதிகமாக நடந்து வருகிறது. இதில் வட்டி விகிதம் நுகர்வோரிடம் நடைமுறை கட்டணம் என்ற வகையில் ஏமாற்றி வசூலிக்கப்படுகிறது.
ஒரே வட்டி, ஒரே நடைமுறை
ஒரே பொருளுக்கு பலவித வட்டி விகிதங்கள் வசூலிப்பதை நிறுத்த வேண்டும். ஒரே விதமான வட்டியும், ஒரே விதமான நடைமுறையும் பின்பற்றப்பட வேண்டும். சில்லறை வர்த்தகத்தில் வாடிக்கையாளர் இடர் விகிதம் பொருந்தாது.
பொருட்களுக்கு தள்ளுபடி இருந்தால் தள்ளுபடியை கழித்த பின்னர் வரும் பொருளின் விலைக்கு தான் கடன் தொகை வழங்க வேண்டும். அல்லது அதற்கு ஏற்ப வட்டியை குறைத்துக்கொள்ள வேண்டும். கடனை திரும்ப செலுத்தும் காலம் அதிகம் இருந்தால் அந்த பயனை நுகர்வோருக்கு வழங்க வேண்டும். அல்லது வட்டியில் இதனை சரி செய்து கொள்ள வேண்டும்.
கடன் அட்டைகளுக்கு
நுகர்வோருக்கு இத்தகைய முழு விழிப்புணர்வை ஏற்படுத்தி, இந்த பயன்கள் அனைத்தும் நுகர்வோருக்கு செல்லும் வகையில் கடன்களை வழங்குவதும் வங்கிகளின் பொறுப்பு.
வங்கி கடன் அட்டைகள் (டெபிட் கார்டு) மூலம் பொருட்கள் வாங்குபவர்களிடம் கூடுதல் கட்டணமோ, சேவை கட்டணமோ வசூலிக்கக் கூடாது. வங்கிகளுக்கும்,, வர்த்தக நிறுவனங்களுக்கும் இடையே ஏற்பட்டுள்ள ஒப்பந்தப்படி இந்த கூடுதல் கட்டணம் வசூலிப்பது நியாயமாகாது, அனுமதிக்க முடியாதது. இதுபோன்ற செயல்கள் அந்த வங்கிகளுடனான உறவை முறித்துவிடும்.

நுகர்வோர் பாதுகாப்புக்காக
உண்மைத்தன்மை, பொருட்களின் வெளிப்படையான விலை ஆகியவை மூலம் நுகர்வோர்களின் குறிப்பாக சில்லறை வர்த்தகத்தில் பலவீனமான நுகர்வோர்களின் உரிமைக்காகவும், நுகர்வோர்களை பாதுகாக்கவும் தான் இதுபோன்ற நடவடிக்கைகள் எடுக்கப்பட்டுள்ளது.
இவ்வாறு ரிசர்வ் வங்கி அறிக்கையில் கூறப்பட்டுள்ளது.

தீபாவளி விற்பனை
ஆனாலும் இந்த நடவடிக்கையால் வர இருக்கும் தீபாவளி, புத்தாண்டு போன்ற விழாக்காலங்களில் இந்த வட்டியில்லா சுலப தவணை திட்ட முறையில் நடைபெறும் விற்பனை பாதிக்கும் என்று வியாபாரிகள் தெரித்துள்ளனர்.

 

 

 

 

வைரஸ் காய்ச்சலை தடுக்க பள்ளிகளுக்கு, பள்ளிக்கல்வித்துறை அறிவித்துள்ள 10 கட்டளைகள்!

பள்ளி மாணவர்களுக்கு டெங்கு, மலேரியா போன்ற வைரஸ் காய்ச்சல் பரவுவதைத் தடுப்பதற்கான நடவடிக்கைகளை மேற்கொள்ள அனைத்து பள்ளிகளுக்கும் பள்ளிக் கல்வி மற்றும் தொடக்கக் கல்வி இயக்குநர்கள் 10 கட்டளைகளை அறிவித்து மேற்கொள்ள உத்தரவிட்டுள்ளனர்.

