Kodikkalpalayam - பாதாள சாக்கடை பணி திருவாரூர் மக்கள் அவதி

ஜவ்வாக இழுக்கிறது 6 ஆண்டாக நடைபெறும் பாதாள சாக்கடை பணி திருவாரூர் மக்கள் அவதி

 

கொடிக்கால்பாளையம் பட்ட அவதி நாம் அறிவோம் இன்னும் சிமெண்ட் சாலையை போட்டு ஜல்லி கல்கள் பெயர்ந்து கொண்டு உள்ளதை நேராக பார்க்கிறோம் அப்படியே இணைப்புக்களை கொடுத்தாலும் திட்டம் பயன் உள்ளதா என்பதை இரு தரப்பின் செயல் பட்டை பொருத்தை அமையும் .பார்போம்

 

       திருவாரூரில் 6 ஆண்டுகளாக பாதாள சாக்கடை பணி நடந்து வருவதால், மக்கள் அவதிப்பட்டு வருகின்றனர்.
திருவாரூர் நகராட்சி பகுதியில் பாதாள சாக்கடை திட்டம் செயல்படுத்த கடந்த ஆட்சி காலத்தில் ரூ.39.26 கோடியில் திட்டமதிப்பீடு தயாரிக்கப்பட்டு தமிழ்நாடு குடிநீர் வடிகால் வாரியத்தின் மூலம் டெண்டர் விடப்பட்டது. ஆந்திர மாநிலத்தை சேர்ந்த ஐ.வி.ஆர்.சி.எல் என்ற தனியார் நிறுவனம் இந்த பணியினை செய்ய டெண்டர் எடுத்து 2007 அக்டோபர் மாதம் 1ந் தேதி 12 வது வார்டு சத்தியமூர்த்தி தெருவில் முதன் முதலாக பணியை துவக்கியது. நகரில் உள்ள 30 வார்டுகளிலும் 10.47 சதுர கி.மீ பரப்பளவில் 76 கி.மீ நீளத்திற்கு குழாய்கள் பதிப்பு, 2580 கழிவுநீர் தொட்டிகள் மற்றும் 5 கழிவு நீரேற்று கிணறுகள், 5 வடிகட்டும் கிணறுகள் , சுத்திகரிப்பு நிலையம் ஒன்று என இந்த திட்டத்தில் பணிகள் மேற்கொள்ளப்பட்டு வருகின் றன. 2011 கணக்கெடுப்பின்படி நகராட்சியின் மக்கள் தொகை 52,279 ஆக உள்ளது. 2038ல் 98 ஆயிரமாக உயரக்கூடும் என்ற அடிப்படையில் அதற்கேற்ப பாதாள சாக்கடை திட்டம் வடிவமைக்கப்பட்டுள்ளது.
18 மாதத்தில் பணியினை முடிக்க வேண்டும் என்ற விதிமுறையில் டெண்டர் எடுத்த தனியார் நிறுவனம் மெதுவாக பணியினை மேற்கொண்டு வருவதால் நகரில் பொது மக்கள் பாதிக்கப்பட்டு வருகின்றனர். பாதாள சாக்கடைக்காக தோண்டப்பட்ட பள்ளங்களில் பலர் தவறி விழுந்து காயமடைந்த சம்பவங்கள் நடைபெற்றுள்ளன. உள்ளூர் வாகனங்கள் மட்டுமின்றி வெளியூர் வாகனங்களும் இந்த பள்ளத்தில் சிக்கி வருவதால் பல மணி நேரம் போக்குவரத்தும் பாதிக்கபட்டு வருகிறது.
பணிகள் துவங்கப்பட்டு வரும் 30ந் தேதியுடன் 6 ஆண்டுகள் நிறைவுபெற உள்ள நிலையில் கடந்த மாத நகர்மன்ற கூட்டத்தில் கவுன்சிலர்களின் கேள்விக்கு பதில் கூறிய தலைவர் ரவிச்சந்திரன், இன்னும் 9 மாத காலத்தில் பணியினை முடித்து தருவதாக குடிநீர் வடிகால் வாரியத்தினர் உறுதி அளித்துள்ளதாக தெரிவித்தார். 18 மாதத்தில் முடிக்க வேண்டிய பணிகள் 6 ஆண்டுகளை நிறைவு செய்ய உள்ள நிலையில் 9 மாதம் என்பது குறைந்த பட்சம் ஒரு வருட காலத்திற்கும் மேல் ஆகும் என்பதால் பணியினை விரைந்து முடிக்க வேண்டும் என்பதே நகர மக்களின் கோரிக்கையாக உள்ளது.
இது குறித்து குடிநீர் வடிகால் வாரிய பொறியா ளர் ஒருவர் கூறுகையில், குழாய்கள் பதிப்பு, கழிவு நீரேற்று நிலையம், வடிகட்டும் நிலையம் என 90 சதவீத பணிகள் முடிந்துள்ளது. சுத்திகரிப்பு நிலையத்திற்கான பணிகள் மட்டும் தற்போது நடை பெற்று வருகிறது. இன்னும் ஒரு சில மாதங்களில் பணிகள் நிறைவு பெற்று நகராட்சி வசம் ஒப்படைக்கப்படும் என்று தெரிவித்தார்.
குழாய்கள் பதிப்பு பணிகள் முடிவுற்றதாக குடிநீர் வடிகால் வாரியம் தெரிவித்திருந்தாலும் இந்த திட்டத்தில் கழிவு நீரினை கொண்டு செல்லும் கடைசி பகுதியான நகரின் 9 வது வார்டு கேக்கரை பகுதியில் ஏற்கனவே பதிக்கப்பட்ட குழாய்கள் தரமில்லாமல், நீரை முழுமையாக நிரப்பி சோதனை செய்யும் போதே பல குழாய்கள் உடைந்ததால் அந்த இடங்களில் மாற்று குழாய்கள் பதிக்கும் பணி தற்போது வரை நடைபெற்று வருகிறது. எனவே பணியை விரைந்து முடிக்க வேண்டும் என்பதே அனைத்து தரப்பினரின் எதிர்பார்ப்பு.