தற்போது மழைக்காலம் தொடங்கியுள்ளதால் மலேரியா, சிக்குன் குனியா போன்ற வைரஸ் காய்ச்சல் குழந்தைகள், பள்ளி மாணவர்களை எளிதில் தாக்கும். இதனால், அவர்கள் உடல் நலம் கெடுவதுடன், கல்வியும் பாதிக்கும். எனவே, நோய் தடுப்பு நடவடிக்கைகளை மேற்கொள்ள அனைத்து மாவட்ட முதன்மைக் கல்வி அலுவலர்களுக்கும் மற்றும் தொடக்கக் கல்வி அலுவலர்களுக்கும் பள்ளிக் கல்வித் துறை இயக்குநரும், தொடக்க கல்வித் துறை இயக்குநரும் உத்தரவிட்டுள்ளனர். அந்தந்த மாவட்ட முதன்மைக் கல்வி அலுவலரும், மாவட்டத் தொடக்கக் கல்வி அலுவலரும் தங்கள் கட்டுப்பாட்டில் வரும் பள்ளித் தலைமையாசிரியர்களுக்கு அறிவுறுத்த வேண்டியன குறித்த பத்து கட்டளைகளையும் பிறப்பித்துள்ளனர்.

தற்போது மழைக்காலமாக இருப்பதால் பள்ளி வளாகத்தில் நீர் தேங்காமல் இப்பதற்கான தடுப்பு நடவடிக்கையை பள்ளித் தலைமை ஆசிரியர்கள் மேற்கொள்ள வேண்டும். பள்ளி வளாகத்தில் குடிநீர்த் தொட்டி, கழிவு நீர்த் தொட்டி திறந்த நிலையில் இருத்தல் கூடாது. பயனற்ற திறந்த வெளிக்கிணறு, பள்ளம் இருந்தால் அதை மூடிவிட வேண்டும். பள்ளிக் கழிவறையை சுத்தமாக வைத்துக்கொள்ள வேண்டும். பள்ளி வளாகத்தில் கழிவு நீர்க் கால்வாய் இருந்தால் கொசுக்கள் உற்பத்தியாவதை சுகாதாரத் துறை மூலம் தடுக்க தலைமையாசிரியர்கள் நடவடிக்கை எடுக்க வேண்டும். பள்ளி வளாகத்தில் உபயோகமற்ற பிளாஸ்டிக் பொருட்கள், வாகன டயர் இருந்தால் அவற்றை அப்புறப்படுத்தி கொசுக்கள் உற்பத்தியை தடுக்க வேண்டும்.

பள்ளி மேற்கூரையில் தண்ணீர் தேங்காமல் பார்த்துக் கொள்ள வேண்டும். பள்ளி வளாகத்தில் கட்டுமானப் பணிக்காக கட்டப்பட்டுள்ள தொட்டியில் தண்ணீர் தேக்கி வைக்காமல் அவ்வப்போது சுத்தம் செய்ய வேண்டும். சிறு பள்ளம், சிறு கிணறு இருந்தால், அவற்றை மூட வேண்டும். இது தொடர்பாக காலையில் நடக்கும் இறைவணக்கத்தின்போது மாணவர்களுக்கு எடுத்துச் சொல்ல வேண்டும். வைரஸ் காய்ச்சல் தொடர்பாக மாணவர்கள் மூலம் பெற்றோருக்கும் விழிப்புணர்வு ஏற்படுத்த வேண்டும். இந்தக் கட்டளைகளை அமல்படுத்தி நோய் தாக்குதலில் இருந்து மாணவர்களை பாதுகாக்க வேண்டும் என அந்த உத்தரவில் கூறியுள்ளனர்

ஹஜ் 2013-H1434 பயணம் செய்யும் நமதூர் பயணிகள்

தமிழ்நாடு ஹஜ் கமிட்டி முலமாக ஹஜ் பயணம் செய்யும் நமதூர் பயணிகள் விபரம்

ராமகே ரோடு முஹம்மது ஜபருல்லாஹ் அவர்கள் மற்றும் அவர்களின் மனைவியும்

நடுத்தெரு A M அப்துல் ரெஜாக் அவர்கள் மற்றும் அவர்களின் மனைவியும் மற்றும் மூத்த சகோதரியும்

வடக்குத்தெரு ஷேக் அலாவுதீன் அவர்கள் மற்றும் அவர்களின் மனைவியும்

மேலத்தெரு பக்கீர் முஹம்மது அவர்களின் மனைவியும்

வடக்குத்தெரு பதிவுல் ஜமான் அவர்களின் மனைவியும்

நடுத்தெரு அஷ்ரப் அலி அவர்களின் மனைவியும்

இன்ஷா அல்லாஹ் வியாழக்கிழமை 26/09/2013 புனித ஹஜ் பயணம் புறப்பட்டு செல்கிறார்கள்

இறைவன் நம் அனைவரது அமல்களையும் ஏற்றுக் கொண்டு பாவங்கள் மன்னிக்கப்பட்ட நிலையில் சுவனச் சோலையில் நுழையும் சிறப்பு மிக்க நல்லடியார்களாக நம்மை ஆக்கி அருள்புரிவானாக…!