 

 

 

 

 

 

 

செல்போன் கதிர்வீச்சு யாருக்கு எதிரி?

சிட்டுக்குருவிகள் ஏன் குறைந்து விட்டன? எங்கள் காலத்தில் சிட்டுக்குருவிகள் வீட்டிலேயே கூடி கட்டி அமோகமாக இனப்பெருக்கம் செய்துள்ளன. இன்றைக்குச் சிட்டுக்குருவிகளைப் பார்க்கவே முடியவில்லையே. இதற்குக் காரணம் செல்போன் கதிர்வீச்சுதான்...

இந்தத் தகவல் நிச்சயம் உங்கள் காதுக்கும் வந்திருக்கும். எல்லோரும் செல்போன் பயன்படுத்தினாலும், அதனால் ஏற்படும் பாதிப்புகளைப் பற்றி பெரிய விழிப்புணர்வு பலரிடம் இல்லை. ஆனால் சிட்டுக்குருவிகள் ஏன் அழிந்தன என்ற கேள்வியை 10 பேரிடம் கேட்டால், அதில் 8 பேர் செல்போன் கோபுரங்கள்தான் காரணம் என்று அழுத்தமாகக் கூறுவார்கள். ஆனால், உண்மையிலேயே சிட்டுக்குருவிகள் அழிந்ததற்குக் காரணம் என்ன? செல்போன் அலைகள் வேறு என்ன விதமான பாதிப்புகளை ஏற்படுத்தும்?

செல்போன் அலைகள் சிட்டுக்குருவிகளின் முட்டைகளை சிதைப்பதால், அவற்றின் எண்ணிக்கை சரிந்துவிட்டது என்று கூறப்படுகிறது. இந்த குற்றச்சாட்டை முன்வைத்தவர் சிட்டுக்குருவிகள் அழிவைப் பற்றி பிரபலப்படுத்திய பூனேயைச் சேர்ந்த முகமது திலாவர். மேற்கத்திய நாடுகள் சிலவற்றில் நடைபெற்ற சில ஆராய்ச்சிகளை முன்வைத்து அவர் இந்தக் கூற்றை முன்வைத்தார். அந்த ஆராய்ச்சிகள் வல்லுநர்களால் மறுஆய்வு செய்யப்பட்ட ஆராய்ச்சிகள் இல்லை. கேரளம், அசாம் பல்கலைக்கழகங்களும் இதே காரணத்தை முன்வைத்தன

.

செல்போன் அலைகள் என்பவை டிவி, மைக்ரோவேவ் அவன் போன்ற வற்றில், வெளியாகக் கூடிய சிற்றலை மின்காந்த கதிர்வீச்சு வகையைச் சேர்ந்தவை. இவை உடல்நலனை பாதிக்கலாம் என்ற குற்றச்சாட்டை சமீபத்திய ஆய்வுகள் சந்தேகிக்கின்றன. எக்ஸ்ரே கதிர்வீச்சு போன்றவை நீண்டகாலத்துக்கு உடலில் பட்டால், அவற்றிலிருந்து வரும் ஆற்றலை திசுக்கள் கிரகித்துக்கொண்டு மரபணு கட்டமைப்பு மாறக்கூடும். இதனால் உடலில் குறைபாடான வளர்ச்சி ஏற்படலாம். ஆனால், நுண்ணலை களோ, ரேடியோ அலைகளோ பாதிப்பு ஏற்படுத்தும் அளவுக்குத் திறனைக் கொண்டிருப்பதில்லை.

 

இந்நிலையில் செல்போன் கதிர்வீச்சு சிட்டுக்குருவிகளை பாதிப்பதில்லை என்று கோவை அனைக்கட்டியில் உள்ள சாலிம் அலி பறவையியல், இயற்கை அறிவியல் நிறுவனத்தின் ஆராய்ச்சி தெரிவிக்கிறது. இது தொடர்பாக கூடுதல் ஆராய்ச்சி களையும் மேற்கொள்ள இருக்கிறது.

சிட்டுக்குருவிகள் அழிவுக்கு செல்போன் கதிர்வீச்சைத் தாண்டி உணவு கிடைக்கும்தன்மை, கூடுகட்டும் இடங்கள் போன்றவை குறைந்துவிட்டதே முக்கியக் காரணம்.

 

நகர்மயமாக்கம் காரணமாகச் சிட்டுக்குருவிகளின் வாழிடம் அதிவேகமாக அழிந்துவிட்டன. மேலும் இப்போது தானியங்கள் ஞெகிழிப் பைகளில் வருவதால், குருவிகளுக்கு தானியங்கள் கிடைப்பதில்லை. குருவிக் குஞ்சுகளிகன் அதிவேக வளர்ச்சிக்குத் தோட்டங்களில் கிடைக்கும் புழு, பூச்சிகள்தான் முக்கிய உணவு. பூச்சிக்கொல்லிகள் அதிகரிப்பு, புழு பூச்சிகளைக் குறைத்துவிட்டது. இப்படியாக குஞ்சுகள் முதல் வளர்ந்த குருவிகள் வரை உணவு கிடைக்காமல் போவதாலேயே குருவியின் இனப்பெருக்கம் கடுமையான பாதிப்பைச் சந்திக்கின்றன.

 

எனவே, சிட்டுக்குருவிகள் எண்ணிக்கை குறைந்ததற்கு செல் போனை வந்தடையும் கதிர்வீச்சோ, செல்போன் கோபுரங்களில் வெளியிடப்படும் கதிர்வீச்சோ நேரடிக் காரணம் என்று இதுவரை நிறுவப்படவில்லை.

மனிதர்களுக்கு என்ன பாதிப்பு?

 

சிட்டுக்குருவிகள் இருக்கட்டும். செல்போன் கதிர்வீச்சால், மனித உடல்நலனுக்கு எந்த மாதிரியான பாதிப்புகள் ஏற்படும்? இதுபற்றி இரண்டு விதமான வாதங்கள் தொடர்ச்சியாக வந்துகொண்டிருக்கின்றன.

செல்போன் கதிர்வீச்சு அதிக காலம் உடலில் படுவதால், மரபணு மாற்றத்தில் பங்காற்றுவதாகவோ, புற்றுநோய்க் கட்டிகளை உருவாக்குவதாகவோ இதுவரை எந்த அறிவியல் ஆராய்ச்சியும் நிறுவவில்லை. செல்போன் கதிர்வீச்சு, சீரமைக்க முடியாத உடல்நல பாதிப்பை ஏற்படுத்துவதில்லை என்று சமீபத்திய ஆராய்ச்சிகள் தெரிவிக்கின்றன.