ஹஜ்ஜுக் கடமையானது அதற்கான முழுப் பயிற்சியையும் தரக்கூடியதாக மாற்றம் பெற வல்ல இறைவன் நம் அனைவருக்கும் பேரருள் புரிவானாக…! ஆமீன்

சமையல் எரிவாயு உள்ளவர்கள் கவனத்துக்கு - ஆதார் அட்டை குழப்பம்

வரும் 01-01-2014 முதல் திருவாரூர் மாவட்டத்தில் வீட்டு சமையல் எரிவாயு உருளைக்கு அரசு தரும் மானியம் தொகைகளை இண்டேன் கேஸ் வாடிக்கையாளர் வங்கி கணக்கு நேரடியாக  தரும் திட்டத்தை (DBTL) மத்திய அரசு செயல் படுத்த உள்ளது  .

 

மானிய திட்டத்திற்கு கட்டாயம்எலக்ட்ரானிக் அடையாள அட்டை, "ஆதார்' கார்டு வழங்கும் திட்டம், கடந்த 2009-ம் ஆண்டு மத்திய அரசால் அறிமுகப்படுத்தப்பட்டுள்ளது. 12 இலக்கங்களைக் கொண்டிருக்கும். அதில், அட்டை வைத்திருப்பவரின் அனைத்து விவரங்களும் இடம்பெற்றிருக்கும். அவரின் பெயர், முகவரி, வங்கி கணக்கு எண், ரேஷன் கார்டு எண், சமையல் காஸ் இணைப்பு எண், பாஸ்போர்ட் எண், வாக்காளர் அடையாள அட்டை எண் என, அனைத்து விவரங்களும் இருக்கும்.

விரல் ரேகை, விழி

த் திரையைப் பதிவு செய்யும் ஆதார் அட்டை திட்டம் 2009-ல் தொடங்கப்பட்டது. இதற்காக இன்போசிஸ் நிறுவனர்களில் ஒருவரான நந்தன் நிலகேனியைத் தலைவராகக் கொண்டு ஆதார் அடையாள அட்டை ஆணையம் (யு.ஐ.டி.ஏ.ஐ.) உருவாக்கப்பட்டது. இத் திட்டத்துக்காக இதுவரை ரூ.50,000 கோடி செலவிடப்பட்டுள்ளது குறிப்பிடத்தக்கது

மத்திய அரசின் மானியத் திட்டங்களான, கிராமப்புற வேலைவாய்ப்பு உறுதியளிப்புத் திட்டம், பொது வினியோகத் திட்டம், சமூக பாதுகாப்பு திட்டம், பென்ஷன், மானிய விலை சமையல் காஸ் இணைப்பு, வறுமை கோட்டிற்கு கீழே உள்ளவர்களுக்கான நிதியுதவி, உயர்கல்வி ஊக்கத் தொகை போன்ற திட்டங்களுக்கான நிதி, ஆதார் அட்டை வாயிலாக பயனாளிகளுக்கு கொடுக்கப்பட்டு வருகிறது.

எனவே இந்த அடையாள அட்டையை மானிய திட்டத்திற்கு கட்டாய அடையாள அட்டையாக பயன்படுத்தி நாடு முழுவதும் விரிவாக்க மத்திய அரசு திட்டமிட்டுள்ளது. மேலும் சமீபத்தில் காஸ் மானிய திட்டம், ஆதார் அட்டை மூலம் வங்கி கணக்கு துவக்குபவர்களுக்கு உங்கள் பணம் உங்கள் கையில் திட்டமும் செயல்படுத்தப்பட்டுள்ளது.

 



ஆதார் அட்டை பெற்றுக்கொள்வது கட்டாயம் இல்லை என்று உச்ச நீதிமன்றத்தில் மத்திய அரசு தெரிவித்துள்ளது. மக்கள் விருப்பமெனில், அதைப் பெற்றுக்கொள்ளலாம் என்றும் விளக்கம் அளிக்கப்பட்டுள்ளது

 

 

அரசின் சலுகைகளைப் பெறுவதற்கு ஆதார் அட்டை கட்டயம் எனக் கூறப்பட்டு வந்த நிலையில், அது தொடர்பாக கர்நாடகத்தைச் சேர்ந்த ஓய்வுபெற்ற நீதிபதி புட்டுசாமி உள்ளிட்டோர் உச்ச நீதிமன்றத்தில் மனு தாக்கல் செய்தனர்.