 

"நமது மூளைச் செயல்பாடுகள் மின்சாரத்தால் இயக்கப்படுகின்றன. மின்காந்த அலை களான செல்போன் அலைகள், நமது உடலில் செயல்படும் மின்சாரத்துடன் இடையீடு செய்யும். இதனால் செல்போன் கோபுரங்கள் அருகே வாழும் மக்களுக்கு தலைவலி, வாந்தி போன்ற பாதிப்புகள் ஏற்படுவதாக சில ஆராய்ச்சிகள் கூறுகின்றன. அதேநேரம், இதனால் புற்றுநோய் போன்ற பாதிப்புகள், ஏற்படுவதை உறுதிப்படுத்துவது போன்ற ஆராய்ச்சிகள் இன்னும் நடக்க வில்லை. செல்போன் கதிர்வீச்சு ஏற்படுத்தும் பாதிப்புகள் தொடர்பான ஆராய்ச்சிகள் ஏன் இதுவரை முறைப்படி நடத்தப்படவில்லை என்பதும் சிந்தனைக்குரியது," என்கிறார் புதுவையைச் சேர்ந்த ஒரு இயற்பியலாளர்.

செல்போன் நிறுவனங்கள், சேவை வழங்கும் நிறுவனங்கள் செல்போன் கதிர்வீச்சின் பாதகங்கள் பற்றி போதுமான அறிவியல் ஆய்வுகள் இல்லை என்று கூறினாலும், அதிகப்படியான செல்போன் கதிர்வீச்சால் ஏற்படும் பாதிப்பாக சாதாரண மக்களும் உணரும் விஷயம், கேட்கும் தன்மை.

மேலும், "செல்போன் கோபுரங்கள் அமைப்பதற்கான விதிமுறைகளை பல நாடுகள் கடுமையாக்கி உள்ளன. செல்போன் கோபுரங்களுக்கு அருகே வாழ்வது என்பது மைக்ரோவேவ் அவனுக்குள் நாம் வாழ்வதைப் போன்றது. மும்பையில் ஒரு மணி நேரத்துக்கு மேல் பயணிக்கும் ஒருவர், அதில் 90 சதவிகித நேரம் கடுமையான கதிர்வீச்சை எதிர்கொள்கிறார், என்று பம்பாய் ஐ.ஐ.டி. மின் பொறியியல் பேராசிரியர் கிரீஷ் குமார் உள்ளிட்டவர்கள் எச்சரித்து இருக்கிறார்கள்," என்று குறிப்பிடுகிறார் சென்னையைச் சேர்ந்த சுற்றுச்சூழல் எழுத்தாளர் நித்தியானந்த் ஜெயராமன்.

 

 

இன்றைய காலத்தில் செல்போன் பயன்பாட்டைக் குறைக்க முடியாது. அதேநேரம், செல்போனில் அதிக நேரம் பேசாதீர்கள். ஹாண்ட்ஸ் ஃபிரீ கருவி அல்லது குறைந்த சப்தத்தில் வைத்து பேசுங்கள், நிலவழித் தொலைபேசியில் பேசுங்கள் என்று மருத்துவர்கள் ஆலோசனை தருகிறார்கள்.

Kodikkalpalayam - நமது முஹ்யித்தீன் ஆண்டவர்கள் பள்ளிவாசலில் புதிய டிஜிட்டல் தொழுகை நேரம் பலகை

சென்னையை சேர்ந்தவருக்கு சிங்கப்பூர் அரசு விருது

சிங்கப்பூரில், அறப்பணிகள் செய்யும் தமிழருக்கு, அந்நாட்டின் சார்பில், விருது வழங்கப்பட்டுள்ளது. சென்னையில் பிறந்தவர் முகமது அப்துல் ஜலீல். 50 ஆண்டுகளுக்கு முன், பிழைப்புக்காக, சிங்கப்பூர் சென்ற ஜலீல், கார் துடைப்பது போன்ற வேலைகளை செய்து, படிப்படியாக உயர்ந்து. கட்டுமான பொருட்கள் தயாரிக்கும் நிறுவனத்தை நடத்தி வருகிறார். ஆண்டுக்கு, 600 கோடி ரூபாய்க்கும் அதிகமாக, வருவாய் ஈட்டும் நிறுவனத்தை நடத்திவரும், ஜலீல், ஏழைகளுக்கு, கல்வி தொகை உள்ளிட்டவற்றை வழங்கி சேவை செய்து வருகிறார். இந்தியாவை சேர்ந்த நபர்களுக்கு, தேவையான உதவிகளை செய்து வரும் ஜலீலின் சேவையை பாராட்டி, சிங்கப்பூர் அரசு, "சமூக போராளி விருது' வழங்கியுள்ளது. இந்த விருதுடன், 6 லட்ச ரூபாய் ரொக்க பரிசும் வழங்கப்பட்டுள்ளது

வெளியூர் ஜனாசா அறிவிப்பு 19/09/2013

நமதூர் இ கா மு சுல்தான் அப்துல் காதர் அவர்களின் மனைவி ஹசீனா பேகம் அவர்கள் அடியக்கமங்கலம் ராஜாத் தெருவில் மௌத்.

 இன்னாலில்லாஹிவ இன்னாஇலைஹி ராஜிவூன்

அன்னாரின் ஜனாசா இரவு 7 மணிக்கு நல்லடக்கம் செய்யப்படும்

கழிவுநீரை அகற்றும் போது நகராட்சியில் தெரிவிக்க வேண்டும்'

கழிவுநீரை அகற்றும் போது நகராட்சியில் தெரிவிக்க வேண்டும்'

திருவாரூர் நகரில் தனியார் வாகனங்கள் மூலம் கழிவுநீரை அகற்றும்போது, அதுகுறித்த தகவலை நகராட்சி நிர்வாகத்துக்கு தெரிவிக்க வேண்டுமென அறிவுறுத்தப்பட்டுள்ளது.

இதுகுறித்து நகராட்சி அலுவலகம் வெளியிட்ட செய்திக் குறிப்பு:
திருவாரூர் நகருக்குள் உரிய உயிர் பாதுகாப்பு உபகரணங்கள் இன்றி தனியார் கழிவுநீர் அகற்றும் லாரிகளை பயன்படுத்தி, தனியார் குடியிருப்புப் பகுதிகள் அல்லது வணிக வளாகங்கள், விடுதிகள், உணவகங்கள் போன்றவைகளில் பணிகள் மேற்கொண்டால் தொடர்புடைய உரிமையாளர்கள் மீது உரிய நடவடிக்கை மேற்கொள்ளப்படுவதுடன், லாரி உரிமத்தை ரத்து செய்ய சட்ட நடவடிக்கை எடுக்கப்படும்.

உரிய வழிமுறைப்படி சுத்தம் செய்யும் போது எடுக்கப்படும் கழிவுநீரை நகராட்சி அனுமதியளித்துள்ள இடத்தில் மட்டுமே அப்புறப்படுத்த வேண்டும்.
மீறுவோர் மீது சட்ட நடவடிக்கை மேற்கொள்ளப்படும் என்று அச் செய்திக் குறிப்பில் தெரிவிக்கப்பட்டுள்ளது

 