 

அந்த மனுக்கள் நீதிபதிகள் பி.எஸ்.செளகான், எஸ்.ஏ.பாப்டே ஆகியோர் அடங்கிய அமர்வு முன் விசாரணைக்கு வந்தபோது, ஓய்வு பெற்ற நீதிபதி புட்டுசாமி தரப்பில் ஆஜரான மூத்த வழக்கறிஞர் அனில் தவான், திருமணப் பதிவு உள்பட அரசின் பல்வேறு சேவைகளுக்கு ஆதார் அட்டை கட்டாயமாக்கப்பட்டுள்ளதைச் சுட்டிக்காட்டினார்.

 

 

 

 

 

இதற்கு மத்திய அரசு அளித்த பதிலில், ஆதார் அட்டை பெற்றுக் கொள்வது அவரவர் விருப்பத்தைப் பொறுத்தது என்றும், கட்டாயம் இல்லை என்றும் தெரிவிக்கப்பட்டது.

 

 

 நமதுரை பொருத்தவரையில் ஆதார் அட்டை அனைவருக்கும் அளிக்கப்பட்டது என்றால் இல்லை என்பதே உண்மை கடந்த மார்ச்  மாதம் நமதூரில் முகாம் குறைந்தது 10 நாட்கள் மேல் நடைபெற்றது

இதில் 50 சதவிதம் மக்கள் பயன் அடைந்து இருக்கலாம் ஆனால் ரூபாய் 900 உள்ள சிலின்டர் மக்கள் வாங்க வேண்டும் ஒரு ஆண்டுக்கு 9 உருளைக்கு ரூபாய் 450 வரை  மானியம் தரப்படும் .வீட்டு வரும் உருளையை வாடிக்கையாளர் தன் கை ரேகை கொண்டு பதிய பெற்றே பெற முடியும்

 

ஆதார் அட்டை எண் கிடைக்க பெறாதகள் உடன் பெற சம்மந்தப்பட்டவர்களை தொடர்பு கொள்ளலாம்.

 

 

https://rasf.uidai.gov.in

 

இந்த முகவரியில் ஆதார் எண்ணுடன் உங்கள் முழு விபரத்தை தெரிவிக்கவும்

அல்லது பிரியா காஸ் அல்லது செம்மலர் காஸ் ஏஜென்ட்களை தொடர்பு கொள்ளவும் கடைசி நேர  பரபப்பு வேண்டாம் 

 

 

 

 

திட்டம் வெற்றி பெற அரசு நிர்வாகம் முழு ஈடுபட்டாலும் மக்கள் ஒத்துழைக்க வேண்டும். இதுபோல அரசும் மக்களின் அச்சத்தை போக்கி தவறுகள் நடக்காமலும் காக்க வேண்டும்.

 

 

 

 

 

 

வாக்காளர் பட்டியலில் பெயர் சேர்க்க முகாம் -- ஆன்லைன் புது நடைமுறை:

 

கொடிக்கால் பாளையத்தில் வரும் அக்டோபர் மாதம் 6ம் தேதி முதல் முகாம் நடைபெற உள்ளது அதிலும் விண்ணபிக்கலாம். கவனம் 2014 நாடாளுமன்ற தேர்தலில் வாக்களிக்க அவசியம் உங்க பெயர் பட்டியலில் இருக்கணும் அதனால் தயவு கூர்ந்து முகாம் சென்று பட்டியலில் உங்க பெயரை உறுதி செய்வது நல்லது .

அதுபோல உங்கள் வீட்டு பெண்கள் போட்டோவை விண்ணப்பத்தில் அளிக்கும் போது தலையில் முக்காடு (நிஜப்) இட்டு கண்ணியமாக அளிக்கவும் .