திருவாரூரில் செப். 20-ல் வேலைவாய்ப்பு முகாம்

திருவாரூரில் வரும் 20-ம் தேதி தனியார் துறையில் வேலைவாய்ப்பு முகாம் நடைபெறவுள்ளது.
இதுகுறித்து மாவட்ட வேலைவாய்ப்பு அலுவலர் கு. திருஞானசம்பந்தம் வெளியிட்ட செய்திக்குறிப்பு: மாவட்ட வேலைவாய்ப்பு அலுவலகத்தில் வரும் 20-ம் தேதி பிற்பகல் 2.30 மணிக்கு அரசால் அறிவிக்கப்பட்ட தனியார் துறை வேலைவாய்ப்பு முகாம் நடைபெறவுள்ளது. பள்ளி இறுதி வகுப்பு தேர்ச்சி பெறாதவர்கள் முதல் பட்டதாரிகள் உள்பட வேலைவாய்ப்பு அலுவலகத்தில் பதிவு செய்து காத்திருக்கும் அனைவரும் முகாமில் பங்கேற்கலாம்.
முகாமில் 108 ஆம்புலன்ஸ் ஓட்டுநர், செக்யூரிட்டி கார்டு, எஸ்.பி.ஐ இன்சூரன்ஸ் முகவர் உள்ளிட்ட பல்வேறு பணியிடங்களுக்கு தமிழகத்திலுள்ள தொழில் நிறுவனங்கள் தகுதியானவர்களை தேர்வு செய்ய உள்ளன.
இவ்வாறு தனியார் துறைக்கு தேர்வு செய்யப்படும் நபர்களின் வேலைவாய்ப்பு அலுவலக பதிவுமூப்பு நீக்கம் செய்யப்படாமல் தொடர்ந்து பராமரிக்கப்படும். எனவே மாவட்டத்தில் வேலைவாய்ப்பை எதிர்நோக்கி காத்திருக்கும் ஆண்கள் மற்றும் பெண்கள் தனியார் துறை வேலைவாய்ப்பு முகாமில் தங்கள் சுயவிவர நகல்கள் மற்றும் கல்விச் சான்றிதழ்களுடன் நேரில் வந்து பயன்பெறலாம்.

கவனிக்குமா?

மழைக்காலம் வந்தாலே தெருவில் உள்ள குப்பைகளை அள்ள மாட்டார் கள் போல இது நடுத்தெரு  வெள்ளக்காரன் கேணி குளம் அருகே கண்ட காட்சி சம்பந்தப்பட்ட நகராட்சி நிர்வாகம் கவனிக்குமா?

சிறுபாண்மை மாணவர்களுக்கான உதவித் திட்டம்!

மத்திய பொதுப் பணியாளக்ர தேர்வாணையம், பணியாளர் தேர்வானையம் மற்றும் மாநில பொதுப் பணியாளர் தேர்வாணையத்தால் நடத்தப்பட்ட முதன்மை தேர்வுகளை முடித்திருக்கும் சிறுபான்மையின மாணவர்களுக்கு நிதியுதவி வழங்குகிறது.

குடும்ப மொத்த வருமானம் ஆண்டுக்கு ரூ.4.50 லட்சத்துக்கு மிகாமல் உள்ளவர்கள் இதற்காக விண்ணப்பிக்க தகுதி உடையவர்கள்.

நிதியுதவி விகிதமானது கெஜட் பதவிக்கும் மாதம் ரூ.50,000/- மற்றும் கெஜடட் சாராத பதவிக்கு மாதம் ரூ.25,000 /- என இருக்கும்.

திட்டத்தின் விவரங்கள் மற்றும் விண்ணப்பப் படிவத்தின் மாதிரி இந்த அமைச்சகத்தின் இணையதளத்தில் (www.minorityaffairs.gov.in) பதிவிறக்கம் செய்து கொள்ளலாம். வரையறுக்கப்பட்ட விண்ணப்பத்தை முறையாக நிரப்பி விண்ணப்பப் படிவத்தில் குறிப்பிட்டுள்ளவாறு உரிய அனைத்து ஆவணங்களுடன் சேர்த்து, துணைச் செயலாளர் அறை எண்: 1130, சிறுபான்மையின விவகாரங்கள் அமைச்சகம், பார்யவரன் பவன், 11வது தளம், சிஜிஓ வளாகம், லோடி சாலை, புது டெல்லி - 110003 என்ற முகவரிக்கு அனுப்பவும்.

மேலும் இவ்விண்ணப்பம் செப்., 18ம் தேதிக்குள் அனுப்ப வேண்டும்.

வெளியூர் ஜனாசா அறிவிப்பு .13/9/2013

நமதூர் நடுத்தெரு போஸ்ட் மாஸ்டர் துரை என்கிற சுல்தான் அப்துல் காதர் அவர்களின் மாமனார் அப்துல் வாஹப் அவர்கள் ஏனக்குடி ஆதலையூர் ஜின்னா தெருவில் மௌத் .

அன்னாரின் ஜனாசா காலை 11 மணிக்கு நல்லடக்கம் செய்யப்படுகிறது.

இன்னாலில்லாஹி வஇன்னா இலைஹி ராஜி ஊன்

Kodikkalpalayam - கொடிக்கால்பாளையத்தில் .மழை 12/09/2013

கொடிக்கால்பாளையத்தில் இப்போது இரவு 10.30 மணி முதல் மிதமான மழை பெய்த்து கொண்டு இருக்கிறது .

Kodikkalpalayam pallivasal

10ம் வகுப்பு மறுகூட்டல் முடிவுகள் நாளை வெளியீடு

பத்தாம் வகுப்பு மறுகூட்டலுக்கு விண்ணப்பித்த மாணவர்களின் முடிவுகள் நாளை  வெளியிடப்படுகிறது.

மாணவர்கள் காலை 10.30 மணிக்கு www.tndge.in என்ற இணையதளத்தில் தேர்வர்கள் தங்களது மறுகூட்டல் முடிவுகளை அறிந்துகொள்ளலாம்.

மதிப்பெண்களில் மாறுதல் உள்ள மாணவர்கள் மட்டும் தங்களது பழைய மதிப்பெண் சான்றிதழ்களை ஒப்படைத்துவிட்டு புதிய மதிப்பெண் சான்றிதழ்களை செப்டம்பர் 16 முதல் 18 வரை சென்னை டி.பி.ஐ. வளாகத்தில் அரசுத் தேர்வுகள் இயக்ககத்தில் நேரில் வந்து பெற்றுக்கொள்ள வேண்டும்.

மதிப்பெண்களில் மாறுதல் உள்ள மாணவர்களில் இதுவரை பதிவிறக்கம் செய்யப்பட்ட சலானை சமர்ப்பிக்காதவர்கள், பாரத ஸ்டேட் வங்கி சலானை கொடுத்தால் மட்டுமே புதிய மதிப்பெண் சான்றிதழ்களைப் பெற்றுக்கொள்ள முடியும் என அரசுத் தேர்வுகள் இயக்ககம் தெரிவித்துள்ளது.

கொடிநகர் ஜனாசா அறிவிப்பு 6/9/2013

நமதூர் VTA நூர் முஹம்மது அவர்களின் மனைவியும் , முஹம்மது ஹையும் ,முஹம்மது நஜுபுதீன் ,முஹம்மது அபுபக்கர் இவர்களின் தாயாருமான பாப்பா என்கிற ஹபீபுன்னிஷா அவர்கள் ஜெயம் தெருவில் அவர்கள் மௌத்.






இன்னாலில்லாஹி வஇன்னா இலைஹி ராஜிஊன்.

அன்னாரின் ஜனாசா 6/9/2013 வெள்ளிக்கிழமை மாலை 4 மணிக்கு நமதூர் முஹ்யித்தீன் ஆண்டவர்கள் பள்ளிவாசல் அடக்கஸ்தலத்தில் நல்லடக்கம் செய்யப்படுகிறது.

மானிய சமையல் காஸ் சிலிண்டர் பெற "ஆதார்' எண் கட்டாயம்: தமிழகத்தில் அக்., 1 முதல் அமலுக்கு வருகிறது

சமையல் காஸ் சிலிண்டர்களுக்கு, நேரடி மானியம் வழங்கும் திட்டம், தமிழகத்தில், அரியலூர் மாவட்டத்தில், அக்., 1ம் தேதி முதல் அறிமுகப்படுத்தப்படுகிறது. இத்திட்டம் அறிமுகமானதும், "மூன்று மாதங்களுக்குள், "ஆதார்' எண் வாங்குபவர்களுக்கு மட்டுமே, சமையல் காஸ் சிலிண்டருக்குரிய, நேரடி மானியம் வங்கி கணக்கில் செலுத்தப்படும்' என, மத்திய அரசு அறிவித்துள்ளது.