 

 

2014-ம் ஆண்டு ஜனவரி மாதம் 1-ந் தேதியை தகுதி நாளாக கொண்டு 18 வயது நிரம்பியவர்களை வாக்காளர் பட்டியலில் சேர்ப்பதற்கான சிறப்பு சுருக்க திருத்த பணி முகாம் திருவாரூர் மாவட்டத் தில் இந்திய தேர்தல் ஆணை யத்தின் அறிவுரையின்படி மேற்கொள்ளப்பட உள்ளது

சிறப்பு முகாம்

விண்ணப்பம் வினியோகம், சமர்ப்பித்தல் தொடர்பான சிறப்பு முகாம்கள் அடுத்த மாதம் 6-ந் தேதி, 20-ந் தேதி, 27-ந் தேதி ஆகிய 3 ஞாயிற் றுக்கிழமைகளில் வாக்குச் சாவடி மையங்களில் நடை பெறுகிறது

 

 

அரசினர் மேல்நிலைப்பள்ளி மற்றும் நகராச்சி துவக்க பள்ளி யில் முகாம் நடைபெறும் மேல் விபரங்களுக்கு நகர மன்ற உறுப்பினர்களை தொடர்பு கொள்ளவும் 

 

இது தவிர ஆன்லைன் இல் பதிவு செய்யலாம் 

 

கட்டணம் நிர்ணயம்:

இணையதள மையங்களில், வாக்காளர் பட்டியலில் பெயர் சேர்க்க, நீக்க, திருத்தம் செய்ய, இடமாற்றம் செய்ய, 10 ரூபாய்; வாக்காளர் பட்டியலை, பிரின்ட் எடுக்க விரும்பினால், ஒரு பக்கத்திற்கு, 3 ரூபாய்; வாக்காளர் பெயர், ஓட்டுச் சாவடி, விண்ணப்பத்தின் நிலை, ஆகியவற்றை அறிந்து கொள்ள, 2 ரூபாய்; புகார் பதிவு செய்ய, 10 ரூபாய், கட்டணம் வசூலிக்கப்படும். கட்டண விவரம், இணையதள மையங்களில் எழுதி வைக்கப்படும்.

இணையதள மையங்கள்:

 

நாட்டில் முதன் முறையாக, தமிழகத்தில் இணையதள மையங்களுடன், தேர்தல் கமிஷன் ஒப்பந்தம் செய்துள்ளது. இதற்கு குறைந்த கட்டணம் நிர்ணயம் செய்யப்பட்டுள்ளது. இணையதள மையங்களில், வாக்காளர் பட்டியலில் பெயர் சேர்க்க செல்லும்போது, அடையாள அட்டை எதுவும் தேவை இல்லை. ஆனால், அலுவலர்கள் ஆய்வுக்கு வரும்போது, இருப்பிடச் சான்றிதழ், வயது சான்றிதழ் ஆகியவற்றை காண்பிக்க வேண்டும்.


இது குறித்து, தமிழகத் தலைமை தேர்தல் அதிகாரி பிரவீண்குமார் கூறியதாவது: இணையதள மையங்களில், விண்ணப்பிப்போருக்கு ரசீது வழங்கப்படும். அதில் உள்ள எண்ணை பயன்படுத்தி, விண்ணப்பம் எந்த நிலையில் உள்ளது என்பதையும், ஆன்- லைனில் அறிந்து கொள்ள முடியும். ஆன்-லைனில் விண்ணப்பித்த, 40 நாட்களுக்குள், வாக்காளர் அடையாள அட்டை வழங்கப்படும். வாக்காளர் அடையாள அட்டையில், திருத்தம் செய்யவும் விண்ணப்பிக்கலாம். திருத்தம் செய்த அடையாள அட்டை வழங்க, கட்டணம் எதுவும் வசூலிக்கப்படாது. ஆனால், திருத்தம் இல்லாமல், இரண்டாவது முறையாக, வாக்காளர் அடையாள அட்டை பெற விரும்பினால், 25 ரூபாய் கட்டணம் செலுத்த வேண்டும். தமிழகம் முழுவதும், 32 மையங்களில், 944 இணையதள மையங்களுக்கு, அனுமதி வழங்கப்பட்டுள்ளது. மக்கள் ஆதரவை பொறுத்து, கூடுதல் இணைய தள மையங்களுக்கு, அனுமதி வழங்கப்படும். இணையதள மையங்கள், தேர்தல் கமிஷன் அனுமதி அளித்த, கட்டணத்தை விட கூடுதல் கட்டணம் வசூலிக்கக் கூடாது. வாக்காளர்கள் புகார் தெரிவிக்க விரும்பினால், கட்டணமில்லா தொலைபேசி எண் 1950ஐ, தொடர்பு கொள்ளலாம். இவ்வாறு, அவர் தெரிவித்தார்.

தென்னக ரயில்வேயின் வேலை வாய்ப்பு தகவல்

                                                                                                           
                                                                                                BARS KODIKKALPALAYAM