அரியலூர் மாவட்டம்: சமையல், "காஸ்' சிலிண்டர்களுக்கு நேரடி மானிய வழங்கும் திட்டம், தமிழகத்தில் வரும், அக்டோபர் 1ம் தேதி முதல் அமல்படுத்தப்படுகிறது. துவக்கமாக, தமிழகத்தில் அரியலூர் மாவட்டத்தில் அறிமுகப்படுத்தப்படுகிறது. இதைத் தொடர்ந்து, நவம்பரில், மதுரை, டிசம்பரில், கடலூர் ஜனவரியில் தஞ்சை மாவட்டங்களில் செயல்படுத்தப்பட உள்ளது.சமையல் காஸ் சிலிண்டர்களுக்கு நேரடி மானியம் வழங்கும் திட்டம் தமிழகத்தில், அமலுக்கு வந்தாலும், மூன்று மாதம் அவகாசம் வழங்கப்படும். அவகாசம் அளிக்கப்படும் மூன்று மாதத்திற்குள், சமையல் காஸ் சிலிண்டர் பெறுபவர்கள் அனைவரும், ஆதார் எண்ணை கட்டாயம் வாங்கிவிட வேண்டும்.

சேமிப்பு கணக்கு:

ஆதார் எண்ணை, சேமிப்பு கணக்கு வைத்துள்ள வங்கியில், தங்களது சேமிப்பு கணக்குடன் இணைந்து, சமையல் காஸ் சிலிண்டர் பெறும் டீலரிடம் வழங்க வேண்டும். இதன்பின், சமையல், காஸ் சிலிண்டர்களுக்குரிய நேரடி மானியம், வங்கி கணக்கில் செலுத்தப்படும். இதன் காரணமாக, வரும் அக்டோபர் 1ம் தேதி முதல், படிப் படியாக நேரடி மானிய திட்டம் அறிமுகமாகும் மாவட்டங்களில் வசிக்கும், சமையல் காஸ் சிலிண்டர் பெறும் பொதுமக்கள், விரைவாக ஆதார் எண்ணை பெற்று, அதை வங்கி கணக்குடன் இணைக்க அறிவுறுத்தப்பட்டுள்ளது.நேரடி மானிய திட்டம் அறிமுகமாகும் மாவட்டங்களில் வசிப்பவர்கள், மூன்று மாதத்திற்குள் ஆதார் எண்ணை பெற்று இணைக்க வில்லை என்றால், சந்தை விலையில் மட்டுமே காஸ் சிலிண்டர் பெற முடியும்.உதாரணமாக அரியலூர் மாவட்டத்தில் வசிப்பவர்கள், டிசம்பர் 31ம் தேதிக்குள், ஆதார் எண்ணை பெறவில்லை யென்றால், ஜனவரி 1ம் தேதி முதல் நேரடி மானியத்தை பெற முடியாது. சந்தை விலையில் மட்டுமே வாங்க முடியும்.நேரடி மானிய திட்டம், ஜனவரி 1ம் தேதிக்குள், இந்தியாவில், 289 மாவட்டங்களில் அமல்படுத்தப்பட்டுவிடும். இதன் மூலம், 14 கோடி சமையல் காஸ் சிலிண்டர் பெறும் வாடிக்கையாளர்கள் நேரடி மானிய திட்டத்தின் கீழ் வந்துவிடுவர். இவர்களுக்கு, நேரடி மானியமாக, ஆண்டுக்கு, 27 ஆயிரம் கோடி ரூபாய் வழங்கப்படும் என மதிப்பிடப்பட்டுள்ளது.

முரண்பாடு:

கடந்த சில வாரங்களுக்கு முன் ராஜ்யசபாவில் கேள்வி ஒன்றுக்கு பதிலளித்த, மத்திய பார்லிமென்ட் விவகாரத்துறை அமைச்சர் ராஜிவ் சுக்லா "சமையல் காஸ் உள்ளிட்ட, அரசின் மானியங்களை பெறுவதற்கு, "ஆதார்' அடையாள அட்டை அவசியமில்லை' என, குறிப்பிட்டு இருந்தார். தற்போது, அரசு சார்பில் வெளியிடப்பட்ட அறிவிப்பில், "ஆதார்' எண் பெறுவது கட்டாயமாக்கப்பட்டுள்ளது. இது, பொதுமக்கள் மத்தியில் குழப்பத்தை ஏற்படுத்திஉள்ளது.